Virat Kohli Century: कोहलीची ‘सेंच्युरी एक्सप्रेस’ सुसाट! ‘या’ देशाविरुद्ध सर्वाधिक शतके, पाहा संपूर्ण रेकॉर्ड

IND vs SA: भारताचा स्टार फलंदाज विराट कोहलीने (Virat Kohli) या दुसऱ्या सामन्यात पुन्हा एकदा शतक (१०२ धावा) ठोकले, ज्यामुळे तो २०२७ मध्ये होणाऱ्या एकदिवसीय विश्वचषकात खेळेल हे जवळजवळ निश्चित दिसत आहे.

• विराट कोहलीचा रायपूरमध्ये ‘विराट’ विक्रम!
• दक्षिण आफ्रिकेविरुद्ध ५३ वे शतक
• या’ देशाविरुद्ध सर्वाधिक शतके

IND vs SA 2nd ODI: भारत विरुद्ध दक्षिण आफ्रिका (IND vs SA) यांच्यातील तीन सामन्यांच्या एकदिवसीय मालिकेतील दुसरा सामना रायपूरच्या (Raipur) मैदानावर खेळवला जात आहे. दक्षिण आफ्रिकेने नाणेफेक जिंकून प्रथम गोलंदाजी करण्याचा निर्णय घेतला आणि भारताला फलंदाजीसाठी बोलावले. दरम्यान, भारताचा स्टार फलंदाज विराट कोहलीने (Virat Kohli) या दुसऱ्या सामन्यात पुन्हा एकदा शतक (१०२ धावा) ठोकले, ज्यामुळे तो २०२७ मध्ये होणाऱ्या एकदिवसीय विश्वचषकात खेळेल हे जवळजवळ निश्चित दिसत आहे.See more

Play it on loop ➿ Just like Virat Kohli 😎💯 Yet another masterful knock! 🫡 Updates ▶️ https://t.co/oBs0Ns6SqR#TeamIndia | #INDvSA | @IDFCFIRSTBank pic.twitter.com/WYbSDLEQRo — BCCI (@BCCI) December 3, 2025

कोहलीचे ५३ वे शतक, आफ्रिकेविरुद्ध ७ वे!

ऑस्ट्रेलिया दौऱ्यावर खेळल्या गेलेल्या मागील एकदिवसीय मालिकेत कोहलीला अपेक्षित कामगिरी करता आली नव्हती. मात्र, दक्षिण आफ्रिकेविरुद्धच्या या एकदिवसीय मालिकेत विराटने आपला फॉर्म कायम ठेवला आहे. पहिल्या सामन्यात शतक झळकावल्यानंतर, रायपूर मैदानावर खेळल्या गेलेल्या दुसऱ्या एकदिवसीय सामन्यातही त्याच्या बॅटमधून ५३ वे एकदिवसीय शतक पाहायला मिळाले. यासह, दक्षिण आफ्रिकन संघाविरुद्धचे हे त्याचे ७ वे शतक ठरले आहे.

हे देखील वाचा: IND vs SA 2nd ODI : रायपुरमध्ये भारताचे दक्षिण आफ्रिकेसमोर 359 धावांचे लक्ष्य! ऋतुराज-विराटची दमदार शतके

सर्वाधिक शतके श्रीलंकेविरुद्ध

विराट कोहली सध्या एकदिवसीय सामन्यात सर्वाधिक शतके (५३) झळकावण्याचा विक्रम करत आहे आणि त्याचा हा विक्रम मोडणे कोणत्याही फलंदाजासाठी सोपे काम असणार नाही. कोहलीने त्याच्या एकदिवसीय कारकिर्दीत एकूण १४ देशांविरुद्ध खेळले असून, त्यापैकी नऊ देशांविरुद्ध शतके झळकावली आहेत. कोहलीने कोणत्या देशाविरुद्ध किती एकदिवसीय शतके केली, याचा संपूर्ण रेकॉर्ड खालीलप्रमाणे आहे:

आंतरराष्ट्रीय २८,००० धावांच्या टप्प्यावर

एकदिवसीय शतकांमध्ये कोहली (५३) अव्वल स्थानावर आहे, तर सचिन तेंडुलकर (४९ शतके) या यादीत दुसऱ्या क्रमांकावर आहे आणि रोहित शर्मा (३३ शतके) तिसऱ्या क्रमांकावर आहे.

तिसऱ्या वनडेमध्ये मोठी संधी

विराट कोहली आता तिन्ही स्वरूपात (कसोटी, वनडे, टी-२०) २८,००० धावांचा टप्पा पूर्ण करण्यापासून फक्त ९० धावा दूर आहे. जर तो विशाखापट्टणममध्ये दक्षिण आफ्रिकेविरुद्धच्या तिसऱ्या एकदिवसीय सामन्यात असे करण्यात यशस्वी झाला, तर तो आंतरराष्ट्रीय क्रिकेटमध्ये २८,००० धावा पूर्ण करणारा सचिन तेंडुलकर आणि कुमार संगकारा यांच्यानंतर फक्त तिसरा खेळाडू ठरेल.

हे देखील वाचा: Virat Kohli Milestone: किंग कोहलीचा आणखी एक ‘विराट’ पराक्रम, अशी ऐतिहासिक कामगिरी करणारा जगातला तिसरा फलंदाज!