फोटो सौजन्य - ICC
वर्ल्ड टेस्ट चॅम्पियनशिप बक्षीस रक्कम : दक्षिण आफ्रिका विरुद्ध ऑस्ट्रेलिया यांच्यामध्ये वर्ल्ड टेस्ट चॅम्पियनशिप फायनलची मालिका रंगणार आहे. यामध्ये दक्षिण आफ्रिकेचा संघ टेंबा बावुमा आणि ऑस्ट्रेलियाचा संघ पॅट कमिन्सच्या नेतृत्वात मैदानात उतरतील. दक्षिण आफ्रिकेच्या संघाने संघ घोषित केला आहे, यामध्ये अनेक नव्या आणि अनुभवी खेळाडूंचा समावेश करण्यात आला. तर ऑस्ट्रेलियाने अजूनपर्यंत वर्ल्ड टेस्ट चॅम्पियनशिप फायनलसाठी संघ घोषित केला नाही. पण त्याआधी आत्ता दोन्ही संघांसाठी एक आनंदाची बातमी समोर आली आहे.
आंतरराष्ट्रीय क्रिकेट बोर्ड ने 2025 चा फायनलमध्ये जिंकणाऱ्या संघासाठी बक्षीस रकमेची घोषणा केली आहे आणि ही बक्षिस रक्कम 2023 च्या फायनलमध्ये जिंकलेला संघाला मिळालेला रकमेपासून दुपटीने वाढली आहे. नोव्हेंबर महिन्यामध्ये आयसीसीचे अध्यक्ष हे बदलण्यात आले आणि यावेळी भारताचे जय शहा यांना आयसीसीच्या पदावर नियुक्त करण्यात आले आहे त्यानंतर मोठ्या प्रमाणात रकमेमध्ये वाढ झाल्यामुळे क्रिकेट चाहते फार खुश पाहायला मिळाले.
जय शाह यांनी सोशल मिडीयावर एक पोस्ट शेअर केली आहे. यामध्ये त्यांनी लिहीले आहे की, दक्षिण आफ्रिका आणि ऑस्ट्रेलिया यांच्यातील #WTC25 अंतिम सामन्यातील विजेत्याला $3.6 दशलक्ष आणि उपविजेत्याला $2.1 दशलक्ष मिळतील हे जाहीर करताना आनंद होत आहे. बक्षीस रकमेतील वाढ कसोटी क्रिकेटला प्राधान्य देण्याच्या आणि मागील WTC चक्रांमधील गती वाढवण्याच्या आमच्या प्रयत्नांचे प्रतिक आहे.
It’s exciting to announce that the winner of the #WTC25 Final between South Africa and Australia will earn $3.6M, with the runner-up to receive $2.1M. The increase in prize money exhibits our efforts to prioritize Test cricket and build on momentum from previous WTC cycles. @ICC pic.twitter.com/GMgWxM7GSb — Jay Shah (@JayShah) May 15, 2025
2023 चा वर्ल्ड टेस्ट चॅम्पियनशिपच्या उपविजेत्याला 6.62 कोटी इतके बक्षीस रक्कम देण्यात आली होती. तर विजेत्या संघाला 13.22 कोटी इतकी बक्षीस रक्कम देण्यात आली होती. यावेळी वर्ल्ड टेस्ट चॅम्पियनशिपमध्ये जो संघ दुसऱ्या क्रमांकावर असेल त्याला 18.46 कोटी इतकी बक्षीस रक्कम देण्यात येणार आहे. तर जो संघ या मालिकेमध्ये विजयी होईल त्या संघाला 30.78 कोटी रुपयांची बक्षीस रक्कम मिळणार आहे. यावरून पाहायला मिळत आहे की कसोटी क्रिकेटला क्रिकेट विश्वामध्ये अव्वल दर्जा दिला जात आहे. ही फार क्रिकेट चाहत्यांसाठी आणि क्रिकेट प्रेमींसाठी आनंदाची बाब आहे.
.png "Videos"){kind=small}
