भारत न्यूझीलंड मालिकेसाठी टीम इंडियाची घोषणा! रोहितच्या नेतृत्वात खेळणार संघ

आता भारताच्या संघासमोर न्यूझीलंडचे आव्हान असणार आहे. यासाठी टीम इंडियाने संघाची घोषणा केली आहे. यामध्ये भारताचा संघ कॅप्टन रोहित शर्माच्या नेतृत्वाखाली न्यूझीलंडविरुद्ध मालिका खेळणार आहे. भारत विरुद्ध न्यूझीलंड यांच्यामध्ये १६ ऑक्टोबर पासून मालिकेला सुरुवात होणार आहे. यावेळी भारताचे नेतृत्व रोहित शर्मा करणार आहे.

भारत विरुद्ध न्यूझीलंड : भारताचा संघ सध्या बांग्लादेशविरुद्ध T२० मालिका खेळत आहे, यामध्ये भारताच्या संघाने तीन सामान्यांच्या मालिकेत २-० अशी आघाडी घेतली आहे. आज या मालिकेचा शेवटचा सामना रंगणार आहे. भारताचा संघ बांग्लादेशविरुद्ध मालिका झाल्यानंतर न्यूझीलंडविरुद्ध तीन सामान्यांची कसोटी मालिका खेळणार आहे. भारत विरुद्ध बांग्लादेश यांच्यामध्ये दोन सामान्यांची कसोटी मालिका झाली होती. यामध्ये भारताच्या संघाने दोन्ही सामने जिंकून कसोटी मालिका जिंकली होती. आता भारताच्या संघासमोर न्यूझीलंडचे आव्हान असणार आहे. यासाठी टीम इंडियाने संघाची घोषणा केली आहे. यामध्ये भारताचा संघ कॅप्टन रोहित शर्माच्या नेतृत्वाखाली न्यूझीलंडविरुद्ध मालिका खेळणार आहे.

भारत विरुद्ध न्यूझीलंड यांच्यामध्ये १६ ऑक्टोबर पासून मालिकेला सुरुवात होणार आहे. यावेळी भारताचे नेतृत्व रोहित शर्मा करणार आहे. तर उपकर्णधार जसप्रीत बुमराह असणार आहे. भारताच्या संघाने बांग्लादेशविरुद्ध असलेल्या खेळाडूंचा संघ कायम ठेवला आहे. सलामी फलंदाजांमध्ये भारताचा कर्णधार रोहित शर्मा आणि यशस्वी जयस्वाल हे असणार आहेत. त्याचबरोबर मधल्या फळीचे फलंदाजांमध्ये शुभमन गिल आणि विराट कोहली यांचा समावेश आहे. त्याचबरोबर केएल राहुल, सरफराज खान यांनाही संघामध्ये स्थान मिळाले आहे. विकेटकीपरमध्ये रिषभ पंत आणि ध्रुव जुरेल यांना संघामध्ये जागा देण्यात आली आहे.

फिरकी गोलंदाजाचं बोलायचं झालं तर रविचंद्रन अश्विन आणि अक्षर पटेल, कुलदीप यादव यांना संघामध्ये स्थान मिळाले आहे. मोहम्मद सिराज, आकाश दीप आणि भारताचा उपकर्णधार जसप्रीत बुमराह यांचा समावेश आहे.

See more

A look at #TeamIndia’s squad for the three-match Test series against New Zealand 🙌#INDvNZ | @IDFCFIRSTBank pic.twitter.com/Uuy47pocWM — BCCI (@BCCI) October 11, 2024

न्यूझीलंडविरुद्ध भारताचा संघ

रोहित शर्मा (कर्णधार), शुभमन गिल, यशस्वी जैस्वाल, विराट कोहली, केएल राहुल, सरफराज खान, रिषभ पंत (विकेटकिपर), ध्रुव जुरेल (विकेटकिपर), रविचंद्रन अश्विन, रवींद्र जडेजा, अक्षर पटेल, कुलदीप यादव, मोहम्मद सिराज, जसप्रीत बुमराह (उपकर्णधार), आकाशदीप सिंह