१,५०० रुपयांपेक्षा कमी बजेटमध्ये ५ भन्नाट TWS इयरबड्स; गिफ्ट देण्यासाठी बेस्ट पर्याय, फास्ट चार्जिंग अन् दमदार साउंडने सुसज्ज

यंदा मित्रांना चॉकलेट्स किंवा कपडे नाहीत तर ईअरबड्स गिफ्ट करू शकता. बोट च्या अशा ईअरबड्सबद्दल जाणून घेऊया, ज्याची किंमत बजेट फ्रेंडली आहे. या ईअरबड्समध्ये तगडे फीचर्स मिळणार आहेत.

• सतत फोनवर बोलणाऱ्या मित्रांसाठी वायरलेस ईयरबड्सची निवड करा
• बोट एअरडोप्स प्राइम ८००डी ईअरबड्सची किंमत १,३९९ रुपये
• बजेट १ हजार रुपयांपेक्षा कमी असेल तर तुम्ही बोट एअरडोप्स प्लस २२३ ईअरबड्स खरेदी करू शकता

तुम्ही सणासुदीच्या काळात आपल्या प्रियजनांना भेट देण्यासाठी काहीतरी स्पेशल गिफ्ट शोधत आहात का? असं गिफ्ट ज्याची किंमत बजेट फ्रेंडली असेल. तर तुम्ही संगीतप्रेमी, महाविद्यालयीन विद्यार्थी किंवा सतत फोनवर बोलणाऱ्या मित्रांसाठी वायरलेस ईयरबड्सची निवड करू शकता. विशेष म्हणजेच या ईयरबड्सची किंमत १,५०० रुपयांपेक्षा कमी आहे. यामध्ये चांगली बॅटरी लाइफ, उत्तम साऊंड क्वालिटी, कॉलिंग फीचर्स आणि कनेक्टिव्हिटी यांसारखे फीचर्स देण्यात आले आहेत. तुम्ही सणांच्या काळात हे बजेट फ्रेंडली ईअरबड्स संगीतप्रेमी, महाविद्यालयीन विद्यार्थी किंवा सतत फोनवर बोलणाऱ्या मित्रांना भेट देऊ शकता.

दिवाळीपूर्वीच स्मार्टफोन ग्राहकांना झटका! Realme ने पुन्हा वाढवल्या डिव्हाईसच्या किंमती, आता खरेदीसाठी मोजावे लागणार तब्बल इतके पै

बोट एअरडोप्स प्राइम ८००डी

या ईअरबड्सची किंमत १,३९९ रुपये आहे. यामध्ये १,३९९ रुपये आहे. यामध्ये उत्तम साउंड आणि इमर्सिव्ह लिसनिंग अनुभव मिळणार आहे. या ईअरबड्समध्ये डॉल्बी ऑडिओ, ११ मिमी ड्रायव्हर्स, हायफाय डीएसपी कोअर आणि २४-बिट स्पेशियल ऑडिओ यांसारखे आकर्षक फीचर्स मिळणार आहे. कंपनीचे हे ईअरबड्स एकूण ४५ तासांपर्यंतचा प्लेबॅक ऑफर करतात. यामध्ये कॉलिंगसाठी एआय ईएनएक्स तंत्रज्ञानासह चार मायक्रोफोन्स, तर गेमिंगसाठी ४५ मिलीसेकंद लो लेटन्सीसह बीस्ट मोड मिळणार आहे. एएसएपी चार्ज फीचर केवळ १० मिनिटांच्या चार्जिंगमध्ये चार तासांपर्यंतचा प्लेबॅक ऑफर करते. या डिव्हाईसमध्ये ब्लूटूथ ६.१, आयपीएक्स५ वॉटर रेझिस्टन्स, गुगल फास्ट पेअर, मल्टिपॉइंट कनेक्टिव्हिटी आणि इन-इअर डिटेक्शन यांसारखे फीचर्स देण्यात आले आहेत.

