Washim News: धावपट्टी, थाळीफेक स्पर्धेत म्हसणीच्या विद्यार्थ्यांची बाजी; तालुकास्तरीय विविध स्पर्धेत प्रथम व द्वितीय क्रमांक

Washim Manora Taluka Sports Competition : मानोरा तालुका क्रीडा संकुलाच्या मैदानावर तालुकास्तरीय शालेय मैदानी क्रीडा स्पर्धा उत्साहात पार पडल्या. या स्पर्धेत छत्रपती शिवाजी महाराज विद्यालय, म्हसणीच्या विद्यार्थ्यांनी विविध क्रीडा प्रकारांत उल्लेखनीय कामगिरी करत यश संपादन केले.

• म्हसणीच्या विद्यार्थ्यांची क्रीडा मैदानात दमदार कामगिरी
• अनेक खेळ प्रकारांत पटकावले अव्वल क्रमांक
• धावले, झेपावले अन् थाळीफेकही गाजवली

मानोरा: क्रीडा व युवक सेवा संचालनालय, महाराष्ट्र राज्य, पुणे यांच्या आदेशानुसार जिल्हा क्रीडा अधिकारी कार्यालय, वाशिमच्या वतीने शालेय क्रीडा स्पर्धांचे आयोजन करण्यात आले. त्याअंतर्गत तालुका क्रीडा संयोजक प्रदीप देशमुख यांच्या मार्गदर्शनाखाली बुधवारी तालुका क्रीडा संकुलाच्या मैदानावर तालुकास्तरीय शालेय मैदानी क्रीडा स्पर्धा उत्साहात पार पडल्या. या स्पर्धेत छत्रपती शिवाजी महाराज विद्यालय, म्हसणीच्या विद्याथ्यांनी विविध खेळ प्रकारांत उल्लेखनीय कामगिरी करत यश मिळविले.

BCCI ने Ajit Agarkar चा केला गेम की स्वतःच सोडलं Chief Selector पद? समोर आली मोठी माहिती

या स्पर्धेत १४, १७ आणि १९ वर्षे वयोगटातील मुला-मुलींच्या वैयक्तिक तसेच सांघिक खेळ प्रकारांत तालुक्यातील विविध शाळांमधील विद्यार्थ्यांनी सहभाग घेतला, खेळाडूंनी आपल्या कौशल्याचे प्रदर्शन करत प्रथम व द्वितीय क्रमांक मिळवून जिल्हास्तरीय स्पर्धेसाठी पात्रता मिळविली. तालुक्याच्या शेवटच्या टोकाला असलेल्या म्हसणी येथील छत्रपती शिवाजी महाराज विद्यालयाच्या १७ वर्षे वयोगटातील मुलांनी मैदानी स्पर्धांमध्ये वकामगिरी केली. १०० मीटर धावण्यात मुकेश खैरे, ४०० मीटर धावण्यात सुमित हाडागोडे, ११० मीटर अडथळा शर्यतीत नमन टिके, लांबउडीत मुकेश खैरे आणि थाळीफेकमध्ये कार्तिक टिके यांनी प्रथम क्रमांक पटकावला. ४०० मीटर रिले स्पर्धेत मुकेश खैरे, सुमित हाडागोडे, नमन टिके आणि कार्तिक टिके यांच्या संघाने प्रथम क्रमांक. मुलींच्या थाळीफेक स्पर्धेत रिया कानडे हिनेही प्रथम क्रमांक पटकावला. याशिवाय मुलांच्या १०० मीटर धावण्याच्या स्पर्धेत सुमित हाडागोडे याने द्वितीय क्रमांका पटकविला. तर २०० मीटर धावण्याच्या स्पर्धेत कार्तिक टिके याने द्वितीय क्रमांक मिळविला.

विजयी खेळाडू जिल्हास्तरीय स्पर्धेसाठी ठरले पात्र

तालुकास्तरीय स्पर्धेत प्रथम व द्वितीय क्रमांक मिळविणारे सर्व विजयी खेळाडू जिल्हास्तरीय स्पर्धेसाठी पात्र ठरले आहेत. विद्याध्यांच्या या यशाबद्दल शाळेचे मुख्याध्यापक, शिक्षक, क्रीडाप्रेमी आणि पालकांनी अभिनंदन केले असून, त्यांच्या कामगिरीचे सर्वत्र कौतुक होत आहे.

Davis Cup 2026: पहिला सेट एकतर्फी, दुसऱ्यातही गेम ओव्हर! सरळ सेटमध्ये सुमित नागलचा पराभव; भारताचं आव्हान संपलं