Samsung Smartphone: Galaxy M-सीरीजबाबत समोर आली नवीन अपडेट, लवकरच लाँच होणार हे ब्रँड न्यू स्मार्टफोन्स

Galaxy M05 मध्ये, कंपनीने 2MP डेप्थ कॅमेरा सेन्सरसह 50MP चा प्रायमरी कॅमेरा दिला होता. कंपनी आगामी Galaxy M06 5G स्मार्टफोनच्या कॅमेरा सेन्सरमध्ये काही अपग्रेड करू शकते अशी अपेक्षा आहे.

लोकप्रिय स्मार्टफोन कंपन्यांपैकी एक असलेला सॅमसंग लवकरच त्यांचा नवीन स्मार्टफोन लाँच करणार आहे. या स्मार्टफोन्समध्ये Samsung Galaxy M16 5G आणि Samsung Galaxy M06 5G यांचा समावेश असणार आहे. हे दोन्ही स्मार्टफोन्स लवकरच लाँच होणार आहेत. स्मार्टफोनची लाँचिंग डेट अद्याप जाहीर करण्यात आलेली नाही. मात्र लवकरच या स्मार्टफोन्सचं लाँचिंग होणार आहे, कारण दोन्ही सॅमसंग फोन बीआयएस सर्टिफिकेशनमध्ये आढळले आहेत. यासोबतच, या दोन्ही स्मार्टफोन्सचे सपोर्ट पेज देखील लाईव्ह झाले आहेत.

Apple iPhone 16e: काय सांगता! नवीन आयफोन तब्बल 10 हजार रुपयांच्या डिस्काऊंटसह खरेदी करण्याची संधी, या दिवशी सुरु होणार विक्री

आता सॅमसंगच्या आगामी स्मार्टफोनची माहिती ऑनलाइन शॉपिंग प्लॅटफॉर्म अमेझॉनवर देण्यात आली आहे. त्यामुळे Samsung Galaxy M16 5G आणि Samsung Galaxy M06 5G च्या लाँचिंगबाबत आता सर्वचजण प्रचंड उत्सुक आहेत. Samsung Galaxy M16 5G आणि Samsung Galaxy M06 5G असतील, मागील मॉडेल्स Samsung Galaxy M15 5G आणि Samsung Galaxy M05 ची जागा घेतील. दोन्ही सॅमसंग फोनबाबत काही माहिती समोर आली आहे, त्यानुसार अशी शक्यता वर्तवली जात आहे की स्मार्टफोन 30 ते 40 हजार रुपयांच्या किंमतीत असण्याची शक्यता आहे. दोन्ही स्मार्टफोन्सचे काही संभाव्य स्पेसिफिकेशन्स देखील समोर आले आहेत. (फोटो सौजन्य – Pinterest) 

Samsung Galaxy M16 5G आणि Samsung Galaxy M06 5G चे सपोर्ट पेज लाईव्ह

Samsung Galaxy M06 5G चा मॉडेल नंबर SM-M166P/DS आहे, ज्याचे सपोर्ट पेज Samsung च्या वेबसाइटवर लाईव्ह झाले आहे. हा फोन Geekbench वर देखील दिसला आहे. हा सॅमसंग फोन MediaTek Dimensity 6300 SoC, 8GB रॅम आणि Android 14 वर आधारित One UI 6 वर चालेल. या सॅमसंग फोनचे स्पेसिफिकेशन गेल्या वर्षी ऑक्टोबरमध्ये लाँच झालेल्या सॅमसंग Samsung Galaxy A16 सारखेच असू शकतात.

Amazon वर लाईव्ह झालेल्या Samsung Galaxy M16 5G च्या टीझरवरून असे दिसून येते की त्याची रचना Galaxy M06 सारखीच असेल, ज्याचा कॅमेरा डिझाइन वेगळे असेल. Galaxy M16 स्मार्टफोनमध्ये MediaTek Dimensity 6300 SoC, 6GB पर्यंत RAM असेल आणि तो Android 15 वर आधारित One UI 7 वर चालेल. दोन्ही स्मार्टफोनना 4 वर्षांसाठी ऑपरेटिंग सिस्टम आणि सुरक्षा अपडेट मिळतील. Samsung Galaxy M16 5G आणि Samsung Galaxy M06 5G या दोन्ही स्मार्टफोनचे कॅमेरा मॉड्यूल आणि डिझाईन एकमेकांपेक्षा पूर्णपणे वेगळी असणार आहे.

Apple iOS Update: Apple च्या नवीन अपडेटमध्ये मिळालं Priority Notifications आणि अनेक कमाल AI फीचर्स, अशी करा सेटिंग

सॅमसंगचा आगामी स्मार्टफोन ऑफलाइन आणि ऑनलाइन दोन्ही प्रकारे खरेदी करता येईल. हे फोन अमेझॉन, सॅमसंगचे ऑनलाइन स्टोअर, ऑफलाइन स्टोअर्स आणि पार्टनर रिटेल स्टोअर्समधून खरेदी करता येतील. या दोन्ही सॅमसंग स्मार्टफोनना चार वर्षांसाठी अपडेट्स मिळतील.

Galaxy M16 5G आणि Galaxy M06 5G: संभाव्य कॅमेरा स्पेसिफिकेशन्स

आगामी Galaxy M16 5G स्मार्टफोनमध्ये ट्रिपल रियर कॅमेरा सेटअप असेल. तसेच, Galaxy M06 5G स्मार्टफोनमध्ये ड्युअल रियर कॅमेरा सेटअप दिला जाईल. सॅमसंगने गेल्या वर्षी गॅलेक्सी M15 5G स्मार्टफोनमध्ये 50 50MP चा प्राथमिक कॅमेरा दिला होता. यासोबतच, मागील कॅमेरा सेटअपमध्ये 5MP अल्ट्रा वाइड कॅमेरा आणि 2MP मॅक्रो कॅमेरा देण्यात आला होता.