बोट एअरडोप्स प्लस २२३

तुमचे बजेट १ हजार रुपयांपेक्षा कमी असेल तर तुम्ही बोट एअरडोप्स प्लस २२३ ईअरबड्स खरेदी करू शकता. या डिव्हाईसची किंमत ९९९ रुपये आहे. या ईअरबड्समध्ये ६० तासांपर्यंतचा प्लेबॅक, १३ मिमी ड्रायव्हर्स आणि अधिक प्रभावी ऑडिओ अनुभवासाठी बोट स्पेशल ऑडिओ देण्यात आला आहे. यूजर्सचा कॉलिंगचा अनुभव अधिक चांगला व्हावा यासाठी यामध्ये एआय ईएनएक्स तंत्रज्ञानासह दोन मायक्रोफोन्स, तर गेमिंगसाठी ५५ मिलीसेकंद लो लेटन्सीसह बीस्ट मोड मिळणार आहे. ईअरबड्समधील एएसएपी चार्ज फीचर १० मिनिटांच्या चार्जिंगमध्ये १५० मिनिटांपर्यंतचा प्लेबॅक ऑफर करणार आहे. यामध्ये ब्लूटूथ ६.०, आयपीएक्स४ वॉटर रेझिस्टन्स आणि मल्टी-कनेक्ट सपोर्ट यांसारखे फीचर्स देण्यात आले आहेत.

बोट एअरडोप्स प्लस २२१

दैनंदिन वापरासाठी तुम्ही बोट एअरडोप्स प्लस २२१ ईअरबड्सची निवड करू शकता. याची किंमत ९९९ रुपये आहे. या डिव्हाईसमध्ये प्रीमियम लेदर-फिनिश केस, बोट स्पेशियल ऑडिओ आणि ६० तासांपर्यंतचा प्लेबॅक ऑफर केला जाणार आहे. यासोबतच यामध्ये १३ मिमी ड्रायव्हर्स, ब्लूटूथ ६.०, एआय ईएनएक्स तंत्रज्ञानासह दोन मायक्रोफोन्स आणि ५५ मिलीसेकंद लो लेटन्सीसह बीस्ट मोड मिळणार आहेत. ईअरबड्सचे एएसएपी चार्ज फीचर केवळ १० मिनिटांच्या चार्जिंगमध्ये १५० मिनिटांपर्यंतचा प्लेबॅक ऑफर करते.

नॉइज बड्स एन१

संगीत ऐकण्यासाठी आणि कॉलिंगसाठी नॉइज बड्स एन१ एक चांगला पर्याय ठरणार आहे. या ईअरबड्समध्ये ११ मिमी ड्रायव्हर्स आणि एकूण ४० तासांपर्यंतचा प्लेबॅक मिळणार आहे. याची किंमत ८९९ रुपये आहे. कॉलिंगचा अनुभव सुधारण्यासाठी यामध्ये एन्व्हायर्नमेंटल नॉइज कॅन्सलेशन (ईएनसी) सुविधेसह चार मायक्रोफोन्स आणि ब्लूटूथ ५.३ कनेक्टिव्हिटी देखील मिळणार आहे.

WhatsApp: वाढदिवसाच्या शुभेच्छा असोत किंवा महत्त्वाचे डिटेल्स… वेळेवर सेंड होणार प्रत्येक मेसेज, व्हॉट्सॲपचं नवं फीचर चर्चेत

बाउल्ट ऑडिओ झेड४०

कमी किंमतीत चांगली बॅटरी लाईफ ऑफर करणाऱ्या पर्यायांपैकी एक म्हणजेच बाउल्ट ऑडिओ झेड४०. याची किंमत ८९९ रुपये आहे. यामध्ये ६० तासांपर्यंतच्या प्लेबॅकचा दावा करण्यात आला आहे. या ईअरबड्समध्ये १० मिमी ड्रायव्हर्स, कॉलिंगसाठी झेन ईएनसी मायक्रोफोन तंत्रज्ञान आणि लो लेटन्सी गेमिंग सपोर्ट ऑफर केला जात आहे.