रविवार, 1 नोव्हेंबर 2026
फोटो सौजन्य सोशल मिडिया
भारतात स्मार्टफोन खरेदी करण्याचा विचार करणाऱ्यांसाठी एक मोठी बातमी आहे. ‘अजून काही दिवस थांबून घेऊ’ असा विचार करणाऱ्यांना मोबाईल कंपन्यांनी मोठा धक्का दिला आहे. Realme, OnePlus, Poco आणि Lava यांसारख्या लोकप्रिय ब्रँड्सनी आपल्या प्रमुख मॉडेल्सच्या किमती पुन्हा वाढवल्या आहेत. या दरवाढीमागे जागतिक स्तरावर मेमरी चिप्सचा तुटवडा हे मुख्य कारण आहे. DRAM आणि NAND सारख्या महत्त्वाच्या स्टोरेज चिप्सच्या किमती वाढल्यामुळे स्मार्टफोनच्या उत्पादनाचा खर्च वाढला आहे. याचा थेट परिणाम भारतीय बाजारपेठेवर दिसून येत आहे. विशेषतः मिड-रेंजमधील फोन्सच्या किमती हजारो रुपयांनी वाढल्याने ग्राहक हैराण झाले आहेत.
iPhone 18 Pro घेण्याची तयारी? Pre-Booking आजपासून – Navarashtr
सध्या Realme 16 Series ची खूप चर्चा सुरू आहे. Realme 16 Pro+ 5G मॉडेलच्या काही व्हेरिएंट्सची किंमत तब्बल 7,000 रुपयांपर्यंत वाढली आहे. याशिवाय OnePlus 15R मॉडेलची किंमतही वाढवण्यात आली आहे. Poco X8 Pro Max आणि Lava Agni 4 हे फोनसुद्धा आता नव्या किमतीत विकले जात आहेत.
फोल्डेबल फोनच्या दुनियेत Xiaomiचा नवा ‘धमाका’! 6000mAh बॅटरीसह …
नवीन स्मार्टफोन घेण्याचा विचार करत असाल तर ग्राहकांना आता सध्याच्या ऑफर्स आणि जुन्या किंमतीचे मोबाईल आणि उपलब्ध असलेल्या स्टॉककडे लक्ष केद्रींत करत आहे. स्मार्टफोन विकत घ्यावा की आणखी वाट पाहावी ? या गोंधळात ग्राहक अडकले आहेत, ज्यामुळे भारतीय स्मार्टफोन बाजारात पुन्हा एकदा तणावाचे वातावरण निर्माण झाल्याचे दिसत आहे.
