Table Tennis Competition
कर्वे रोड येथील रोहित शिंदे टेनिस अकादमीच्या (आरएसटीए) टेनिस कोर्टवर सुरू असलेल्या या स्पर्धेत १४ वर्षांखालील मुलींच्या गटातील दुसऱ्या फेरीत अव्वल मानांकित यायरा सॅमसनने कीयारा निमिशेचा टायब्रेकमध्ये ६-५ (१) असा पराभव करत आगेकूच केली. नवव्या मानांकित हृदवी लिमकरनेही दमदार खेळ करत परिणीता कदमवर ६-० असा एकतर्फी विजय मिळवला.
मुलांच्या गटात मात्र काही धक्कादायक निकालांची नोंद झाली. विहान सावंतने १३व्या मानांकित अथर्व बारस्करचा ६-४ असा पराभव करत अनपेक्षित विजय नोंदवला. विहानने सुरुवातीपासून आक्रमक खेळ करत सामन्यावर नियंत्रण ठेवले आणि मानांकित प्रतिस्पर्ध्याला नमवत पुढील फेरीतील आपले स्थान निश्चित केले.ऋषभ बेहेरेनेही १४व्या मानांकित कृष्णा अभयचा ६-० असा एकतर्फी पराभव करत स्पर्धेत सनसनाटी निकाल नोंदवला. ऋषभने सामन्यात प्रभावी सर्व्हिस आणि आक्रमक फटक्यांचा सुरेख मिलाफ साधत प्रतिस्पर्ध्याला एकही गेम जिंकण्याची संधी दिली नाही.
याशिवाय बिगरमानांकित अन्वय फाटकने १०व्या मानांकित रिवांश बहिरटवर ६-३ असा विजय मिळवत आपली आगेकूच कायम राखली. अन्वयने संयमी तसेच आक्रमक खेळाचे प्रदर्शन करत मानांकित प्रतिस्पर्ध्यावर मात केली आणि स्पर्धेतील आपली दावेदारी मजबूत केली.मानांकित खेळाडूंवरील या विजयांमुळे विहान सावंत, ऋषभ बेहेरे आणि अन्वय फाटक यांनी १४ वर्षांखालील मुलांच्या गटात विशेष लक्ष वेधून घेतले असून, पुढील फेरीतील त्यांच्या कामगिरीकडे टेनिसप्रेमींचे लक्ष लागले आहे.
वर्धा जिल्हा हौशी टेबल टेनिस संघटना यांच्या वतीने आयोजित चौथ्या महाराष्ट्र राज्य मानांकन टेबल टेनिस स्पर्धेत अनन्या पाटील, स्पृहा गुजर, ऋग्वेद दांडेकर, नीरज नांदेडे, शारंग गवळी, आर्यन वानखेडे यांनी आपापल्या प्रतिस्पर्धी खेळाडूंचा पराभव करून आगेकूच केली.
.png "Videos"){kind=small}
