1 जानेवारीपासून बदलणार मेसेजिंग ॲप्स वापरण्याची पद्धत! काय आहे नवा सिम बाइंडिंग नियम? जाणून घ्या सविस्तर

SIM Binding Rules: 1 जानेवारीपासून मेसेजिंग ॲप्ससाठी एक नवीन नियम लागू केला जाणार आहे. या नियमाचा परिणाम काही यूजर्सवर देखील होणार आहे. ऑनलाईन स्कॅम रोखण्यासाठी हा नियम लागू करण्याचा निर्णय घेण्यात आल्याचे DoT चे म्हणणं आहे.

• मॅसेजिंग आणि कम्युनिकेशन ॲप्सना नवीन सिम बाइंडिंग नियमाचे पालन करण्याचे निर्देश
• नवीन नियम 1 जानेवारी, 2027 पासून लागू केला जाणार आहे
• वेब वर्जनसाठी देखील नवीन नियम जारी केला जाणार

डिपार्टमेंट ऑफ टेलीकम्युनिकेशन (DoT) ने मॅसेजिंग आणि कम्युनिकेशन ॲप्सना नवीन सिम बाइंडिंग नियमाचे पालन करण्याचे निर्देश दिले आहेत. हा नवीन नियम 1 जानेवारी, 2027 पासून लागू केला जाणार आहे. या नियमांतर्गत मॅसेजिंग ॲप्सना सिम आधारित लॉगिन व्हेरिफिकेशन लागू करावे लागणार आहे. याचा उद्देश असा आहे की, यूजरचे अकाऊंट त्याच्या रजिस्टर्ड भारतीय मोबाईल नंबर संबंधित असलेल्या ॲक्टिव्ह सिम कार्डशी जोडलेले ठेवणे. ऑनलाईन स्कॅम रोखण्यासाठी हा निर्णय घेण्यात आल्याचे DoT चे म्हणणं आहे.

डिझाईन पाहताच म्हणाल, व्वा!!! कर्व्ह डिस्प्लेसह नव्या Lava स्मार्टफोनची भारतात एंट्री; किंमत सर्वसामान्यांच्या बजेटमध्ये…

मेसेजिंग ॲप्ससाठी सिम बाइंडिंगचे नियम

DoT ने 28 नोव्हेंबर 2025 रोजी टेलिकॉम सायबर सिक्योरिटी रुल्स, 2024 अंतर्गत सिम बाइंडिंग निर्देश जारी केले होते. सरकारने 1 डिसेंबर 2025 रोजी प्रेस इन्फॉर्मेशन ब्यूरो (PIB) द्वारे हा आदेश सार्वजनिक केला. सुरुवातीला हा नियम लागू करण्यासाठी 90 दिवसांचा कालावधी देण्यात आला होता. मात्र त्यानंतर, मर्यादा वाढवत सरकारने 31 डिसेंबर 2026 पर्यंतचा वेळ दिला आहे. सुरुवातीला हे निमय व्हॉट्सॲप, टेलीग्राम, स्नॅपचॅट, अराटाई, शेयरचॅट, जोश, जियोचॅट आणि सिग्नल या ॲप्ससाठी जारी करण्यात आला. हा नियम अशा ॲप्ससाठी जारी केला जाणार आहे जे, कम्युनिकेशन सर्विस ऑफर करतात आणि यूजर्सची ओळख पटवण्यासाठी आणि सेवा देण्यासाठी भारतीय मोबाईल नंबरचा वापर करतात.  (फोटो सौजन्य: Pinterest) 

काय आहे सिम बाइंडिंग नियम?

सिम बाइंडिंग नियमांतर्गत, मेसेजिंग ॲप्सना यूजर्सच्या रजिस्टर्ड इंडियन मोबाईल नंबरच्या ॲक्टिव सिम कार्डला लिंक असणं गरजेचं आहे. जर सिम कार्ड फोनमधूनस काढले असेल किंवा सिम कार्ड ॲक्टिव्ह नसेल तर ॲप त्या डिव्हाईसमध्ये काम करणार नाही. म्हणजेच डिव्हाईसमधून सिम कार्ड बाहेर काढताच ॲप बंद होईल, तुम्ही त्याचा वापर करू शकणार नाहीत.

प्रिमियम सेगमेंटमध्ये Oppo चा मास्टरस्ट्रोक! 200MP कॅमेऱ्यासह भारतात नव्या स्मार्टफोन सिरीजची एंट्री, किंमत लाखोंच्या घरात…

मिळालेल्या माहितीनुसार, व्हॉट्सॲपवर ट्रॅकर फीचर जारी केले जाणार आहे. यामध्ये तपासले जाणार आहे की, तुमच्या फोनमध्ये सिम आहे की नाही. जारी केल्या जाणाऱ्या या नव्या नियमांचा परिणाम अशा लोकांवर होऊ शकतो, जे सहसा त्यांचे सिम कार्ड काढून दुसऱ्या फोनमध्ये स्विच करत असतात. या नियमांमुळे डिजीटल स्कॅमला आळा घालण्यासाठी मदत होईल, असे सरकारचे म्हणणे आहे. तसेच, वेब वर्जनसाठी देखील नवीन नियम जारी केला जाणार आहे. जर एखादा यूजर ॲपच्या वेब वर्जनचा वापर करत असेल तर त्याच्यासाठी महत्त्वाची अपडेट आहे. पूर्वी वेब वर्जन वापरताना एका ठरावीक वेळेनंतर पुन्हा लॉगिन करण्याची गरज भासत होती. मात्र आता सरकारने जोखमीवर आधारित नियम लागू करण्याचा निर्णय घेतला आहे.