Jio Gold 24K Days: जियोने ग्राहकांना दिलं ‘सोनेरी’ सरप्राईज! JioFinance आणि MyJio वर मिळणार 2% एक्स्ट्रा गोल्ड
दिवाळीच्या सणानिमित्त ग्राहकांना जिओ तर्फे एक विशेष गिफ्ट दिले जात आहे. जिओने सुरू केलेल्या या ऑफर अंतर्गतग्राहकांचा फायदाच होणार यात काही शंकाच नाही. यासोबतच ग्राहकांना इतर रिवॉर्ड्स देखील जिंकण्याची संधी मिळणार आहे. जिओने जिओ फायनान्स 2024 मध्ये लॉन्च केला होता. आता या अ‍ॅपद्वारे ग्राहकांना उत्तम ऑफर्ससह खरेदी करण्याची संधी मिळत आहे. (फोटो सौजन्य – Pinterest)
जिओ फायनान्स किंवा माय जिओ ॲपद्वारे 18 ऑक्टोबर ते 23 ऑक्टोबर दरम्यान डिजिटल गोल्ड खरेदी करणाऱ्या ग्राहकांना एक उत्तम ऑफरचा फायदा घेण्याची संधी मिळणार आहे. या ऑफरअंतर्गत ग्राहकांना Jio Gold 24k Days ऑफरसह अनेक रिवॉर्ड्स जिंकण्याची संधी मिळणार आहे. दिवाळीच्या स्पेशल ऑफरचा फायदा घेण्यासाठी ग्राहकांना कमीत कमी दोनशे रुपयांचे डिजिटल गोल्ड खरेदी करावे लागेल आणि त्यानंतर विविध रिवॉर्ड्स जिंकता येणार आहेत. ऑफरअंतर्गत ग्राहकांना दोन टक्के एक्स्ट्रा गोल्ड मिळवण्याची संधी देखील मिळणार आहे. ज्यामुळे डिजिटल गोल्डच्या खरेदीसह ग्राहकांचा बराच फायदा होणार आहे. ऑफरअंतर्गत मिळणारे गोल्ड ग्राहकांना तीन दिवसात क्रेडिट केले जाणार आहे.
यासोबतच माय जिओ फायनान्स आणि जिओ ॲपवरून 20000 हून जास्तीचे गोल्ड खरेदी करणाऱ्या युजर्सना जिओ गोल्ड मेगा प्राईझ ड्रॉ ऑफरचा फायदा घेता येणार आहे. या अफगांत ग्राहकांना दहा लाख रुपयापर्यंत बक्षीस जिंकण्याची संधी कंपनी देणार आहे. यासोबतच ग्राहक स्मार्टफोन, टीव्ही, गोल्ड कॉइन, मिक्सर ग्राइंडर आणि गिफ्ट व्हाऊचर जिंकू शकतात.
या ऑफरमधील विजेत्यांची नावे 17 ऑक्टोबर रोजी घोषित केली जाणार आहेत. विजेत्यांना ईमेल आणि एसएमएसद्वारे याबाबत माहिती देखील दिली जाईल. कंपनीने असे सांगितले आहे की, ॲपद्वारे ग्राहक केवळ दहा रुपयांची सुरुवातीच्या किमतीत गोल्ड डिजिटल गोल्ड खरेदी करू शकतात. जिओ फायनान्स ॲप कंपनीने भारतात ऑक्टोबरमध्ये लाँच केला होता. या ॲपमध्ये युजर पेमेंट सोल्युशन आणि इन्व्हेस्टमेंटचा लाभ घेऊ शकतात. यासोबतच युजर या ॲपद्वारे यूपीआय पेमेंट देखील करू शकतात.
.png "Videos"){kind=small}
