सावधान! सुट्टीत ऑनलाईन बुकिंग करताय? ट्रॅव्हल एजंटच्या नावाखाली होतेय फसवणूक, मुंबई सायबर सेल अलर्ट मोडवर

Online Fraud Alert : सुट्टीच्या काळात प्रवासाचे नियोजन करताना काही बाबींकडे दुर्लक्ष करू नका. हॉटेलचे ट्रॅव्हल एजंट आहेत असं भासवत आता स्कॅमर्सने नव्या मार्गाने प्रवाशांना लुटण्याचा डाव रचला आहे.

• आकर्षक ऑफर्स आणि सवलतींमुळे अनेकजण सहज विश्वास ठेवतात.
• अनोळखी लिंक, कॉल किंवा मेसेजद्वारे व्यवहार करताना धोका वाढतो.
• सुरक्षित व्यवहारासाठी योग्य पडताळणी आणि जागरूकता अत्यंत आवश्यक ठरते.

उन्हाळ्याची सुटी सुरू होणार असल्याने अनेकजण प्रवासाचे, फिरायला जाण्याचे बेत आखत आहेत. आपल्या सहली अविस्मरमीय करण्यासाठी हॉटेल्स, व्हिला आणि रिसॉर्ट्स ऑनलाइन बुक करत आहेत. मात्र, या उत्साहाच्या वातावरणात सायबर गुन्हेगारही सक्रिय झाले आहेत. हे फसवणूक करणारे नामांकित हॉटेल्सचे किंवा ट्रॅव्हल अधिकृत एजंट एक्झिक्युटिव्ह असल्याचे भासवून व्हॉट्सअॅप आणि कॉलद्वारे लोकांना लक्ष्य करत आहेत. हे फसवणूक करणारे अर्ली बर्ड डिस्काउंटर किंवा विशेष उन्हाळी ऑफर्स देऊन त्यांचे बुकिंग निश्चित करण्यासाठी २० ते ३० टक्के आगाऊ रक्कम मागत असल्याने सावधानी बाळगण्याचे आवाहन मुंबई सायबर फसवणूक करणाऱ्यांची कार्यपद्धती (मोडस ऑपरेंडी) खूप हुशारीची असते. ते ग्राहकांना बनावट पेमेंट लिंक्स, UPI आयडी किंवा QR कोड पाठवतात. एखादी व्यक्ती पैसे हस्तांतरित करताच, फसवणूक करणारे लगेच संपर्क तोडून टाकतात. अनेकदा, जेव्हा लोक आपल्या कुटुंबासोबत ठरलेल्या ठिकाणी पोहोचतात आणि हॉटेल व्यवस्थापन कोणतेही बुकिंग नाकारते, तेव्हा त्यांच्या लक्षात येते की त्यांची फसवणूक झाली आहे.

हात न लावता घर होणार स्वच्छ! Dreame चे नवे रोबोट व्हॅक्यूम क्लीनर भारतात लाँच

सायबर सेल अलर्ट मोडवर

या वाढत्या घोक्याला प्रतिसाद म्हणून, मुंबई सायबर सेल पूर्णपणे सतर्क आहे. पोलिस प्रशासन दररोज डझनभर बनावट मोबाईल नंबर आणि संशयास्पद बैंक खाती ब्लॉक करत आहे. आकडेवारीनुसार, मार्च २०२३ ते मार्च २०२५ दरम्यान, एनसीआरबीने हॉटेल आणि रिसॉर्ट फसवणुकीची अंदाजे १.५४६ प्रकरणे नोंदवली आहेत, जे या धोक्याची तीव्रता अधोरेखित करते.

बनावट वेबसाईट्सपासून सावध राहा

सायबर तज्ज्ञांचे म्हणणे आहे की, फसवणूक करणारे खऱ्या वाटणाऱ्या बनावट वेबसाइट्स तयार करून लोकांची दिशाभूल करतात. गेल्या वर्षी, मुंबईसह देशभरातील हजारो पर्यटक या फसवणुकीला बळी पडले, ज्यामुळे त्यांचे केवळ पैसेच खर्च झाले नाहीत, तर त्यांची सुट्टीही खराब झाली. पोलीस आता सोशल मीडिया व जाहिरातीद्वारे जनजागृती मोहीम राबवत आहेत.

सावध राहण्याचे आवाहन

सुरक्षित सुट्टीसाठी काही मूलभूत खबरदारी घ्या. नेहमी अधिकृत आणि सत्यापित वैबसाइटवरूनच बुकिंग करा. जर कोणी मोठी सवलत देत असेल, तर हॉटेलच्या लैंडलाइन नंबरवर थेट फोन करून खात्री करा. कोणत्याही अज्ञात लिंक किवा QR कोडद्वारे पेमेंट करणे टाळा आणि वैयक्तिक माहिती शेअर करू नका, जर तुम्ही फसवणुकीचे बळी ठरलात, तर ताबडतोब सायबर हेल्पलाइन नंबर १९३० वर फोन करा, असे आवाहन करण्यात आले आहे.

ग्राहकांना मोठा धक्का! Smartphone खरेदी करताय, मग जरा थांबा! रातोरात ‘या’ 16 स्मार्टफोनच्या किंमती वाढल्या

सुरक्षेसाठी याचे पालन करा

विश्वसनीय प्लॅटफॉर्म वापराः नेहमी अधिकृत अॅप्स/साइट्स (जसे की MakeMyTrip, Goibibo, IRCTC) द्वारेच बुकिंग करा. बनावट लिंक्सवर क्लिक करू नका.

URL तपासाः URL ची सुरुवात https:// ने झाली पाहिजे आणि त्यावर लॉकचे चिन्ह असले पाहिजे. स्पेलिंगमध्ये कोणतीही चूक नसावी.

डील्सची पडताळणी कराः श्खूप स्वस्तर ऑफर्स संशयास्पद असतात. हॉटेलच्या अधिकृत वेबसाइटवरून त्याची खात्री करून घ्या.

पेमेंट सुरक्षित ठेवाः कार्डचा तपशील शेअर करू नका. UPI किंवा वॉलेट वापरा आणि OTP कधीही शेअर करू नका. बनावट रिव्ह्यू टाळण्यासाठी Trust Pilot किंवा Google वर अस्सल रिव्हा तपासा.

डिस्क्लेमर: हे नवराष्ट्र वृत्तपत्राचे स्वयंचलित न्यूज फीड आहे. ते navarashtra.com च्या कर्मचाऱ्यांनी संपादित केलेले नाही.