IndiGo फ्लाइट लेट आहे का? लाईव्ह स्टेटस चेक करण्यासाठी वापरा ही पद्धत, फॉलो करा या सोप्या स्टेप्स

IndiGo Flight Live Status: IndiGo फ्लाइटच्या प्रवाशांना गेल्या काही दिवसांत अनेक समस्यांचा सामना करावा लागत आहे. फ्लाईट रद्द होत आहेत किंवा उशीराने धावत आहेत. त्यामुळे प्रवाशी प्रचंड वैतागले आहेत.

• IndiGo फ्लाइट स्टेटस तपासण्यासाठी सर्वात सोपी पद्धत
• फक्त एका क्लिकमध्ये जाणून घ्या लाइव्ह स्टेटस
• वेबसाईटवरून असा चेक करा IndiGo फ्लाईट स्टेटस

गेल्या काही दिवसांपासून अनेक शहरांमध्ये IndiGo च्या फ्लाईट सतत रद्द होत आहेत. यामुळे प्रवाशांना प्रचंड मनस्ताप सहन करावा लागत आहे. दिल्ली आणि बंगळुरुपासून कोलकाता आणि हैद्राबादपर्यंत शेकडो फ्लाईट रद्द झाल्या आहेत किंवा डिले झाल्या आहेत. ज्यामुळे हजारो प्रवासी एयरपोर्टवर अडकले होते. विमानाचे उड्डाण नक्की कधी होणार आहे, याबाबत देखील त्यांना माहिती नव्हते. तुम्ही देखील प्रवास करत असाल, अशी परिस्थिती तुमच्यासोबत देखील निर्माण होण्याची शक्यता असते. त्यामुळे तुम्ही थेट एयरलाइनची वेबसाइट किंवा अ‍ॅपवरून इंडिगो फ्लाईट स्टेटस ट्रॅक करू शकता. यासाठी काही सोपी प्रोसेस फॉलो करावी लागणार आहे.

Airtel Recharge Plan: मोबाईल बिल वाढणार? अचानक गायब झाले दोन लोकप्रिय रिचार्ज प्लॅन, कंपनीच्या निर्णयाने यूजर्स नाराज

वेबसाईटवरून IndiGo फ्लाईट स्टेटस कसा चेक कराल?

• फ्लाईट लेट असो किंवा वेळेत असो, सर्व स्टेटस इंडिगोच्या ऑफिशियल वेबसाईटवर उपलब्ध असणार आहे.
• सर्वात आधी, goindigo.com किंवा goIndiGo.in वर जा.
• त्यानंतर, टॉप मेनूवरून फ्लाइट स्टेटसवर क्लिक करा आणि तुमची सर्च मेथड निवडा.
• फ्लाइट नंबर. आता तुम्हाला इथे 6 कॅरेक्टरचा फ्लाईट कोड (6E पासून सुरु होणारा) आणि प्रवासाची तारीख एंटर करावी लागणार आहे.
• रूट: जर तुम्हाला तुमचा फ्लाईट नंबर माहिती नसेल तर तुम्ही डिपार्चर सिटी, अराइवल सिटी आणि तारीख देखील निवडू शकता.
• आता सर्चवर क्लिक करा. (फोटो सौजन्य – Pinterest)

आता तुम्हाला लाईव्ह स्टेटस शेड्यूल्ड टाइम, रिवाइज्ड टाइम, टर्मिनल, गेट डिटेल्स आणि तुमची फ्लाइट ऑन टाइम, डिलेड, डिपार्टेड, लँडेड किंवा कँसल आहे का, या सर्वाबाबत माहिती देणार आहे. डिलेड फ्लाइट्स सहसा हाइलाइट केल्या जातात.

मोबाईल अ‍ॅपवर इंडिगो फ्लाइटचा स्टेटस कसा तपासू शकता?

• इंडिगो फ्लाईटचा स्टेटस चेक करण्यासाठी अ‍ॅप देखील एक सर्वोत्तम पर्याय आहे.
• Play Store किंवा App Store वरून ऑफिशियल इंडिगो अ‍ॅप डाउनलोड करा आणि ओपन करा.
• होम स्क्रीनवर फ्लाइट स्टेटसवर टॅप करा.
• फ्लाइट नंबर किंवा रूटचे डिटेल्स एंटर करा.
• सर्च किंवा चेक स्टेटसवर टॅप करा.
• तुम्हाला रियल-टाइम डिपार्चर आणि अराइवल अपडेटलब टर्मिनलमध्ये होणारे कोणतेही बदल येथे दाखवले जाणार आहेत.
• लगेचच अलर्ट मिळवण्यासाठी अ‍ॅप नोटिफिकेशन चालू करा.

फक्त एक फोन नंबर… आणि तुमचा सगळा डेटा उघडा! ही वेबसाईट बनली सायबर गुन्हेगारांचा नवा अड्डा, जाणून घ्या सविस्तर

इंडिगोची फ्लाइट कँसल का होत आहे?

एयरलाइनने दिलेल्या माहितीनुसार, हे व्यत्यय ऑपरेशनल समस्यांमुळे आहेत, ज्यामध्ये अपडेटेड रोस्टरिंग नियमांमुळे क्रूची कमतरता, तंत्रज्ञानाशी संबंधित विलंब आणि उड्डाण वेळापत्रकात सतत बदल यांचा समावेश आहे. रिपोर्टमध्ये दिलेल्या माहितीनुसार, इंडिगोने रेगुलेटरला सांगितलं आहे की, कंपनी वेळापत्रक स्थिर करण्यासाठी तात्पुरते कामकाज कमी करेल आणि फेब्रुवारीच्या सुरुवातीला सामान्य कामकाज पुन्हा सुरू होण्याची आशा आहे. तोपर्यंत पुढील रद्दीकरण आणि विलंब शक्य आहे.