IPL 2026 Final: RCB पुन्हा बनणार चॅम्पियन? फायनलमधील ‘हा’ अजेय योद्धा आहे विजयाची 100% गॅरंटी!

RCB vs GT Final: IPL 2026 चा फायनल सामना आज RCB आणि गुजरात टायटन्स यांच्यात रंगणार आहे. आरसीबीचा स्टार गोलंदाज जोश हेझलवूडचा अजेय फायनल रेकॉर्ड आरसीबीला सलग दुसऱ्यांदा चॅम्पियन बनवणार का?

• RCB पुन्हा बनणार चॅम्पियन?
• फायनलमधील ‘हा’ अजेय योद्धा आहे विजयाची गॅरंटी
• आजवर कधीही हरला नाही खिताबी मुकाबला

अहमदाबाद: क्रिकेट जगतातील सर्वात मोठी लीग म्हणजेच इंडियन प्रीमियर लीग 2026 चा (IPL 2026) महाअंतिम सामना आज, रविवार 31 मे रोजी अहमदाबाद येथील जगातील सर्वात मोठे स्टेडियम असलेल्या ‘नरेंद्र मोदी स्टेडियम’वर खेळवला जाणार आहे. या खिताबी लढतीत गतविजेता रॉयल चैलेंजर्स बंगळुरु (RCB) आणि गुजरात टायटन्स (GT) हे दोन तगडे संघ आमनेसामने येणार आहेत. आरसीबीने क्वालिफायर-1 च्या सामन्यात गुजरात टायटन्सचा 92 धावांनी धुव्वा उडवत थेट फायनलमध्ये धडक मारली होती. तर दुसरीकडे, गुजरातने क्वालिफायर-2 मध्ये राजस्थान रॉयल्सचा पराभव करून अंतिम फेरीत प्रवेश केला आहे. या महामुकाबल्यात आरसीबी सलग दुसऱ्यांदा ट्रॉफी उंचावण्यासाठी सज्ज आहे, तर गुजरात 2022 नंतर आपले दुसरे जेतेपद पटकावण्याच्या इराद्याने मैदानात उतरेल.

आरसीबीचा ‘हा’ मॅचविनर खेळाडू ठरतोय ‘लकी चार्म’

या हाय-व्होल्टेज सामन्यात रॉयल चॅलेंजर्स बंगळुरुचे पारडे जड मानले जात आहे. यामागचे सर्वात मोठे कारण म्हणजे आरसीबीच्या ताफ्यात असा एक अजेय योद्धा आहे, ज्याने क्रिकेट इतिहासात आजवर एकही व्हाईट-बॉल (मर्यादित षटकांचा) फायनल सामना गमावलेला नाही. हा खेळाडू दुसरा कोणी नसून ऑस्ट्रेलियाचा स्टार वेगवान गोलंदाज जोश हेझलवूड (Josh Hazlewood) आहे. हेझलवूडचा फायनल सामन्यांमधील वैयक्तिक रेकॉर्ड अत्यंत थक्क करणारा आहे. त्याने आपल्या संपूर्ण कारकिर्दीत जितके टी-20 आणि आंतरराष्ट्रीय मर्यादित षटकांचे अंतिम सामने खेळले आहेत, त्या सर्व सामन्यांमध्ये त्याचा संघ चॅम्पियन ठरला आहे. आयपीएल 2025 मध्ये आरसीबीला पहिले ऐतिहासिक विजेतेपद मिळवून देण्यातही त्याचा मोठा वाटा होता.

आयपीएल 2025 मध्येही आरसीबीला बनवले होते चॅम्पियन

जोश हेझलवूडच्या या अनोख्या आणि अजेय रेकॉर्डची सुरुवात 2010 मधील अंडर-19 वर्ल्ड कपपासून झाली होती. पाकिस्तानविरुद्धच्या त्या अंतिम सामन्यात हेझलवूडने 4 बळी घेत ऑस्ट्रेलियाला विश्वविजेते बनवले. त्यानंतर त्याने 2012 च्या चॅम्पियन्स लीग टी-20 मध्ये सिडनी सिक्सर्सला जेतेपद मिळवून दिले. 2021 च्या टी-20 वर्ल्ड कप आणि आयपीएल 2021 मध्ये चेन्नई सुपर किंग्जला (CSK) चॅम्पियन बनवण्यातही त्याचा महत्त्वाचा वाटा होता. विशेष म्हणजे, गेल्या वर्षी म्हणजेच आयपीएल 2025 मध्ये पंजाब किंग्सविरुद्धच्या खिताबी लढतीत आरसीबीला पहिले जेतेपद मिळवून देण्यात त्याने मोठी भूमिका बजावली होती.

GT च्या ‘त्या’ दुखण्यावर RCB करणार वार; IPL 2026 Final मध्ये ‘रजत’ सेना इतिहास घडवणार?

जोश हेझलवूडचा ‘अजेय’ फायनल रेकॉर्ड (2010 ते 2025)

गुजरातविरुद्ध शंभर टक्के रेकॉर्ड राखण्याचे आव्हान

हेझलवूडने आतापर्यंत 5 प्रमुख टी-20 फायनल खेळल्या असून सर्वच्या सर्व सामन्यांत विजय मिळवला आहे. आज अहमदाबादच्या मैदानावर गुजरात टायटन्सविरुद्ध खेळताना तो आपला हा 100% विनिंग रेकॉर्ड कायम राखण्यासाठी मैदानात उतरेल. हेझलवूडची ही ‘विजयाची गॅरंटी’ आरसीबीला सलग दुसऱ्यांदा आयपीएल ट्रॉफी जिंकून देणार का, याकडे आता संपूर्ण जगाचे लक्ष लागले आहे.

RCB vs GT Final पूर्वीच गुजरातला वादळाचा तडाखा; प्रवासाला विलंब; अवघे काही तास आधी टायटन्स अहमदाबादमध्ये दाखल