Apple ची मोठी घोषणा! ‘या’ फोल्डेबल iPhone यूजर्सना मिळणार नवा फोन… काय आहे प्रकरण? जाणून घ्या

अलीकडेच लाँच करण्यात आलेल्या आयफोन डुओच्या स्क्रीनवर समस्या निर्माण झाली आहे. याचे व्हिडीओ देखील सोशल मीडियावर मोठ्या प्रमाणात व्हायरल झाले आहेत. आता अशाच आयफोन यूजर्सना दिलासा देण्यासाठी ॲपलने एक मोठी घोषणा केली आहे.

• आयफोन डुओबाबत सतत तक्रारी समोर येत आहेत
• यूजर्सना डिव्हाईसच्या इनर डिस्प्लेवर क्रॅक दिसला
• तक्रारींचे व्हिडीओ सोशल मीडियावर मोठ्या प्रमाणात व्हायरल

टेकजायंट कंपनी ॲपलने अलीकडेच त्यांचा पहिला फोल्डेबल आयफोन लाँच केला होता. कंपनीचा हा आयफोन मॉडेल आयफोन डुओ या नावाने लाँच करण्यात आला होता. आयफोन डुओ हा कंपनीचा पहिला फोल्डेबल आयफोन असल्याने ग्राहक हे डिव्हाईस खरेदी करण्यासाठी प्रचंड उत्सुक होते. खरं तर लाँचिंगपूर्वीच या डिव्हाईसची मोठ्या प्रमाणात चर्चा सुरु होती. तसेच, लाँचिंगनंतर देखील या डिव्हाईससाठी एक वेगळीच क्रेझ पाहायला मिळाली. मात्र आता या डिव्हाईसबाबत सतत तक्रारी समोर येत आहेत. डिव्हाईसच्या स्क्रीनबद्दल यूजर्स सतत तक्रार करत आहेत.

मोबाईलची छोटी स्क्रीन विसरा! आता थेट Apple TV वर पाहता येणार Instagram रिल्स; मेटाने केली घोषणा

ॲपलने देखील स्विकारली समस्या

काही रिपोर्ट्सनुसार, यूजर्सना डिव्हाईसच्या इनर डिस्प्लेवर क्रॅक दिसला आहे. काही प्रकरणे अशी देखील आहेत, ज्यामध्ये फोन पहिल्यांदा उघडल्यानंतर आणि काही वेळ वापरल्यानंतर यूजर्सना समस्यांचा सामना करावा लागला. या तक्रारींचे व्हिडीओ सोशल मीडियावर मोठ्या प्रमाणात व्हायरल झाले आहेत. आता अखेर ॲपलने देखील काही डिव्हाईसच्या स्क्रीनमध्ये येणाऱ्या या समस्यांचा स्विकार केला आहे.  (फोटो सौजन्य: X) 

यूजर्सना मिळणार दिलासा

समोर आलेल्या काही रिपोर्ट्सनुसार, फोनची स्क्रीन ज्या ठिकाणी फोल्ड होते, तिथे सर्वाधिक समस्या येत असल्याचे पाहायला मिळत आहे. डिव्हाईसच्या या भागाला सेंट्रल हिंज असं म्हटलं जातं. डिव्हाईसचा हा भाग अतिशय महत्त्वाचा असतो. कारण फोनची स्क्रीन वारंवार ओपन करणं आणि बंद केल्यानंतर याच ठिकाणी फोल्ड होते. हीच समस्या महागड्या आयफोन डुओमध्ये निर्माण झाल्याने यूजर्स चिंतेत आहेत. मात्र आता या समस्येचा सामना करणाऱ्या यूजर्सना दिलासा देत ॲपलने एक मोठी घोषणा केली आहे.

ॲपलने केली मोठी घोषणा

ॲपलने सांगितलं आहे की, त्यांनी अलीकडेच लाँच केलेल्या आयफोन डुओच्या काही युनिट्सच्या इनर डिस्प्लेमध्ये समस्या पाहायला मिळाल्या आहेत. कंपनीचं असं म्हणणं आहे की, सध्या ही समस्या काही डिव्हाईसमध्ये समोर आली आहे. मात्र अशा यूजर्सना दिलासा देण्यासाठी ॲपलने खराब डिव्हाईस रिप्लेस करून नवीन डिव्हाईस उपलब्ध करण्याची घोषणा केली आहे.

Siri झाली आणखी स्मार्ट! iPhone युजर्ससाठी Apple चं नवीन अपडेट रिलीज; मिळणार हे खास फीचर्स

आयफोन डुओमध्ये समस्या येत असल्यास काय करावे?

जर तुमच्या आयफोन डुओच्या इनर स्क्रीनवर क्रॅक दिसत असेल किंवा डिस्प्लेमध्ये इतर कोणती समस्या येत असेल तर लवकरात लवकर ॲपल केअरला संपर्क साधा. कंपनीने बाधित यूजर्सना रिप्लेसमेंटसाठी संपर्क साधण्याचा सल्ला दिला आहे. मात्र, रिप्लेसमेंटच्या अटी आणि पात्रता ॲपल केअरद्वारे निश्चित केली जाईल.