iPhone 18 Pro vs Mutual Funds: नवीन iPhone 18 चा मोह टाळा ( फोटो सौजन्य-सोशलमीडिया)
हा Apple चा पहिला फोल्डेबल फोन आहे. म्हणजे पुस्तकासारखा उघडणारा आणि बंद होणारा फोन. उघडल्यानंतर याची स्क्रीन 7.6 इंचाची होते. हा Apple च्या इतिहासातला सगळ्यात मोठा बदल मानला जातोय. फोल्ड केल्यानंतर हा फोन खिशात आरामात बसतो.पण याची किंमत ऐकून सगळेच हादरले आहेत. भारतात या फोनची सुरुवातीची किंमत 2,99,900 रुपये ठेवली आहे. म्हणजे जवळपास 3 लाख रुपये. हा आजपर्यंतचा सगळ्यात महागडा iPhone आहे.हा फोन भारतात 16 ऑक्टोबर 2026 शुक्रवार संध्याकाळी 5:30 वाजता Apple च्या वेबसाईटवर बुकिंगसाठी खुला होणार आहे. आणि 23 ऑक्टोबरपासून दुकानात मिळायला लागेल.
Apple ने iPhone Duo सोबतच iPhone 18 Pro आणि 18 Pro Max पण आणले आहेत. यामध्ये नवीन A20 Pro प्रोसेसर आहे जो 2nm टेक्नॉलॉजीवर बनला आहे. कंपनी म्हणते की जुन्या iPhone पेक्षा याचा परफॉर्मन्स 35% जास्त चांगला आहे. गेमिंग असो किंवा 4K व्हिडिओ एडिटिंग, सगळं एकदम स्मूथ चालेल.iPhone 18 Pro च्या 256GB मॉडेलची किंमत 1,64,900 रुपये आहे आणि Pro Max ची किंमत 1,79,900 रुपये आहे.आता महत्वाचा प्रश्न – फोन घ्यायचा की गुंतवणूक करायची?3 लाख रुपये देऊन फोन घेणं ही मोठी गोष्ट आहे. पण जर हाच विचार केला की हेच 3 लाख रुपये फोनमध्ये न घालता जर Mutual Fund मध्ये टाकले तर काय होईल?
| वर्ष | सुरुवातीची रक्कम | 12% व्याज / नफा | वर्षाच्या शेवटी एकूण रक्कम |
|---|---|---|---|
| 1 ले वर्ष | 2,99,900 रु | 35,988 रु | 3,35,888 रु |
| 2 रे वर्ष | 3,35,888 रु | 40,306 रु | 3,76,194 रु |
| 3 रे वर्ष | 3,76,194 रु | 45,143 रु | 4,21,337 रु |
| 4 थे वर्ष | 4,21,337 रु | 50,560 रु | 4,71,897 रु |
| 5 वे वर्ष | 4,71,897 रु | 56,628 रु | 5,28,526 रु |
एकूण गणित:
जर तुम्ही iPhone 18 Pro घेण्याऐवजी त्याचे 1,64,900 रुपये 5 वर्षांसाठी गुंतवले तर ते सुमारे 2,90,611 रुपये होतील. म्हणजे 1,25,711 रुपयांचा नफा.आणि iPhone 18 Pro Max चे 1,79,900 रुपये गुंतवले तर 5 वर्षात ते 3,17,046 रुपये होतील. म्हणजे 1,37,146 रुपयांचा फायदा.
हे फक्त एक उदाहरण आहे. Mutual Fund मध्ये 12% रिटर्न मिळेलच याची काही गॅरंटी नसते. बाजार वर-खाली होत असतो, त्यामुळे रिटर्न कमी किंवा जास्त पण होऊ शकतो. त्यामुळे फक्त हे गणित बघून लगेच गुंतवणूक करू नका. आपल्या आर्थिक सल्लागाराला विचारूनच निर्णय घ्या.पण एक नक्की, 3 लाखाचा फोन घेऊन शो ऑफ करण्यापेक्षा तोच पैसा गुंतवला तर भविष्यात त्याचा जास्त फायदा होऊ शकतो.
.png "Videos"){kind=small}
