iPhone यजूर्सना झटका! कंपनीने App Store वरून हटवला ‘हा’ ॲप; काय आहे कारण? जाणून घ्या सविस्तर

भारतात ॲप स्टोअरवरून मेसेजिंग ॲप बिटचॅट हटवण्यात आले आहे. भारत सरकारच्या इलेक्ट्रॉनिक्स आणि माहिती तंत्रज्ञान मंत्रालयाच्या निर्देशानुसार हा निर्णय घेतला असल्याचे ॲपलने म्हटलं आहे. याबाबत जॅक डोर्सी यांनी एक्सवर एक पोस्ट शेअर केली आहे.

• भारतातील ॲप स्टोअरवरून हटवले बिटचॅट
• जॅक डोर्सी यांनी शेअर केली एक्स पोस्ट
• बिटचॅट इतर सामान्य मेसेजिंग ॲपपेक्षा बऱ्याच वेगळ्या पद्धतीने काम करतो

जॅक डोर्सी यांचे मेसेजिंग ॲप बिटचॅट पुन्हा एकदा चर्चेत आहे. याचे कारण म्हणजेच टेक कंपनीने ॲपलने हे ॲप भारतातील ॲप स्टोअरवरून हटवण्याचा निर्णय घेतला आहे. हे पाऊल भारत सरकारच्या इलेक्ट्रॉनिक्स आणि माहिती तंत्रज्ञान मंत्रालयाच्या निर्देशानुसार उचलण्यात आले आहे. हे प्रकरण नक्की काय आहे, याबाबत आता सविस्तर जाणून घेऊया.

BSNLचा पुन्हा धमाका! फ्रीडम ऑफरने सर्वांनाच केलं चकित; केवळ 51 रुपयांना मिळणार डेटा, कॉलिंग अन् बरंच काही

इंटरनेटशिवाय मेसेज पाठवण्याची सुविधा

ट्विटरचे को-फाऊंडर जॅक डोर्सी यांनी इंटरनेटशिवाय मेसेज पाठवण्याच्या सुविधेसह मेसेजिंग ॲप बिटचॅट लाँच केले होते. या ॲपची विशेषत: म्हणजेच या ॲपद्वारे आजूबाजूला उपलब्ध असलेले डिव्हाईस ब्लूटूथ नेटवर्कच्या मदतीने एकमेकांसोबत जोडले जाऊ शकतात. मध्यंतरी हे ॲप मोठ्या प्रमाणात चर्चेत होते.  (फोटो सौजन्य: Pinterest) 

बिटचॅट भारताच्या ॲप स्टोअरवरून हटवण्याचा निर्णय

जॅक डोर्सी यांनी 3 ऑक्टोबर रोजी त्यांच्या एक्स अकाऊंटंवर ॲपलने पाठवलेल्या एका मेसेजचा स्क्रीनशॉट शेअर केला आहे. यामध्ये ॲपलच्या ॲप रिव्ह्यु टिमने असं सांगितलं आहे की, भारत सरकारच्या इलेक्ट्रॉनिक्स आणि माहिती तंत्रज्ञान मंत्रालयाच्या मागणीनुसार बिटचॅट भारताच्या ॲप स्टोअरवरून हटवण्याचा निर्णय घेण्यात आला आहे. ॲपलच्या म्हणण्यानुसार, भारतात बेकायदेशीर मानल्या जाणाऱ्या मजकुराचा हवाला देत, सरकारने हे ॲप देशात उपलब्ध न करण्याचे निर्देश दिले होते.

ॲपलने स्पष्ट केलं आहे की, बिटचॅट दुसऱ्या देशांमध्ये उपलब्ध असणार आहे. मात्र भारतातील ॲप स्टोअरवरून हे ॲप आता हटवण्यात आले आहे. भारतात या ॲपचे टेस्टफ्लाईट वर्जन देखील वापरले जाऊ शकत नाही. टेस्टफ्लाईटचा वापर ॲपच्या बीटा वर्जनची चाचणी करण्यासाठी केला जातो. ॲपलच्या म्हणण्यानुसार, भारत सरकारच्या इलेक्ट्रॉनिक्स आणि माहिती तंत्रज्ञान मंत्रालयाने आयटी ॲक्टच्या सेक्शन 69 ए अंतर्गत बिटचॅट भारतातील ॲप स्टोअरवरून हटवण्याचे निर्देश दिले आहेत.

सामान्य मेसेजिंग ॲपपेक्षा वेगळे

मेसेजिंग ॲप बिटचॅट इतर सामान्य मेसेजिंग ॲपपेक्षा बऱ्याच वेगळ्या पद्धतीने काम करतो. यासाठी इंटरनेट कनेक्शन किंवा कोणत्याही मध्यवर्ती सर्व्हरवर अवलंबून राहण्याची आवश्यकता नाही. हे ॲप ब्लूटूथ आधारित मेश नेटवर्किंगचा वापर करतो. याद्वारे, आजूबाजूचे डिव्हाईस एकमेकांसोबत कनेक्ट होऊन मेसेज पुढे पाठवू शकतात.

5G स्मार्टफोनच्या दुनियेत नव्या खेळाडूची एंट्री! अखेर Vivo S60t चीनमध्ये लाँच; जाणून घ्या फीचर्स, स्पेसिफिकेशन्स अन् किंमत

जुलै महिन्यात जंतर मंतर येथे सीजेपीचे आंदोलन होते. यावेळी इंटरनेट बंद असताना आंदोलनकर्त्यांनी बिटचॅटच्या मदतीने संपर्क टिकवून ठेवला. यामुळेच हा बिटचॅट ॲप यापूर्वी देखील सरकारच्या निगराणीखाली आले होते, परंतु नंतर ते पुन्हा उपलब्ध झाले. 2 ऑक्टोबर रोजी जंतर मंतर परिसरात 1.5 किलोमीटर क्षेत्रात 12 तास इंटरनेट बंद ठेवण्यात आल्यानंतर आणि दिल्ली व मुंबईत सीजेपी द्वारे निदर्शने झाल्यानंतर, ॲपलने आता भारतीय ॲप स्टोअरवरून ‘बिटचॅट’ हटवण्याचा निर्णय घेतला आहे.