Google ची मोठी घोषणा! NEET, JEE आणि GRE ची तयारी करण्यासाठी मदत करणार नवे AI Tools

AI Tools: सुंदर पिचई यांनी मोठी घोषणा केली असून आता NEET, JEE, GRE सारख्या परिक्षांची तयारी करण्यासाठी खास AI Tools ची मदत होणार आहे. नक्की काय आहे टेक्नॉलॉजी?

• Gemini आणि Search च्या मदतीने प्रश्न, नोट्स आणि इंटरॅक्टिव्ह व्हिज्युअल्स तयार होणार 

• भारतीय विद्यार्थ्यांना १२ महिने मोफत Google AI Plus मिळणार 

• NEET, JEE, GRE सह अनेक परिक्षांसाठी Google AI टूल्स लाँच 

• आता NEET-JEE ची तयारी Google AI टूल्ससह अधिक सोपी? 

• Google AI टूल्समुळे घरीच पर्सनलाईज्ड अभ्यास करता येणार का?

Google ने NEET, JEE आणि GRE यांसारख्या परीक्षांच्या तयारीसाठी AI Tools सादर केली आहेत. भारतीय महाविद्यालयीन विद्यार्थ्यांना १२ महिन्यांसाठी मोफत गुगल एआय प्लस मिळेल, तर जेमिनी आणि सर्चमध्ये नवीन अभ्यास वैशिष्ट्ये समाविष्ट केली जातील. विद्यार्थ्यांना अभ्यास करणे आणि स्पर्धा परीक्षांची तयारी करणे सोपे व्हावे यासाठी Google ने अनेक नवीन AI Tools सादर केली आहेत. 

मोठ्या संख्येने विद्यार्थी ज्या परीक्षांची तयारी करतात, त्या परीक्षा लक्षात घेऊन ही साधने विशेषतः तयार करण्यात आली आहेत. अल्फाबेटचे सीईओ सुंदर पिचाई यांनी गुरुवारी सांगितले की, Google १४० हून अधिक देशांमधील महाविद्यालयीन विद्यार्थ्यांना मोफत Google AI सबस्क्रिप्शन देईल. कंपनीने AI अभ्यास साधनांच्या सादरीकरणासोबतच ही मोठी घोषणा केली आहे.

Tech Tips: Google Account सुरक्षित ठेवायचंय? लगेच बदला या 5 महत्त्वाच्या सेटिंग्ज… नाहीतर करावा लागेल पश्चात्ताप

सुंदर पिचाईने दिली माहिती 

Fill in the blank: Search can now help with test prep for _________. A. SAT
B. ACT
C. AP
D. ENEM
E. GRE
F. JEE
G. LSAT
H. MCAT
I. NEET
J. All of the above! — Sundar Pichai (@sundarpichai) August 19, 2026

आता NEET, JEE, GRE, SAT, AP आणि MCAT यासारख्या परिक्षांच्या तयारीसाठी विद्यार्थ्यांना घरी बसून आपल्या आवश्यकतेनुसार अभ्यास करण्याची संधी मिळणार आहे. त्यासाठी Google Search, Gemini, YouTube आणि कंपनीच्या अन्य शैक्षणिक टूल्सची मदत घेता येणार आहे. सुंदर पिचाईन यांनी आपल्या X वर पोस्ट करून याबाबत अधिक माहिती दिली आहे. 

त्यांनी अत्यंत मजेशीर अंदाजात विचारले की, ‘Google Search आता कोणत्या परिक्षांची तयारी करण्यासाठी मदत करू शकते? पर्यायात SAT, ACT, AP, ENEM, GRE, JEE, LSAT, MCAT आणि NEET चा समावेश होता. याचे उत्तर – All Of The Above असं आलं, अर्थात सर्व परिक्षांची तयारी करण्यासाठी मदत मिळेल.’

महाविद्यालयीन विद्यार्थ्यांसाठी मोफत AI सबस्क्रिप्शन

गुगलने विविध देशांतील महाविद्यालयीन विद्यार्थ्यांसाठी विशेष ऑफर्स सादर केल्या आहेत. अमेरिकेतील पात्र महाविद्यालयीन विद्यार्थ्यांना एका वर्षासाठी गुगल एआय प्रो (Google AI Pro) मोफत मिळेल. यामध्ये जेमिनी स्पार्क (Gemini Spark), वाढीव वापर मर्यादा आणि ५ टीबी स्टोरेज यांसारख्या वैशिष्ट्यांचा समावेश आहे.

अमेरिकेबाहेरील पात्र विद्यार्थ्यांना गुगल एआय प्लस (Google AI Plus) मोफत मिळेल. यामध्ये वाढीव वापर मर्यादा, ४०० जीबी स्टोरेज आणि गुगल एआय प्रो व यूट्यूब प्रीमियमवर विशेष सवलतींचा समावेश आहे.

तुम्हाला माहितीये का Google वर सर्वात पहिले काय Search करण्यात आले होते? उत्तर ऐकून तुम्हीही व्हाल थक्क…

भारतीय विद्यार्थ्यांना काय मिळेल?

भारतातील पात्र महाविद्यालयीन विद्यार्थ्यांना १२ महिन्यांसाठी गुगल एआय प्लस मोफत मिळेल. यामध्ये जेमिनी ओम्नी (Gemini Omni), जेमिनीवर दुप्पट वापर मर्यादा आणि ४०० जीबी स्टोरेज यांसारख्या वैशिष्ट्यांचा समावेश आहे.

ज्या विद्यार्थ्यांना जाहिरातमुक्त संगीत आणि व्हिडिओ स्ट्रीमिंग हवे आहे, त्यांच्यासाठी Google AI Pro आणि यूट्यूब प्रीमियमचे एक बंडलदेखील सादर करण्यात आले आहे. यावर ७०% पर्यंत सवलत उपलब्ध आहे.