IND vs SA 2nd ODI: भारत विरुद्ध दक्षिण आफ्रिका पुढील सामना कधी आणि कुठे? रोहित-कोहलीचा कहर पुन्हा अपेक्षित

IND vs SA: पहिल्या वनडे सामन्यात भारतीय संघाने दक्षिण आफ्रिकेचा १७ धावांनी पराभव करत मालिकेत विजयी आघाडी घेतली आहे. खंर तर, या सामन्यात विराट कोहली आणि रोहित शर्माचे वादळ पाहायला मिळाले.

 

• थरारक विजयानंतर दुसऱ्या वनडेची तयारी!
• भारत विरुद्ध दक्षिण आफ्रिका पुढील सामना कधी?
• रोहित-कोहली पुन्हा मैदानात उतरणार

India vs South Africa 2nd ODI: भारत विरुद्ध दक्षिण आफ्रिका यांच्यात तीन सामन्याची वनडे मालिका खेळवली जात आहे. त्यातील पहिला सामना रांची येथे रविवारी खेळवला गेला. पहिल्या वनडे सामन्यात भारतीय संघाने दक्षिण आफ्रिकेचा १७ धावांनी पराभव करत मालिकेत विजयी आघाडी घेतली आहे. खंर तर, या सामन्यात विराट कोहली आणि रोहित शर्माचे वादळ पाहायला मिळाले. रोहित शर्माने ५७ तर विराट कोहलीने १३५ धावांची खेळी केली. त्यामुळे दुसऱ्या वनडे सामन्यातूनही मोठ्या धावांची अपेक्षा असणार आहे. आता भारताचा दुसरा सामना कधी अन् कुठे खेळवला जाणार आहे जाणून घेवूया.

दुसरा एकदिवसीय सामना कधी

मालिकेचा पुढील सामना ३ डिसेंबर रोजी रायपूरमध्ये खेळला जाईल. पहिल्या आणि दुसऱ्या एकदिवसीय सामन्यांमध्ये जास्त वेळ नाही. याचा अर्थ टीम इंडिया आणि दक्षिण आफ्रिका लवकरच रांचीहून रायपूरला रवाना होतील. हा सामना बुधवारी होणार आहे. रायपूरमध्ये बऱ्याच काळानंतर आंतरराष्ट्रीय सामना होत आहे, त्यामुळे या सामन्याभोवती प्रचंड उत्साह आहे.

हे देखील वाचा: India Vs South Africa: कुलदीप यादवने रांचीमध्ये केली कमाल, शेन वॉर्नचा 23 वर्ष जुना विश्वविक्रम तोडला

रोहित-कोहलीचा कहर पुन्हा अपेक्षित

रोहित शर्मा आणि विराट कोहली देखील खेळणार आहेत. रांची येथे खेळल्या गेलेल्या पहिल्या सामन्यात रोहित शर्मा आणि विराट कोहलीच्या कामगिरीने सामन्याची उत्सुकता वाढवली आहे. रांची कसोटीत विराट कोहलीने शतक झळकावले, तर रोहित शर्मानेही धमाकेदार अर्धशतक पूर्ण केले. कर्णधार केएल राहुलनेही खालच्या क्रमाने चांगली फलंदाजी केली आणि संघाच्या विजयात महत्त्वपूर्ण योगदान दिले.

टीम इंडियाची विजयी सलामी

केएल राहुलच्या नेतृत्वाखाली भारतीय क्रिकेट संघाने दक्षिण आफ्रिकेविरुद्धचा पहिला एकदिवसीय सामना जिंकला. प्रथम फलंदाजी करताना टीम इंडियाने ५० षटकांत आठ गडी गमावून ३४९ धावा केल्या. प्रत्युत्तरादाखल, संपूर्ण दक्षिण आफ्रिकेच्या संघाने ४९.२ षटकांत ३३२ धावा केल्या आणि भारताने हा सामना १७ धावांनी जिंकला. भारतीय संघाचा सर्वाधिक धावसंख्या असूनही, दक्षिण आफ्रिकेने चांगला खेळ केला आणि शेवटच्या षटकापर्यंत सामना जिवंत ठेवला.

हे देखील वाचा: IND vs SA: विराट कोहलीच्या नावे 1-2 नव्हे तर तब्बल 13 महारेकॉर्ड, तोडणे अशक्य