Independence Day 2025: लाल किल्ल्यावर आयोजित केल्या जाणाऱ्या कार्यकामाचे व्हा साक्षीदार, अशी बुक करा ऑनलाइन तिकिटे

लाल किल्ल्यावर साजरा केला जाणाऱ्या स्वातंत्र्य दिन सोहळ्याचा साक्षीदार होण्यासाठी तुम्हीही ऑनलाईन बुक करू शकता. यासाठी अगदी सोपी प्रोसेस फॉलो करावी लागणार आहे. तुम्ही अगदी घरबसल्या लाल किल्ल्यावर सोहळ्यासाठी तिकिटे बुक करू शकता आणि यावेळी तुम्हाला पंतप्रधान नरेंद्र मोदी यांचे भाषण ऐकण्याची देखील संधी मिळणार आहे. (फोटो सौजन्य – Pinterest)

यंदा भारताचा 79 वा स्वातंत्र्य दिन साजरा केला जाणार आहे. पंतप्रधान नरेंद्र मोदी यावर्षी देखील लाल किल्ल्यावर जाऊन तिरंगा ध्वज फडकवणार आहेत आणि जनतेला संबोधित करण्यात आहेत. यावेळी हजारो लोक त्या क्षणाचे साक्षीदार असतील. तसेच हा कार्यक्रम लाईव्ह दाखवला जातो. तुम्हाला देखील या क्षणाचा साक्षीदार व्हायचे असेल आणि लाल किल्ल्यावरील सोहळा समोरासमोर पहायचा असेल तर तुम्हाला तिकीट बुक करावे लागेल. या सोहळ्याचे तिकीट बुक करणे सरकारने अधिक सोपे बनवले आहे. यासाठी तुम्हाला काही सोपी प्रोसेस फॉलो करायची आहे आणि काही क्षणातच तुमची तिकिटे बुक होतील.

तुम्ही 13 ऑगस्टपासून रक्षा मंत्रालयची वेबसाइट [aamantran.mod.gov.in](https://aamantran.mod.gov.in) किंवा [e-invitations.mod.gov.in](https://e-invitations.mod.gov.in) या वेबसाईटला भेट देऊन तुमची तिकिटेबुक करू शकता आणि या ऐतिहासिक क्षणाची साक्षीदार होऊ शकता.

• तिकीट बुक करण्यासाठी सर्वात आधी वेबसाईट ओपन करा आणि समोर दिसणाऱ्या Independence Day 2025 Ticket Booking वर क्लिक करा
• आता तुमच्यासमोर एक फॉर्म ओपन होईल. यामध्ये तुम्हाला तुमचे नाव, मोबाईल नंबर आणि किती तिकीट हवी आहेत याची संख्या टाकावी लागणार आहे
• तसेच तुम्हाला फॉर्मसोबत आधार कार्ड किंवा कोणतेही अधिकृत ओळखपत्र अपलोड करावे लागेल
• तिकटांची किंमत 20 रुपये,100 रुपये आणि 500 रुपये अशी आहे
• तुमचा पेमेंट पूर्ण झाल्यानंतर तुम्हाला ई तिकीट दिली जाईल ज्यामध्ये QR कोड आणि तुमच्या सीट नंबर विषयी माहिती असेल
• हे तिकीट तुमच्या मोबाईलमध्ये सेव्ह करा आणि त्याची प्रिंट घ्या. कारण एंट्री वेळी तुम्हाला याची गरज लागणार आहे.

स्वातंत्र्यदिनानिमित्त दिल्ली मेट्रोने देखील जनतेसाठी काही सुविधा सुरू केल्या आहेत. या सोहळ्या दिवशी मेट्रो सकाळी 4 वाजल्यापासून सुरू केली जाणार आहे. त्यामुळे लोकांना लाल किल्ल्यावर पोहोचण्यात कोणतीही अडचण येणार नाही. लाल किल्ला मेट्रो स्टेशन आणि चांदनी चौक मेट्रो स्टेशन ही जवळची स्टेशन आहेत.

Snapchat, WPP मीडिया आणि Lumen यांनी केले ‘Attention Advantage’ रिसर्चचे अनावरण, डिजिटल जाहिरातींचं नव्याने ठरतंय भविष्य

या स्टेशनवरून काही मिनिटांच्या अंतरावर लाल किल्ला आहे जिथे स्वतंत्र्य दिनाचा सोहळा आयोजित केला जाणार आहे. हा कार्यक्रम सकाळी साडेसात वाजता सुरू होणार आहे, यामुळे तुम्ही प्रयत्न करा की तुम्ही साडेसहा किंवा सात वाजेपर्यंत या ठिकाणी पोहोचाल.

सोहळ्याला जाताना काही महत्त्वाच्या गोष्टी लक्षात ठेवणं गरजेचं आहे

• जसे की तुमच्याकडे तिकीट असणे गरजेचे आहे याशिवाय तुम्हाला एन्ट्री मिळणार नाही
• कोणत्याही फेक वेबसाईट किंवा ऍप वरून तिकीट खरेदी करू नका यामुळे तुमची फसवणूक होऊ शकते आणि पैसे देखील वाया जातील
• तुमच्याकडे एंट्रीवेळी तुमचे ओळखपत्र असणे अत्यंत गरजेचे आहे
• बॅग आणि इलेक्ट्रॉनिक सामान मर्यादित घ्या, इथे सर्व इलेक्ट्रॉनिक वस्तूंना परवानगी दिली जात नाही
• एंट्रीवेळी सुरक्षा तपासणीसाठी वेळ लागू शकतो यामुळे लवकरात लवकर सोहळ्याच्या ठिकाणी जाण्याचा प्रयत्न करा

संबंधित बातम्या