IRCTC च्या बीटा वेबसाईटवरून तत्काळ तिकीट बुक करायची? आधी करा ही दोन कामं, जाणून घ्या सविस्तर

IRCTC ने आपल्या नवीन बीटा वेबसाइटमध्ये अनेक नवे फीचर्स आणि सुधारित सुरक्षा सुविधा आणल्या आहेत. या वेबसाइटवरून तत्काळ तिकीट बुक करण्यासाठी मात्र यूजर्सना आधी काही महत्त्वाच्या व्हेरिफिकेशन प्रक्रिया पूर्ण कराव्या लागणार आहेत.

• नवीन IRCTC वेबसाइटवर तिकीट बुक करण्यापूर्वी मोबाईल नंबर आणि ई-मेल आयडी व्हेरिफाय करणे आवश्यक आहे.
• तत्काळ तिकीट बुक करण्यासाठी IRCTC अकाऊंटला आधार कार्ड लिंक करून ऑथेंटिकेट करणे अनिवार्य आहे.
• आधार ऑथेंटिकेशननंतर ओटीपी पडताळणी पूर्ण करून नवीन वेबसाइटवरून तत्काळ तिकीट बुक करता येणार आहे.

आयआरसीटीसीने अलीकडेच त्यांच्या नवीन वेबसाईटचे बीटा वर्जन लाँच केले आहे. या नवीन वेबसाईटमध्ये डिझाईनपासून फीचर्सपर्यंत सर्वकाही अपग्रेड करण्यात आले आहे. भारतीय रेल्वेची ही नवीन वेबसाईट सध्या चाचणीसाठी लाँच करण्यात आली आहे. या वेबसाईटच्या मदतीने तुम्ही रेग्यूलरसोबतच तात्काळ तिकीट देखील बुक करू शकता. जर तुम्ही पहिल्यांदाच या नवीन वेबसाईटमध्ये लॉगिन करत असाल तर तुम्हाला काही व्हेरिफिकेशन प्रोसेस पूर्ण करावी लागणार आहे. ही प्रोसेस पूर्ण केल्यानंतर तुम्ही अगदी सहज तिकीट बुक करू शकता.

Xiaomi चा नवा सब-ब्रँड Mijia भारतात लाँच! स्वस्तात मिळणार ॲडव्हांस स्मार्ट होम आणि लाइफस्टाइल प्रोडक्ट्स

आयआरसीटीसीची नवीन वेबसाईट यूजर फ्रेंडली बनवण्यासाठी यामध्ये अनेक सेक्शन एकत्रित करण्यात आले आहेत, ज्यामुळे यूजर्सना एकाच ठिकाणी सर्व माहिती मिळणार आहे. नवीन बीटा वेबसाईटमध्ये यूजर्स अगदी सहजपणे नेव्हिगेशन करू शकतात. इतकंच नाही तर या वेबसाईटची सुरक्षा देखील अधिक मजबूत करण्यात आली आहे. बीटा वेबसाईटवरून तत्काळ तिकीट बुक करण्यासाठी तुम्हाला काही प्रोसेस फॉलो करावी लागणार आहे. (फोटो सौजन्य – AI Created) 

सर्वात आधी करा हे काम

पहिल्यांदा आयआरसीटीसी वेबसाईटमध्ये लॉगिन केल्यानंतर तुम्हाला तुमचा ई-मेल ॲड्रेस आणि मोबाईल नंबर व्हेरिफाय करावा लागणार आहे. व्हेरिफिकेशन प्रोसेस पूर्ण झाल्याशिवाय तुम्ही नवीन वेबसाईटवरून कोणतेही तिकीट बुक करू शकणार नाहीत. व्हेरिफिकेशनची संपूर्ण प्रक्रिया पूर्ण झाल्यानंतरच तुम्ही या वेबसाईटवरून तिकीट बुक करू शकणार आहात.

• लॉगिन केल्यानंतर उजव्या बाजूला असलेल्या यूजर आईडीवाल्या ऑप्शनवर क्लिक करा.
• आता माय प्रोफाईल पर्यायावर क्लिक करा आणि ऑथेंटिक यूज हा पर्याय निवडा.
• जर तुमचे आधार कार्ड व्हेरिफाय किंवा लिंक्ड असेल तर इथे दिसेल.
• अन्यथा तुम्हाला आधार डिटेल्स एंटर करून व्हेरिफिकेशन प्रोसेस पूर्ण करावी लागणार आहे.

तत्काळ तिकीट बुक करण्यासाठी आधार ऑथेंटिकेशन गरजेचे

भारतीय रेल्वेने जारी केलेल्या नव्या नियमानुसार, आधार ऑथेंटिकेशनशिवाय तुम्ही तुमच्या आयआरसीटीसी अकाऊंटवरून तत्काळ तिकीट बुक करू शकत नाही. जर तुमच्या अकाऊंटला आधार कार्ड लिंक केले असेल आणि तुम्ही आधीच ते ऑथंटिकेट केले असेल तर तुम्ही अगदी सहज तत्काळ तिकीट बुक करू शकणार आहात. पण तुम्ही तुमच्या अकाऊंटसोबत आधार ऑथेंटिकेट केले नसेल तर तुम्हाला खालील स्टेप्स फॉलो कराव्या लागणार आहेत.

नव्या Vivo स्मार्टफोनने वेधलं यूजर्सचं लक्ष, पावरफुल फीचर्सने आहे सुसज्ज; डिझाईन पाहताच तुम्हीही म्हणाल, वाह!!!

• नवीन वेबसाईट ओपन केल्यानंतर सर्वात आधी लॉगिन करावे लागणार आहे.
• त्यानंतर, तुम्हाला वरच्या उजव्या बाजूला दिसणाऱ्या ‘युजर आयडी’वर क्लिक करावे लागेल.
• मग, ‘माय प्रोफाईल’ मध्ये गेल्यानंतर, तुम्हाला ‘ऑथेंटिकेट युजर’ वर क्लिक करावे लागेल.
• यानंतर, तुमच्या आधार कार्डशी लिंक केलेल्या मोबाइल क्रमांकावर तुम्हाला एक ओटीपी मिळेल.
• ओटीपी पडताळल्यानंतर, तुम्हाला आधार कार्ड प्रमाणित करावे लागेल.
• त्यानंतर, तुम्ही नवीन वेबसाइटवरून तत्काळ तिकीट बुक करू शकता.