PNG साठी Online अप्लाय कसे करावे? किती दिवसांत लागेल कनेक्शन? एका क्लिकवर जाणून घ्या तुमच्या सर्व प्रश्नांची उत्तरे

एलपीजी सिलेंडरचा तुटवडा टाळण्यासाठी पीएनजी वापरण्याचे आवाहन. घरबसल्या MGL, IGL किंवा GAIL गॅससाठी ऑनलाइन अर्ज कसा करावा? जाणून घ्या स्टेप-बाय-स्टेप प्रक्रिया.

• PNG साठी Online अप्लाय कसे करावे?
• किती दिवसांत लागेल कनेक्शन?
• एका क्लिकवर जाणून घ्या तुमच्या सर्व प्रश्नांची उत्तरे

How to Apply for New Png Connection: एलपीजी (LPG) सिलेंडरच्या तुटवड्यामुळे निर्माण होणाऱ्या अडचणींवर मात करण्यासाठी केंद्र सरकारने आता पाईप्ड नॅचरल गॅस म्हणजेच पीएनजी (PNG) वापराला प्रोत्साहन देण्याचा निर्णय घेतला आहे. ज्या भागात नैसर्गिक वायूची वाहिनी उपलब्ध आहे, अशा परिसरातील नागरिकांना पुढील तीन महिन्यांत पीएनजी कनेक्शन घेण्याचे आवाहन करण्यात आले आहे. यामुळे ज्या दुर्गम भागात गॅस वाहिनी नाही, तेथे एलपीजी सिलेंडरचा पुरवठा सुरळीत होण्यास मदत होणार आहे. तुमच्या भागात पीएनजी पाईपलाईन उपलब्ध असल्यास, तुम्ही खालीलप्रमाणे घरबसल्या ऑनलाइन अर्ज करू शकता.

1. महानगर गॅस लिमिटेड (MGL) – मुंबई आणि परिसरासाठी

मुंबई आणि उपनगरात ‘महानगर गॅस’द्वारे पीएनजी पुरवठा केला जातो. अर्ज करण्याची पद्धत खालीलप्रमाणे आहे:

• सर्वप्रथम www.mahanagargas.com या अधिकृत वेबसाइटला भेट द्या.
• होमपेजवरील ‘Customer Zone’ मध्ये जाऊन ‘New Domestic Connection Request’ हा पर्याय निवडा.
• तुमच्या परिसराचा पिन कोड टाकून नवीन कनेक्शनसाठी नोंदणी करा.

2. इंद्रप्रस्थ गॅस लिमिटेड (IGL)

दिल्ली-एनसीआरसह काही प्रमुख शहरात आयजीएलद्वारे पुरवठा केला जातो:

• https://www.iglonline.net/ या संकेतस्थळावर जा.
• ‘Apply New Connection’ वर क्लिक करून तुमच्या भागातील गॅस उपलब्धतेची (Feasibility) तपासणी करा.
• आवश्यक कागदपत्रे स्कॅन करून अपलोड करा. त्यानंतर कंपनीचे प्रतिनिधी येऊन पडताळणी करतील आणि कनेक्शन कार्यान्वित होईल.

UPI Circle : आता करता येईल बँक खात्याशिवाय UPI पेमेंट; Google Pay चे नवीन पॉकेट मनी फीचर झाले लॉन्च

3. गेल गॅस (GAIL Gas)

देशातील इतर अनेक शहरांमध्ये गेल गॅस कार्यरत आहे:

• www.gailgas.com या वेबसाइटवर ‘New Customer Registration’ या पर्यायावर क्लिक करा.
• तुमचा शहर किंवा भागाचा नाव निवडून अर्ज प्रक्रिया पूर्ण करा.

कनेक्शन मिळण्यासाठी किती दिवस लागतात?

पीएनजी कनेक्शन मिळण्याचा कालावधी हा प्रामुख्याने तुमच्या भागातील मागणीवर अवलंबून असतो. जर तुमच्या इमारतीत किंवा परिसरात आधीच पाईपलाईन असेल, तर साधारणपणे 15 ते 20 दिवसांत गॅस पुरवठा सुरू होतो. नवीन भागात किंवा मागणी मोठ्या प्रमाणात असल्यास नवीन कनेक्शन मिळण्यासाठी 90 दिवसांपर्यंत वेळ लागू शकतो. MGL, IGL आणि GAIL या सर्व कंपन्यांसाठी साधारणपणे हाच कालावधी लागू होतो.

पीएनजी वापराचे फायदे

पीएनजी हा एलपीजी सिलेंडरच्या तुलनेत अधिक सुरक्षित आणि स्वस्त मानला जातो. यामध्ये सिलेंडर संपण्याची भीती नसते आणि थेट पाईपलाईनद्वारे 24 तास गॅस उपलब्ध राहतो. तसेच, तुम्हाला जेवढा गॅस वापरला आहे, तेवढेच बिल भरावे लागते.

Flipkart Big Bachat Days: अवघे काही शिल्लक! डिस्काऊंटसह खरेदी करा एसी, टिव्ही आणि बरंच काही; जाणून घ्या ऑफर्स