या लोकांना नाही मिळणार रेशनचं धान्य! तुमचंही नाव यादीत असेल तर आत्ताच पूर्ण करा e-KYC; ही आहे सोपी पद्धत

ई-केवायसीच्या नावाखालीही लोकांची फसवणूक होत आहे. म्हणून, ई-केवायसी करताना तुम्ही सावधगिरी बाळगणे खूप महत्वाचे आहे. फसवणूक करणारे लोक पैशांची मागणी देखील करतात, तर प्रत्यक्षात ई-केवायसीसाठी कोणताही कॉल केला जात नाही.

या लोकांना नाही मिळणार रेशनचं धान्य! तुमचंही नाव यादीत असेल तर आत्ताच पूर्ण करा e-KYC; ही आहे सोपी पद्धत

Follow Us:

Follow Us:

रेशन कार्ड धारकांसाठी एक महत्त्वाची बातमी आहे. दिल्ली सरकारने राष्ट्रीय अन्न सुरक्षा कायदा (NFSA) अंतर्गत सर्व रेशन कार्ड धारकांसाठी एक महत्त्वाचा नियम जारी केला आहे. या नियमांतर्गत रेशन कार्ड आणि आधार कार्ड लिंक करणे अनिवार्य केले आहे. जर हे काम झाले नाही तर रेशनधारकांसाठी समस्या निर्माण होऊ शकतात. पण अनेकांना ही प्रक्रिया कशा प्रकारे पूर्ण करावी याची कल्पना नाही. जर तुम्हीही या लोकांपैकी एक असाल तर ही बातमी तुमच्यासाठी आहे. तुम्ही अगदी काही सोप्या स्टेप्स फॉलो करून e-KYC पूर्ण करू शकता. यासाठी तुम्हाला कुठे जाण्याची देखील गरज नाही. तुम्ही घरबसल्या हे कामं करू शकता. (फोटो सौजन्य – Pinterest)

Ghibli मुळे तुमची ओळख चोरली जातेय का? अब्जावधी डॉलर्समध्ये बाजारात विकला जातोय तुमचा चेहरा? काय होणार याचे परिणाम?

मोबाईलवरून ई-केवायसी कसे करावे

• गुगल प्ले स्टोअरवरून मेरा ईकेवायसी अ‍ॅप डाउनलोड करा. तसेच आधारफेसआरडी अ‍ॅप इन्स्टॉल करा.
• अ‍ॅपला लोकेशन आणि कॅमेरा प्रवेशासाठी परवानगी द्या.
• तुमचे राज्य/केंद्रशासित प्रदेश निवडा.
• आधार क्रमांक एंटर करा आणि Generate OTP वर क्लिक करा.
• नोंदणीकृत मोबाईल नंबरवर आलेला ओटीपी आणि कॅप्चा एंटर करा.
• तुमचे वैयक्तिक तपशील (नाव, जिल्हा, आधार eKYC स्थिती) स्क्रीनवर दिसतील.
• फेस eKYC पर्यायावर क्लिक करा आणि परवानगी द्या.
• कॅमेरा चालू होईल, तुमचा चेहरा स्क्रीनवर दिलेल्या गोल वर्तुळात ठेवा.
• प्रक्रिया यशस्वीरित्या पूर्ण झाल्यानंतर, eKYC अपडेट स्क्रीनवर दिसेल.

ई-केवायसी अपडेट कशी तपासायची?

• मेरा eKYC अ‍ॅप उघडा आणि आधार क्रमांक आणि OTP पुन्हा भरा.
• जर eKYC स्टेटस विभागात Y प्रदर्शित झाला असेल, तर तुमचा e-KYC पूर्ण झाला आहे.

ऑफलाइन रेशन कार्ड ई-केवायसी कसे करावे?

• तुमच्या जवळच्या रेशन दुकानाला भेट द्या.
• डीलरला ई-पीओएस मशीनद्वारे ई-केवायसी करण्यास सांगा.
• तुमची बायोमेट्रिक माहिती (फिंगरप्रिंट किंवा आयरीस स्कॅन) द्या.
• यशस्वी पडताळणीनंतर, ई-केवायसी प्रक्रिया पूर्ण होईल.

ई-केवायसीसाठी आवश्यक कागदपत्रे

• आधार कार्ड (ऑनलाइन आणि ऑफलाइन दोन्हीसाठी)
• रेशन कार्ड (ऑफलाइन प्रक्रिया अनुसरण करत असल्यास)

रेशन कार्ड अर्ज करण्यासाठी फॉलो करा ही प्रोसेस

• तुमच्या राज्यातील अन्न पुरवठा विभागाच्या अधिकृत वेबसाइटला भेट द्या.
• “नवीन रेशन कार्डसाठी अर्ज करा” या पर्यायावर क्लिक करा.
• नाव, मोबाईल नंबर, आधार क्रमांक, कुटुंबातील सदस्यांची माहिती आणि पत्ता यासारखी आवश्यक वैयक्तिक माहिती भरा.
• आवश्यक कागदपत्रे स्कॅन करा आणि अपलोड करा (पीडीएफ किंवा जेपीजी स्वरूपात).
• फॉर्म सबमिट करण्यापूर्वी आधार ई-केवायसी पूर्ण करा.
• तुम्हाला आधार ओटीपी पडताळणी करावी लागेल. यामुळे तुमचे डिजिटल पडताळणी पूर्ण होईल आणि स्वाक्षरीची आवश्यकता राहणार नाही.
• सबमिशन केल्यानंतर, अर्ज क्रमांक लिहून ठेवा.
• 15 ते 20 दिवसांत रेशन कार्ड जारी केले जाईल.

Web Title: How to apply for e kyc of ration card know the easy process tech news marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com