Samsung Galaxy Z TriFold: अखेर तो क्षण आलाच! सॅमसंगने या देशात सादर केला पहिला ट्राय-फोल्ड फोन,किंमत आणि फीचर्स जाणून घ्या

Samsung First TriFold Phone: अखेर सॅमसंग यूजर्सची प्रतिक्षा आता संपली आहे! कारण गेल्या अनेक महिन्यांपाससून ज्या स्मार्टफोनची वाट प्रतिक्षा होती, तो ट्रायफोल्ड स्मार्टफोन अखेर आता कंपनीने अधिकृतपणे सादर केला आहे.

• Samsung ने सादर केला पहिलाच TriFold फोन
• स्मार्टफोन मार्केटमध्ये Samsung ची जबरदस्त एंट्री!
• टॅब्लेटसारखी मोठी स्क्रीन, पॉवरफुल स्पेक्सने सुसज्ज आहे स्मार्टफोन

Samsung Smartphone Update: बऱ्याच काळापासून प्रतिक्षेत असलेला सॅमसंगचा पहिला ट्राय फोल्ड स्मार्टफोन अखेर आता अधिकृतपणे सादर करण्यात आला आहे. कंपनीने Samsung First TriFold Phone दक्षिण कोरियाची राजधानी सियोलमध्ये आयोजित करण्यात आलेल्या एका ईव्हेंटमध्ये सादर केला आहे. हा पहिला ट्राय फोल्ड स्मार्टफोन 12 डिसेंबर रोजी अधिकृतपणे सर्वात आधी दक्षिण कोरियामध्ये लाँच केला जाणार आहे. यानंतर हा स्मार्टफोन अमेरिका, चीन, तैवान, सिंगापुर आणि संयुक्त अरब अमीरात (UAE) मध्ये लाँच केला जाईल. या स्मार्टफोनचे फीचर्स आणि स्पेसिफिकेशन्स देखील समोर आले आहेत.

सर्व स्मार्टफोनमध्ये Sanchar Saathi अ‍ॅप प्री-लोडेड असणं अनिवार्य! सरकारने घेतला मोठा निर्णय, फोन चोरी होण्याचं टेंशन संपल

फोनवर मिळणार डेस्कटॉपची मजा

Snapdragon 8 Elite प्रोसेसरने सुसज्ज असणाऱ्या फोनची स्क्रीन अनफोल्ड केल्यानंतर 10 इंच डिस्प्ले ऑफर करते. हा फोन अनफोल्ड केल्यानंतर प्रत्येक स्क्रीनवर वेगवेगळे अ‍ॅप्स वापरले जाऊ शकतात. म्हणजेच यूजर्स 6.5 इंचाच्या तीन स्क्रीनवर वेगवेगळी काम करू शकणार आहेत. या डिव्हाईससाठी सॅमसंगने DeX सॉफ्टवेयरमध्ये थोडा बदल केला आहे, ज्याच्या मदतीने स्मार्टफोनवर डेस्कटