Pune Football Cup
अंडर-१२ गट ‘ड’मधील सामन्यात विद्या व्हॅली स्कूलने सेंट पॅट्रिक्स हायस्कूलचा तब्बल १२-० असा धुव्वा उडवला. सामन्यात रिहान्श प्रशर आणि एकांश ओझा यांनी प्रत्येकी तीन गोल करत संघाच्या मोठ्या विजयात महत्त्वाची भूमिका बजावली.
Football प्रेमींसाठी पर्वणी! पुण्यनगरीत ‘लोयोला कप २०२६’चा धुमाकूळ; पाहा कोणते संघ आमनेसामने?
आदित्य द्विवेदीने दुसऱ्या आणि विसाव्या मिनिटाला दोन गोल केले. यशवर्धन बागडीने सहाव्या मिनिटाला गोल करत संघाचे खाते वाढवले. रिहान्श प्रशरने दहाव्या, अकराव्या आणि पंधराव्या मिनिटाला सलग तीन गोल करत हॅट्ट्रिक नोंदवली.एकांश ओझाने चौदाव्या, सतराव्या आणि एकोणिसाव्या मिनिटाला तीन गोल करत संघाची आघाडी आणखी भक्कम केली. सेंट पॅट्रिक्सकडून अठ्ठावीसाव्या मिनिटाला स्वयंगोल झाल्याने विद्या व्हॅलीच्या खात्यात आणखी एका गोलाची भर पडली. त्यानंतर रिआन जेधेने एकोणचाळिसाव्या, तर अहान बैसने चाळिसाव्या मिनिटाला गोल करत विद्या व्हॅलीचा विजय १२-० असा निश्चित केला.
अंडर-१४ गट ‘ड’मध्ये विद्या व्हॅलीने सेंट पॅट्रिक्स हायस्कूलवर ७-० असा दणदणीत विजय मिळवला. या सामन्यात मल्हार देशमुखने तेराव्या, अठराव्या आणि तेविसाव्या मिनिटाला गोल करत हॅट्ट्रिक नोंदवली.आरव यादवने बत्तीसाव्या मिनिटाला गोल करत संघाची आघाडी वाढवली. त्यानंतर अयान जोशीने अडतीसाव्या आणि अठ्ठेचाळीसाव्या मिनिटाला दोन गोल केले. राघव काळेने चाळिसाव्या मिनिटाला गोल करत विद्या व्हॅलीचा ७-० असा मोठा विजय निश्चित केला.
दरम्यान, अंडर-१६ गट ‘ड’मधील सामना दिवसातील सर्वाधिक चुरशीचा ठरला. सेंट पॅट्रिक्स हायस्कूलने विद्या व्हॅली स्कूलचा ३-२ असा निसटता पराभव करत अंडर-१२ आणि अंडर-१४ मधील विद्या व्हॅलीची विजयी मालिका रोखली. सामन्यात हुजेफा पठाणने बाविसाव्या मिनिटाला गोल करत सेंट पॅट्रिक्सला आघाडी मिळवून दिली. त्यानंतर विद्या व्हॅलीच्या कृष्णा चांदेरेंने चौतीसाव्या आणि चव्वेचाळीसाव्या मिनिटाला गोल करत संघाला २-१ अशी आघाडी मिळवून दिली.मात्र, सेंट पॅट्रिक्सने त्यानंतर जोरदार पुनरागमन केले. योहान ओहलने पस्तिसाव्या मिनिटाला गोल करत सामना २-२ असा बरोबरीत आणला. अखेर अरुष भाटियाने पंचेचाळिसाव्या मिनिटाला निर्णायक गोल करत सेंट पॅट्रिक्सला ३-२ असा विजय मिळवून दिला.
.png "Videos"){kind=small}
