AI चॅटबोटला अपशब्द बोलता? Anthropic ने जारी केला नवा नियम, अकाउंट बंद होणार की नाही?

AI कंपनी Anthropic ने त्यांच्या एआय चॅटबोट Claude साठी एक नवीन नियम बनवला आहे. हा नियम 12 नोव्हेंबर पासून सर्वत्र लागू केला जाणार आहे. या नियमांअंतर्गत कोणते बदल करण्यात आले आहेत आणि त्याचा यूजर्सवर कसा परिणाम होईल जाणून घेऊया.

• वारंवार एआय सोबत क्रूर किंवा अपमानास्पद वर्तन करता का?
• अँथ्रॉपिकने जारी केला नवीन नियम
• AI चॅटबोट्ससोबत विनाकारण अपमानास्पद किंवा क्रूर वागण्यावर बंदी

आपण चॅटजीपीटी किंवा Claude सारख्या AI चॅटबोट्सना सतत विविध प्रश्न विचारत असतो. त्यांनी दिलेल्या प्रत्येक प्रश्नाचे उत्तर आपल्याला आवडेलच असं नाही. चॅटजीपीटी किंवा Claude ने दिलेले एखादे उत्तर तुम्हाला आवडले नाही तर तुम्ही त्याला शिव्या देता किंवा अपशब्द बोलता का? तर आता तुमच्यासाठी एक महत्त्वाची अपडेट आहे. एआय कंपनी Anthropic ने त्यांच्या एआय चॅटबोट Claude साठी एक नवीन नियम बनवला आहे.

नव्या धमाक्यासाठी सज्ज व्हा! Vivo चा नवा स्मार्टफोन लवकरच करणार एंट्री… BIS वर झाला स्पॉट

कंपनीने जारी केला नवीन नियम!

कंपनीचं असं म्हणणं आहे की, जे लोक विनाकारण वारंवार एआय सोबत क्रूर किंवा अपमानास्पद वर्तन करतात, त्यांच्यावर कारवाई केली जाऊ शकते. मात्र यामुळे अकाऊंट ब्लॉक केले जाऊ शकते का, असा प्रश्न आता उपस्थित केला जात आहे. यूजर्सच्या या प्रश्नावर स्पष्टीकरण देत असं सांगण्यात आलं आहे की, एआयच्या उत्तरावर नाराजी व्यक्त करणं किंवा टीका केल्याने अकाऊंट बंद केले जाईल, असं नाही. (फोटो सौजन्य – AI Created)

अकाऊंट बंद होणार का?

सहसा तुम्ही देखील असं पाहिले असेल की, एआयने तुमच्या प्रश्नाचे तुमच्या पसंतीनुसार उत्तर दिले नाही तर अनेक लोक एआयसोबत बोलताना चुकीच्या भाषेचा वापर करू लागतात. मात्र तज्ञांचे असे मत आहे की, असे केल्यास युजर्सचे नुकसान होऊ शकते. विचार करा की तुम्ही एआयला एखादा प्रश्न विचारला आणि त्याने त्या प्रश्नांचे चुकीचे उत्तर दिले. त्यानंतर तुम्ही पुन्हा एकदा तोच प्रश्न एआयला विचारला आणि त्याने पुन्हा त्या प्रश्नाचे चुकीचे उत्तर दिले, त्यानंतर तुम्ही रागात जर यायला शिव्या दिल्या किंवा अपमानास्पद शब्दांचा वापर केला तर यामुळे अकाउंट बंद केले जाऊ शकते का असा प्रश्न आता उपस्थित केला जात आहे.

अँथ्रॉपिकने जाहीर केला नवीन नियम

Claude एआय तयार करणारी कंपनी अँथ्रॉपिकने त्यांच्या पॉलिसीमध्ये एआय मॉडेल सोबत वारंवार अपमानास्पद किंवा चुकीचा व्यवहार करण्याबाबत बंदी घातली आहे. कंपनीने 8 ऑक्टोबर 2026 पासून त्यांच्या नवीन पॉलिसी बाबत घोषणा केली आहे. हा नियम 12 नोव्हेंबर पासून सर्वत्र लागू केला जाणार आहे. अँथ्रोपिकने त्यांच्या पॉलिसीमध्ये सस्टेन्ड एंड नीडलेस एब्यूसिव ऑर क्रूएल बिहेवियर म्हणजेच विनाकारण अपमानास्पद किंवा क्रूर वागण्यावर बंदी घातली आहे. कंपनीने सांगितलं आहे की हा नियम केवळ गंभीर घटनांसाठी आहे ज्यामध्ये युजर्स वारंवार ती एआयसोबत अपमानास्पद वागतात आणि यामागे कोणतीही स्पष्ट उद्दिष्ट नसतात.

Tech Tips: Aadhaar Card मध्ये मोबाईल अपडेट करणं झालं सोपं… फॉलो करा ही सोपी प्रोसेस, फी केवळ 75 रुपये

याचा अर्थ असा आहे की Claude एखाद्या प्रश्नाचे चुकीचे उत्तर देत असेल आणि जर तुम्ही त्याला सांगितले की त्याचे उत्तर चुकीचे आहे तर हे नियमाची उल्लंघन मानले जाणार नाही. तुम्ही Claude ने दिलेल्या उत्तराशी असहमत असू शकतात त्याचे उत्तरावर प्रश्न उपस्थित करू शकतात तसेच त्याला अधिक चांगले उत्तर देण्यासाठी प्रोत्साहन देऊ शकता. तसेच तुम्ही मॉडेलची चाचणी घेणे किंवा त्याला एखाद्या कथेसाठी गंभीर आणि गडद विषयांवर लिहिण्यास सांगणे यांसारख्या गोष्टीही या नियमाच्या कक्षेतून वगळण्यात आल्या आहेत.