लवकरच भारतात होणार धमाका! Realme P4s 5G ची लाँच डेट जाहीर… जबरदस्त फीचर्स आणि बॅटरीचा तगडा कॉम्बो

Realme P4s 5G: ग्राहकांची प्रतिक्षा लवकरच संपणार आहे. कारण भारतात एक नवीन स्मार्टफोन एंट्री करणार आहे. या आगामी स्मार्टफोनमध्ये कोणते फीचर्स दिले जाणार आहेत, याचा खुलासा लाँचिंगपूर्वीच झाला आहे. यामुळे आगामी स्मार्टफोनसाठी यूजर्स प्रचंड उत्सुक आहेत.

• Realme P4s 5G भारतात 26 ऑगस्ट रोजी दुपारी 12 वाजता लाँच होणार असून, फोन ग्रीन आणि बेज-ब्राउन रंगांत उपलब्ध होईल.
• फोनमध्ये 144Hz रिफ्रेश रेट आणि 6,500 निट्स पीक ब्राइटनेस असलेला डिस्प्ले, तसेच डायमेन्सिटी 7400 अल्ट्रा 5G चिपसेट मिळणार आहे.
• 8000mAh बॅटरी, 80W फास्ट चार्जिंग आणि ओआयएस सपोर्ट असलेला 50MP कॅमेरा यासह फोनला IP66, IP68 आणि IP69 रेटिंग मिळणार आहे.

पुढील आठवड्यात एक नवीन Realme स्मार्टफोन लाँच केला जाणार आहे. हा स्मार्टफोन कंपनी Realme P4s 5G या नावाने लाँच करणार आहे. आगामी स्मार्टफोनच्या लाँचिंगची अधिकृतपणे घोषणा करण्यात आली असून हे डिव्हाईस ब्रँडच्या नव्या P-सीरीज लाइनअपमधील सर्वात नवीन मॉडेल असणार आहे. या स्मार्टफोन लाईनअपमध्ये आधीपासूनच रिअलमी P4, रिअलमी P4 लाइट, रिअलमी P4x आणि रिअलमी P4 प्रो 5G या डिव्हाईसचा समावेश आहे. आगामी स्मार्टफोनच्या लाँचिंगपूर्वीच कंपनीने अनेक फीचर्स जाहीर केले आहेत.

नव्या Vivo स्मार्टफोनची भारतात तुफानी एंट्री! 7200mAh बॅटरी अन् स्नॅपड्रॅगन प्रोसेसरसह मिळणार ‘हे’ पावरफुल फीचर्स

भारतात कधी होणार लाँच?

एका प्रेस नोटमध्ये कंपनीने सांगितलं आहे की, आगामी Realme P4s 5G भारतात 26 ऑगस्ट रोजी दुपारी 12 वाजता लाँच केला जाणार आहे. टीझरमध्ये स्पष्ट झाले आहे की, आगामी स्मार्टफोन ग्रीन आणि बेज-ब्राउन कलर ऑप्शन्समध्ये लाँच केला जाणार आहे. कंपनीने अद्याप आगामी स्मार्टफोनच्या किंमतीचा खुलासा केला नाही. अधिकृतपणे लाँचिंगनंतर हा स्मार्टफोन रिअलमीची अधिकृत वेबसाईट आणि फ्लिपकार्टवर विक्रीसाठी उपलब्ध असणार आहे. (फोटो सौजन्य: Realme) 

असे असू शकतात आगामी स्मार्टफोनचे फीचर्स

Realme P4s 5G मध्ये सॅमसंग M14 डिस्प्ले मिळणार असल्याचे कन्फर्म झाले आहे, जो 1,272 × 2,772 पिक्सेल रेजोल्यूशन आणि 144Hz रिफ्रेश रेट ऑफर करणार आहे. कंपनीने असा दावा केला आहे की, हे डिव्हाईस 6,500 निट्सपर्यंत पीक ब्राइटनेस ऑफर करणार आहे आणि एचडीआर 10+ सह नेटफ्लिक्स एचडीआर कंटेंटला सपोर्ट करणार आहे.

परफॉर्मंसबाबत बोलायचं झालं तर या स्मार्टफोनमध्ये मीडियाटेक डायमेन्सिटी 7400 अल्ट्रा 5G चिपसेट देण्यात आला आहे, ज्यासोबत एक डेडिकेटेड हायपरव्हिजन+ एआय चिप देखील मिळणार आहे. हे एआय चिप ग्राफिक्स-इंटेंसिव टास्क्स आणि गेमिंग अगदी सहज हँडल करू शकणार आहे.

अरे देवा! ‘या’ Samsung स्मार्टफोन्सच्या वाढल्या किंंमती, Xiaomi नेही ग्राहकांना दिला धक्का… बजेटवर होणार थेट परिणाम

कॅमेरा सेटअपबद्दल बोलायचं झालं तर, Realme P4s 5G मध्ये ऑप्टिकल इमेज स्टेबलाइजेशनसह 50-मेगापिक्सेलचा डुअल एआय कॅमेरा मिळणार आहे. फोनला पाणी आणि धुळीपासून सुरक्षेसाठी IP66 + IP68 + IP69 रेटिंग दिली आहे. आगामी हँडसेटमध्ये 80W फास्ट चार्जिंग सपोर्टसह 8,000mAh बॅटरी दिली आहे. लीक्सनुसार, कंपनीचा हा आगामी स्मार्टफोन 6GB + 128GB, 8GB + 128GB, 8GB + 256GB आणि 12GB + 256GB या चार रॅम आणि स्टोरेज व्हेरिअंटमध्ये लाँच केला जाऊ शकतो.