Nothing Smart Glasses: चष्माच बनेल AI असिस्टंट! ChatGPT सोबत ‘ही’ कंपनी आणतेय स्मार्ट ग्लासेस

Nothing Smart Glasses: स्मार्टफोन आणि ऑडिओ उत्पादनांनंतर Nothing कंपनी स्मार्ट ग्लासेसच्या क्षेत्रात प्रवेश करण्याच्या तयारीत असल्याची चर्चा आहे. टिपस्टर Roland Quandt यांनी दिलेल्या माहितीनुसार, कंपनी दोन प्रकारच्या स्मार्ट ग्लासेसवर काम करत आहे.

स्मार्टफोन नंतर आता Nothing कंपनी वेगळ्या वाटेवर जात आहे. नुकतेच कंपनीने दोन नवीन ब्लूटूथ स्पीकर लाँच केले होते. आणि आता एक मोठी बातमी समोर येत आहे. Nothing लवकरच स्मार्ट ग्लासेसच्या दुनियेत एंट्री करणार असल्याची चर्चा आहे. ही माहिती एका टिपस्टरने दिली आहे. Nothing Smart Glasses

UK ची ही कंपनी आता AI वर चालणारे स्मार्ट ग्लासेस बनवत असल्याचे बोलले जात आहे. दोन प्रकारचे ग्लासेस असतील असे सांगितले जात आहे.

दोन वेगळे मॉडेल येणार

टिपस्टर Roland Quandt यांनी Bluesky वर ही माहिती शेअर केली आहे. त्यांच्या मते Nothing दोन स्मार्ट ग्लासेसवर काम करत आहे. दोन्हीमध्ये वेगवेगळे फीचर्स असतील.

पहिला ग्लास फक्त ऑडिओसाठी असेल. म्हणजे चष्म्यातच हेडफोन बसवलेला असेल. यातून तुम्ही गाणी ऐकू शकता, ऑडिओ बुक ऐकू शकता, फोनवर बोलू शकता आणि फोनमधील व्हॉइस असिस्टंट पण वापरू शकता. एकदम साधा आणि सोपा वापर.

दुसरा ग्लास याच्यापेक्षा थोडा भारी असेल. यात वरचे सगळे फीचर्स असतीलच, पण सोबत कॅमेरा पण असेल. यात ChatGPT चे सपोर्ट आणि ट्रान्सलेशन फीचर पण मिळेल असे सांगितले जात आहे. याच अर्थ चष्मा घालून फोटो देखील काढता येईल. दरम्यान AI ला प्रश्न सुद्धा विचारु शकता. तसेच कोणत्याही भाषेमध्ये भाषांतर सुद्धा करता येईल.

लेन्स पण खास असणार

दोन्ही ग्लासेसमध्ये फोटोक्रोमिक लेन्स असणार आहे. ही लेन्स उन्हात गेल्यावर आपोआप काळी होते आणि घरात आल्यावर परत क्लिअर होते. Meta च्या Ray-Ban Meta ग्लासेसमध्ये असते तशीच ही टेक्नॉलॉजी असेल.अजून या ग्लासेसचा फोटो किंवा डिझाईन समोर आले नाहीये. किंमत किती असेल, बॅटरी किती चालेल आणि कधी लाँच होईल याबद्दल पण काही माहिती नाहीये.

Instagram वर Meta AI चा वापर करायचा आहे का? जाणून घ्या सोप्या टीप्स …

Nothing चा प्लॅन काय?

Nothing ने नुकतेच Nothing Headphone (1) Pro लाँच केले आहे. त्यामुळे हा ऑडिओ वाला ग्लास त्यांच्या हेडफोन लाईनला पूरक ठरू शकतो. तर कॅमेरा असलेला ग्लास जास्त पॉवरफुल असेल, कारण त्यात फोटो काढणे आणि AI फीचर्ससाठी वेगळे हार्डवेअर लागेल.

सध्या स्मार्ट ग्लासेसच्या मार्केटमध्ये Meta चे राज्य केले. काही दिवसांपूर्वी त्यांनी Ray-Ban Meta Gen 3 बाजारात आणले. त्यात 12 मेगापिक्सल कॅमेरा, 3K व्हिडिओ रेकॉर्डिंग आणि नवीन हार्डवेअर दिले आहे. ज्यामुळे फक्त ऑडिओ असलेला Ray-Ban Meta Audio ग्लास देण्यात आलं आहे.

Jio AI Glasses: चष्मा घाला आणि पेमेंट करा! Jio आणतोय स्वस्त AI Glass

Nothing कशी वेगळी जागा

Meta शिवाय Samsung आणि Google पण Warby Parker आणि Gentle Monster सारख्या ब्रँड सोबत मिळून स्मार्ट चष्म्यावर काम करत आहेत. Apple पण स्मार्ट ग्लासेस बनवत असल्याची चर्चा आहे, पण अजून कन्फर्म नाही.आता या गर्दीत Nothing कशी वेगळी जागा बनवते हे पाहणे महत्वाचे ठरेल. Nothing ची डिझाईन नेहमीच वेगळी आणि ट्रान्सपरंट असते. त्यामुळे त्यांचे स्मार्ट ग्लासेस पण दिसायला हटके असतील अशी अपेक्षा आहे.