नव्या Infinix स्मार्टफोनने वेधलं टेक विश्वाचं लक्ष, ‘हे’ भन्नाट फीचर ठरलं खास आकर्षण! फीचर पाहून व्हाल थक्क

Infinix Hot 70 Pro 5G Launched: नवीन बजेट फ्रेंडली स्मार्टफोन शोधताय? आकर्षक डिझाईन आणि पावरफुल फीचर्स सुद्धा पाहिजे आहेत? अहो मग, नवा इन्फिनिक्स हॉट 70 प्रो 5G आहे ना! नुकत्याच लाँच करण्यात आलेल्या या स्मार्टफोनमध्ये कंपनीने अनेक पावरफुल फीचर्स दिले आहेत.

• इन्फिनिक्स हॉट 70 प्रो 5G ची सुरुवातीची किंमत ₹22,999 असून तो 6GB+128GB आणि 8GB+128GB व्हेरिअंटमध्ये उपलब्ध आहे.
• फोनच्या मागील बाजूचा ॲक्टिव्ह मॅट्रिक्स क्यूब कॉल, मेसेज, वेदर अलर्ट आणि म्युझिकसह विविध प्रसंगी खास व्हिज्युअल इफेक्ट्स दाखवतो.
• मीडियाटेक डायमेन्सिटी 7100 5G चिपसेट, अँड्रॉईड 16 आधारित एक्सओएस 16 आणि 3 मोठे ओएस अपग्रेड्ससह हा फोन सादर करण्यात आला आहे.

Infinix Smartphone Launched टेक कंपनी Infinix ने भारतात त्यांच्या Hot लाइनअपअंतर्गत नवीन Infinix Hot 70 Pro 5G स्मार्टफोन लाँच केला आहे. बजेट फ्रेंडली किंमतीत लाँच करण्यात आलेल्या या स्मार्टफोनमध्ये अनेक दमदार फीचर्स देण्यात आले आहेत. विशेष म्हणजेच या स्मार्टफोनमध्ये बॅक पॅनलवर ॲक्टिव्ह मॅट्रिक्स क्यूब एलिमेंट दिले आहे, जे नोटिफिकेशन्स दाखवण्यासोबतच अनेक इंटरॲक्टिव फीचर्सना देखील सपोर्ट करते.

आता तुमचा WhatsApp बनेल AI हब! यूजर्ससाठी येणार मोठं अपडेट, तुमच्या आवडीनुसार जोडता येणार थर्ड-पार्टी एआय एजंट

इन्फिनिक्स हॉट 70 प्रो 5G ची भारतात किंमत आणि उपलब्धता

कंपनीने त्यांचा नवीन स्मार्टफोन भारतात दोन रॅम आणि स्टोरेज ऑप्शनमध्ये सादर केला आहे. ज्यामध्ये 6GB + 128GB आणि 8GB + 128GB या व्हेरिअंट्सचा समावेश आहे. स्मार्टफोनच्या 6GB + 128GB व्हेरिअंटची किंमत 22,999 रुपये ठेवण्यात आली आहे. तथापि, ही या फोनची सुरुवातीची किंमत आहे, ज्यामध्ये बँक ऑफर्सचा समावेश आहे. ग्राहक हा नवीन स्मार्टफोन सिल्क ग्लो पर्पल, डाइव ब्लू, थर्मो ऑरेंज आणि मिराज ग्रीन या 4 रंगांच्या पर्यायांत खरेदी करू शकतात. हा स्मार्टफोन फ्लिपकार्ट आणि देशातील रिटेल स्टोअर्सवर खरेदीसाठी उपलब्ध असणार आहे. इथे ग्राहकांना 9 महिन्यांपर्यंत नो-कॉस्ट ईएमआय ऑफर्स देखील मिळणार आहेत.  (फोटो सौजन्य: Infinix)

