Tech Tips: Google Pay मध्ये डेबिट कार्डशिवाय बदलायचा UPI पिन? स्टेप बाय स्टेप जाणून घ्या संपूर्ण प्रोसेस

Online Payment News: ऑनलाईन पेमेंटचा वापर आता मोठ्या प्रमाणात वाढला आहे. खरेदी केल्यानंतर पैसे शोधण्याऐवजी आपण खिशातून स्मार्टफोन काढून ऑनलाईन पेमेंट करतो. यासाठीच काही टिप्स आता आम्ही सांगणार आहोत.

• डेबिट कार्डशिवाय यूपीआय पिन बदलण्यासाठी वापरा ही पद्धत
• आधार व्हेरिफिकेशन यूजर्ससाठी ठरणार फायदेशीर
• यूजर्सना पूर्ण करावी लागणार ही महत्त्वाची अट

ऑनलाईन पेमेंट अ‍ॅप्सबद्दल बोलायचं झालं तर गुगल पे यूजर्समध्ये अतिशय लोकप्रिय आहे. गुगल पे अ‍ॅप्सचे करोडो यूजर्स आहेत. या अ‍ॅपमध्ये यूजर्सना अनेक फीचर्स ऑफर केले जातात. ज्यामुळे यूजर्सचा अ‍ॅप वापरण्याचा अनुभव अतिशय चांगला होतो आणि पेमेंट करताना कोणत्याही अडचणीचा सामना करावा लागत नाही. गुगल पेमध्ये अनेक फीचर्स उपलब्ध आहेत. यातीलच एका फीचरबद्दल आता आम्ही तुम्हाला सांगणार आहोत. हे फीचर म्हणजे तुम्ही डेबिट कार्डशिवाय यूपीआय पिन बदलू शकता.

Oppo A6x 5G: हाच ठरणार बजेट रेंजचा बादशाह! 15 हजारांहून कमी किंमत आणि दमदार परफॉर्मन्स, लूक तर एकदा पाहाच

जर तुम्ही तुमच्या यूपीआय अकाऊंटचा पिन विसरला असाल आणि तुम्हाला हा पिन बदलायचा असेल तर सहसा तुम्हाला डेबिट कार्डची गरज असते. पण आता आम्ही तुम्हाला काही स्टेप्स सांगणार आहोत, ज्या फॉलो करून तुम्ही डेबिट कार्डशिवाय यूपीआय अकाऊंटचा पिन बदलू शकणार आहात. गुगल पे सोबतच हे फीचर इतर ऑनलाईन पेमेंट प्लॅटफॉर्मवर देखील उपलब्ध आहे. (फोटो सौजन्य – Pinterest) 

गुगल पेमध्ये यूपीआय अकाऊंटचा पिन बदलण्यासाठी जर तुमच्याकडे डेबिट कार्ड नसेल तर तुम्ही आधार व्हेरिफिकेशनचा वापर करू शकता. आधार व्हेरिफिकेशनचा वापर करून गुगल पेमध्ये यूपीआय पिन बदलला जाऊ शकतो. जर तुम्हाला अतिशय आपत्कालीन परिस्थितीत तुम्हाला जेव्हा यूपीआय पीन बदलायचा असतो आणि तुमच्याकडे डेबिट कार्ड नसेल अशा परिस्थितीत तुम्ही या पद्धतीचा वापर करू शकता. सर्वात महत्त्वाची गोष्ट म्हणजे आधारद्वारे पिन जनरेट करण्याचा ऑप्शन सर्व बँका देत नाहीत. जर तुम्ही बँक ग्राहकांना ही सुविधा देत असेल तरच तुम्ही डेबिट कार्डशिवाय तुमचा यूपीआय पीन बदलू शकता. यासाठी तुम्हाला स्टेप बाय स्टेप प्रोसेस फॉलो करावी लागणार आहे.

Google Pay अ‍ॅपमध्ये डेबिट कार्डशिवाय यूपीआय पीन कसा बदलू शकता?

स्टेप 1. सर्वात आधी तुमच्या फोनमध्ये गुगल पे ओपन करा आणि लॉगिन करा.

स्टेप 2. अ‍ॅपच्या होम स्क्रीनच्या वरच्या उजव्या बाजूला, तुम्हाला प्रोफाइल फोटोवर टॅप करावे लागेल आणि ज्या बँक खात्याचा UPI पिन तुम्हाला बदलायचा आहे तो बँक खाते निवडावा लागेल.

स्टेप 3. बँक सिलेक्ट केल्यानंतर तुम्हाला अकाऊंट डिटेल्सच्या पेजवर फॉरगॉट यूपीआय पिन ऑप्शन दिसेल, त्यावर टॅप करा.

स्टेप 4. जर तुम्हाला बँक आधार वेरिफिकेशन पद्धत सपोर्ट करत असेल तर फॉरगॉट यूपीआय पिन ऑप्शन सिलेक्ट केल्यानंतर आधार व्हेरिफिकेशनवर क्लिक करा.

Tech Tips: तुमच्या स्मार्टफोनमध्ये हे हेरगिरी करणारे अ‍ॅप्स तर नाहीत ना? कसं ओळखाल, ही आहे सोपी पद्धत

स्टेप 5. आता तुम्हाला आधारमधील पहिले 6 अंक एंटर करून संपूर्ण डिटेल्स सेव्ह करावे लागतील.

स्टेप 6. ही प्रोसेस पूर्ण झाल्यानंतर तुम्हाला आधारला लिंक असलेल्या मोबाईल नंबरवर ओटीपी येईल. ओटीपी व्हेरिफाय केल्यानंतर तुम्हाला नवीन पिन जनरेट करण्याचा पर्याय मिळणार आहे.

ही पद्धत अशा यूजर्ससाठी आहे, ज्यांनी गूगल पेमध्ये बँक अकाऊंट आधार व्हेरिफिकेशनद्वारे जोडले आहे. याव्यतिरिक्त, आधारसोबत तोच नंबर लिंक असला पाहिजे जो तुम्ही बँकेत नोंद केला आहे. असे असेल तरच तुम्हाला ओटीपी मिळणार आहे, अन्यथा, तुम्हाला ओटीपी मिळणार नाही.