ChatGPT Down : AI चॅटबोट अचानक झाले डाऊन, यूजर्सच्या समस्या वाढल्या! कामं झाली ठप्प

चॅटजीपीटी अचानक डाऊन झाल्याने यूजर्स वैतागले आहेत. यूजर्सनी सोशल मीडियावर पोस्ट शेअर करण्यास सुरुवात केली आहे. चॅटजीपीटी डाऊन झाल्याने अनेक कामं देखील ठप्प झाली आहेत.

• ChatGPT 17 एप्रिल रोजी सकाळी काही यूजर्ससाठी स्लो काम करणं, एरर येणं आणि प्रॉम्प्ट/इमेज जनरेशनमध्ये अडचणी निर्माण झाल्या.
• ही समस्या प्रामुख्याने तात्पुरती असून सर्व्हर लोड, नेटवर्क इश्यू किंवा तांत्रिक बिघाडामुळे काही भागातील यूजर्सवर परिणाम झाल्याची शक्यता आहे.
• यूजर्सनी पेज रिफ्रेश करणे, अ‍ॅप रिस्टार्ट करणे किंवा काही वेळ थांबणे असे सोपे उपाय करून समस्या दूर होण्याची वाट पाहावी.

 

टेक कंपनी ओपनएआयच्या मालकीचे एआय चॅटबोट ChatGPT अचानक डाऊन झाले आहे. 17 एप्रिल रोजी सकाळी सुमारे 9.45 वाजण्याच्या सुमारास यूजर्सना चॅटजीपीटीचा वापर करण्यात समस्या येऊ लागल्या आहेत. मेसेज पाठवण्यात, प्रॉम्प्ट किंवा ईमेज क्रिएट करण्यात आणि रिफ्रेश करताना यूजर्सना काही समस्यांचा सामना करावा लागत आहे. यामुळे अनेकांची कामं देखील ठप्प झाली आहेत. कारण सध्याच्या काळात अशी अनेक लोकं आहेत ज्यांची बरीच कामं चॅटजीपीटीवर अवलंबून आहेत. मात्र चॅटजीपीटी अचानक डाऊन झाल्याने यूजर्स वैतागले आहेत.  (फोटो सौजन्य – Pinterest)

डिझाईन पाहताच प्रेमात पडाल! 50MP कॅमेऱ्यासह Oppo चा तगडा स्मार्टफोन लाँच, जाणून घ्या फीचर्स आणि किंमत

मिळालेल्या माहितीनुसार, चॅटजीपीटीचा वापर करण्यात काही यूजर्सना तात्पुरत्या समस्या आल्या होत्या. ही समस्या विशेषत: भारतातील यूजर्सना आली असल्याचे सांगितलं जात आहे. काहीवेळा चॅटीजीपीटी स्लो होते किंवा एरर पाहायला मिळतो. मात्र ही समस्या अतिशय सामान्य असल्याचे अनेकांचे म्हणणं आहे. सध्या यूजर्सना आलेल्या समस्येवर OpenAI ने कोणतीही प्रतिक्रिया दिली नाही. त्यामुळे ही समस्या फार मोठी नसल्याचे सांगितलं जात आहे. यापूर्वी देखील चॅटजीपीटी अनेकदा डाऊन झाला होता. सर्व्हर लोड, नेटवर्क समस्या आणि तात्पुरता तांत्रिक बिघाड यासांरख्या समस्यांमुळे चॅटजीपीटी डाऊन होते.

चॅटजीपीटी वापरण्यात समस्या अल्यास काय करावे?

• पेज रिफ्रेश करा.
• अ‍ॅप किंवा वेबसाईट रिस्टार्ट करा.
• थोडा वेळ वाट बघा.

Tech Tips: कोण वापरतंय तुमच्या iPhone चा हॉटस्पॉट डेटा? क्षणार्धात लावा शोध, फॉलो करा ही सोपी प्रोसेस

ओपनएआयच्या मालकीचे एआय चॅटबोट चॅटजीपीटी मोठ्या प्रमाणात लोकप्रिय आहे. प्रत्येक कामासाठी चॅटजीपीटीचा वापर केला जातो. अगदी शाळेतील मुलांपासून ऑफीसला जाणाऱ्या कर्मचाऱ्यांपर्यंत प्रत्येकजण चॅटजीपीटीचा वापर करत असते. चॅटजीपीटीच्या मदतीने फोटो क्रीएट करणं, फोटो एडीट करणं, गणित सोडवणं, प्रश्नांची उत्तरं मिळवणं, आर्टिकल लिहीणे अशी अनेक कामं पूर्ण केली जाऊ शकतात. चॅटीजीपीटीमुळे अनेक कामं करणं अगदी सहज शक्य होतं. वेळ वाचतो तसेच क्रिएटिव्हिटी देखील पाहायला मिळते. मात्र जेव्हा चॅटीजीपीटी अचानक डाऊन होते, अनेक यूजर्सची काम ठप्प होतात.