इन्फिनिक्स हॉट 70 प्रो 5G चे फीचर्स आणि स्पेसिफिकेशन्स

डिस्प्ले

डुअल-सिम (नॅनो + नॅनो) सपोर्ट असलेला लेटेस्ट इन्फिनिक्स हॉट 70 प्रो 5G आउट-ऑफ-द-बॉक्स अँड्रॉईड 16 वर आधारित एक्सओएस 16 वर चालतो. कंपनीच्या या लेटेस्ट लाँच स्मार्टफोनसाठी कंपनीने 3 मोठे ओएस OS अपग्रेड्स आणि 5 वर्षांचे सिक्योरिटी अपडेट्स देण्याचे वचन दिले आहे. या हँडसेटमध्ये 6.76-इंच फुल एचडी+ पंच-होल डिस्प्ले देण्यात आला आहे, जो 144Hz रिफ्रेश रेट, 240Hz टच सँपलिंग रेट आणि 910 निट्सपर्यंत एचबीएम ब्राइटनेसला सपोर्ट करतो. कंपनीने असा दावा केला आहे की, याचा स्क्रीन-टू-बॉडी रेश्यो 91.86 टक्के आहे. डिस्प्लेमध्ये आई-केयर फीचर आणि मोशन सिकनेस रिलीफ सपोर्ट देखील मिळणार आहे.

प्रोसेसर

परफॉर्मंससाठी या फोनमध्ये माली-जी57 जीपीयूसह मीडियाटेक डाइमेंसिटी 7100 5G चिपसेट देण्यात आला आहे. कंपनीने दावा केला आहे की, हा फोन प्रसिद्ध गेम्सना 90fps पर्यंत गेमिंग सपोर्ट ऑफर करतो आणि याचा AnTuTu स्कोर 7,80,000 हून अधिक आहे. स्टोरेजसाठी या डिव्हाईसमध्ये यूएफएस 2.2 स्टोरेज देण्यात आले आहे.

कॅमेरा

फोटोग्राफीचा अनुभव अधिक चांगला व्हावा यासाठी लेटेस्ट लाँच स्मार्टफोनमध्ये f/1.8 अपर्चरवाला 50-मेगापिक्सेलचा सोनी IMX882 प्रायमरी कॅमेरा देण्यात आला आहे. हा कॅमेरा 2X लॉसलेस जूम, AI लाईव्ह फोटो, AI इरेजर, AI एक्सटेंडर आणि वन-टॅप व्लॉग मोडला सपोर्ट करतो. तसेच, सेल्फी आणि व्हिडीओ कॉलिंगसाठी या स्मार्टफोनमध्ये समोरील बाजूला 8-मेगापिक्सेलचा कॅमेरा दिला आहे.

ॲक्टिव्ह मॅट्रिक्स क्यूब

या स्मार्टफोनचे सर्वात मोठे आकर्षण त्याच्या रिअर पॅनेलवर दिलेले ॲक्टिव्ह मॅट्रिक्स क्यूब आहे. हा स्मार्टफोन उलटा म्हणजेच मागील बाजूने देखील इनकमिंग कॉल्स, मेसेज, चार्जिंग, लो बॅटरी, कॅमेरा, व्हिडीओ, काउंटडाउन आणि वेदर अलर्ट्ससाठी खास विजुअल इफेक्ट्स दाखवतो. याव्यतिरिक्त, हा फोन चालू असताना, म्यूजिक प्लेबॅक आणि गेमिंग करताना ‘अँबियंट लाइटिंग’ इफेक्ट्स प्रदर्शित करू शकतो.

आठ महिन्यांनंतर इस्रोची मोठी झेप! ‘नॉटी बॉय’चे दमदार कमबॅक; आकाशातून भारताचा पहारा होणार आणखी मजबूत

बॅटरी

कंपनीच्या या नवीन स्मार्टफोनमध्ये 45W फास्टचार्ज आणि 10W रिवर्स चार्जिंग सपोर्टसह 6,000mAh बॅटरी देण्यात आली आहे. कंपनीने दावा केला आहे की, हा चार्जर फोनला सुमारे 25 मिनिटांत 50 टक्क्यांपर्यंत आणि साधारण 63 मिनिटांत पूर्ण 100 टक्क्यांपर्यंत चार्ज करतो.