Poco C85 5G: बजेट सेगमेंटमध्ये मोठा धमाका! पोकोचा नवा स्मार्टफोन उडवणार सर्वांची झोप, फीचर्स टॉप क्लास

Poco Smartphone Launched: पोकोचा नवीन बजेट स्मार्टफोन अखेर आता लाँच करण्यात आला आहे. कमाल फीचर्स आणि आकर्षक डिझाईनमुळे या स्मार्टफोनने सर्वांचे लक्ष वेधले आहे. या स्मार्टफोनची किंमत 15 हजारांहून कमी आहे.

• Poco C85 5G मुळे बजेट सेगमेंट हादरलं!
• Poco ने दिला ग्राहकांना मेगा सरप्राईज
• फीचर्स पाहून तुम्हालाही खरेदीचा मोह आवरणार नाही

टेक कंपनी पोकोने नवीन बजेट स्मार्टफोन भारतात लाँच केला आहे. हा स्मार्टफोन Poco C85 5G या नावाने लाँच करण्यात आला आहे. कंपनीने हा लेटेस्ट स्मार्टफोन C लाइनअपअंतर्गत लाँच केला आहे. ग्राहक ई कॉमर्स प्लॅटफॉर्म फ्लिपकार्टवरून नवीन डिव्हाईस खरेदी करू शकतात. कंपनीने हा लेटेस्ट स्मार्टफोन तीन कलर व्हेरिअंटमध्ये लाँच केला आहे. सर्वात विशेष म्हणजेच कंपनीने या बजेट स्मार्टफोनमध्ये 6.9-इंच डिस्प्ले HD+ रिजॉल्यूशन आणि 120Hz पर्यंत रिफ्रेश रेट सपोर्ट दिला आहे. हे नवीन डिव्हाईस MediaTek Dimensity 6000 सीरीज चिपसेटने सुसज्ज आहे. या स्मार्टफोनमध्ये 6,000mAh बॅटरी दिली आहे. कंपनीचं असं म्हणणं आहे की, हा स्मार्टफोन 106 तासांहून अधिक म्यूझिक प्लेबॅक टाईम देतो.

Starlink India: अरे देवा! लाँचपूर्वीच सुरु झाला कंपनीचा ड्रामा, एका चुकीमुळे टेस्ट डेटा झाला पल्बिक; यूजर्स म्हणाले…

Poco C85 5G ची किंमत आणि उपलब्धता

स्मार्टफोनच्या किंमतीबद्दल बोलायचं झालं तर, Poco C85 5G च्या 4GB रॅम आणि 128GB स्टोरेज व्हेरिअंटची किंमत 12,499 रुपयांपासून सुरु होते. डिव्हाईसच्या 6GB रॅम आणि 128GB स्टोरेजवाल्या हाय-एंड व्हेरिअंटची किंमत 12,499 रुपये ठेवण्यात आली आहे. या डिव्हाईसच्या टॉप व्हेरिअंट 8GB+128GB ची किंमत 14,499 रुपये आहे. कंपनी या स्मार्टफोनच्या खरेदीवर डिस्काऊंट देखील ऑफर करत आहे. ज्यामुळे 4GB व्हेरिअंट 11,999 रुपये आणि 6GB व्हेरिअंट 12,999 रुपयांत खरेदी केला जाऊ शकतो. हा स्मार्टफोन कंपनीने मिस्टिक पर्पल, स्प्रिंग ग्रीन आणि पावर ब्लॅक कलरमध्ये लाँच केला आहे.

See more

POCO C85 5G price in India. https://t.co/O3hVuvhYUR pic.twitter.com/vzoxbARkeb — Mukul Sharma (@stufflistings) December 9, 2025

Poco C85 5G चे स्पेसिफिकेशन्स

स्पेसिफिकेशन्सबद्दल बोलायचं झालं तर या लेटेस्ट स्मार्टफोनमध्ये 6.9 इंचाचा फ्लॅट HD+ डिस्प्ले देण्यात आला आहे. तसेच या स्मार्टफोनमध्ये 120Hz पर्यंत रिफ्रेश रेट सपोर्ट देखील दिला आहे. डिव्हाईसमध्ये 810 निट्स पर्यंत पीक ब्राइटनेस दिली आहे. डिव्हाईसला पावर देण्यासाठी ऑक्टा कोर 6nm मीडियाटेक 6300 चिपसेटचा वापर करण्यात आला आहे. यासोबतच या डिव्हाईसमध्ये माली-G57 MC2 GPU आहे. Poco C85 5G मध्ये 8GB LPDDR4x रॅम आणि 128GB UFS 2.2 ऑनबोर्ड स्टोरेज देखील देण्यात आले आहे.

कंपनीने या लेटेस्ट डिव्हाईसमध्ये HyperOS 2.2 दिला आहे. जो गेल्यावर्षीच्या Android 15 वर बेस्ड आहे. एवढंच नाही तर कंपनी या नवीन स्मार्टफोनला दोन वर्षांसाठई Android अपग्रेड आणि 4 वर्षांसाठी सिक्योरिटी अपडेट देणार आहे. डिव्हाईसला TÜV रीनलँड लो ब्लू लाइट, फ्लिकर-फ्री आणि सर्कैडियन फ्रेंडली सर्टिफिकेशन देखील मिळाले आहे. फोनमध्ये डस्ट आणि स्प्लॅश रेजिस्टेंससाठी IP64 रेटिंग दिली आहे.

Tech Tips: स्मार्टवॉच घालूनच झोपताय? 90 टक्के लोकं करतात ही मोठी चूक, सत्य वाचून तुम्हीही घाबराल

Poco C85 5G चे कॅमेरा स्पेसिफिकेशन्स

कॅमेऱ्याबद्दल बोलायचं झालं तर डिव्हाईसमध्ये डुअल रियर कॅमेरा सेटअप दिला आहे. या फोनमध्ये 50-मेगापिक्सेल प्रायमरी कॅमेरा आणि एक QVGA कॅमेरा दिला आहे. सेल्फी आणि व्हिडीओ कॉलिंगसाठी पुढील बाजूला 8-मेगापिक्सेलचा फ्रंट-फेसिंग कॅमेरा दिला आहे. याशिवाय या डिव्हाईसमध्ये 6,000mAh बॅटरी देण्यात आली आहे, जी 33W वायर्ड फास्ट चार्जिंग सपोर्टसह 10W वायर्ड रिवर्स चार्जिंगला देखील सपोर्ट करते.