ऑस्ट्रेलियाचं ऐतिहासिक पाऊल! 16 वर्षांपेक्षा कमी वयाच्या मुलांना सोशल मीडियावर ‘No Entry’, असा निर्णय घेणार ठरला पहिला देश

Australia Social Media Ban for Kids: ऑस्ट्रेलियात सोशल मीडिया युजर्ससाठी एक मोठा निर्णय घेण्यात आला आहे. या देशातील सरकारने 16 वर्षांपेक्षा कमी वय असलेल्या मुलांसाठी सोशल मीडिया बॅन करण्याचा निर्णय जाहीर केला आहे.

• ऑस्ट्रेलियात अल्पवयीन मुलांसाठी सोशल मीडिया बंद
• ऑस्ट्रेलियाचा धडाकेबाज निर्णय!
• सोशल मीडिया युजर्सना मोठा धक्का!

ऑस्ट्रेलियात आजचा दिवस अतिशय महत्त्वाचा ठरला आहे. कारण आजपासून म्हणजेच 10 डिसेंबर 2025 पासून ऑस्ट्रेलियामध्ये 16 वर्षांपेक्षा कमी वय असलेल्या मुलांसाठी सोशल मीडियावर पूर्णपणे बंदी घालण्यात आली आहे. यामध्ये टिकटॉक, यूट्यूब आणि मेटाच्या इंस्टाग्राम आणि फेसबुकसारख्या मोठ्या अ‍ॅप्सव्यतिरिक्त थ्रेड्स, एक्स, स्नॅपचॅट, किक, ट्विच आणि रेडिट प्लॅटफॉर्म्सचा देखील समावेश आहे. या सर्व प्लॅटफॉर्म्सना सरकारने घेतलेल्या या निर्णयाचे पालन करणं अनिवार्य आहे. ऑस्ट्रेलियातील सरकारचे असे म्हणणं आहे की, 16 वर्षांपेक्षा कमी वय असलेल्या मुलांसाठी सोशल मीडिया बॅन करण्याचा निर्णय अतिशय महत्त्वाचा ठरणार आहे. कारण या निर्णयामुळे तरूणांचे सोशल मीडियावरील हानीकारक कंटेटमुळे संरक्षण होणार आहे. (फोटो सौजन्य – Pinterest)

Lava Play Max 5G: नवीन फोन, नवीन व्हाइब्स! 5000mAh बॅटरी आणि तगड्या फीचर्सनी सुसज्ज, किंमत 15 हजारांहून कमी

ऑस्ट्रेलियातील सरकारने घेतलेल्या या निर्णयावर एलन मस्कच्या मालकीचे सोशल मीडिया प्लॅटफॉर्म एक्सने देखील प्रतिक्रिया दिली आहे. एक्सचे म्हणणे आहे की, ते ऑस्ट्रेलियातील सोशल मीडिया बॅन निर्णयाचे पालन करणार आहे. याशिवाय फेसबुक, यूट्यूब आणि टिकटॉक सारखे इतर प्लॅटफॉर्म देखील आता टीनएजर्स यूजर्सना हटविण्यासाठी तयार झाले आहेत.

या प्लॅटफॉर्मवर नाही घातली बंदी

डिस्कॉर्ड, गूगल क्लासरूम, मेसेंजर, गिटहब, व्हॉट्सअ‍ॅप, लेगो प्ले, स्टीम, रोब्लॉक्स आणि यूट्यूब किड्स सारख्या प्लॅटफॉर्मवर बंदीचा कोणताही परिणाम होणार नाही. हे प्लॅटफॉर्म अजूनही लहान मुलांसाठी उपलब्ध आहे. ऑस्ट्रेलिया सरकारच्या ई-सेफ्टी अधिकाऱ्याने सांगितलं आहे की, काही प्लॅटफॉर्मवर अजूनही विचार केला जात आहे, बॅन करण्यात आलेल्या प्लॅटफॉर्मची ही अतिंम यादी नाही. यामध्ये काही बदल केले जाऊ शकते. सरकारने जारी केलेल्या या निर्णयानंतर आता सोशल मीडिया प्लॅटफॉर्म्सना एज-रिलेटेड सिग्नल्सची वेगवेगळ्या स्तरावर चाचणी करावी लागणार आहे, ज्यामध्ये अकाऊंट किती जुने आणि प्रोफाईल फोटोवरून वय ओखळणं इत्यादी समाविष्ट आहे. याशिवाय लहान मुलांच्या कंटेटवर इंटरेक्शन काय आहे, यावर देखील आता सोशल मीडिया प्लॅटफॉर्म्सना लक्ष ठेवावं लागणार आहे.

OnePlus 15 vs OnePlus 15R: पावर, स्पीड आणि फीचर्सची थेट तुलना! तुमच्यासाठी सर्वोत्तम पर्याय कोणता? जाणून घ्या

ऑस्ट्रेलियाचे पंतप्रधान एंथनी अल्बानीज यांनी सांगितलं की, ऑस्ट्रेलियाचे पंतप्रधान असण्याचा हा एक अतिशय अभिमानाचा दिवस आहे. कारण जागतिक स्तरावर पहिल्यांदाच, देशात 16 वर्षांखालील लोकांच्या सोशल मीडिया अकाउंटवर बंदी घालण्यात आली आहे. ऑस्ट्रेलियातील तरूण वर्गाचा विचार केला तर काहींना हा अपमान वाटत आहे, तर काही मुलांचे म्हणणं आहे की, ते लवकरच यामधून बाहेर पडू शकतील. या निर्णयाचे उल्लंघन केल्यास आई- वडील आणि मुलांना कोणतीही शिक्षा दिली जाणार नाही. मात्र कंपन्यांना या उल्लंघनासाठी 49.5 मिलियन ऑस्ट्रेलियाई डॉलर म्हणजेच 32 मिलियन यूएस डॉलर म्हणजेच 25 मिलियन पाउंडचा दंड भरावा लागणार आहे.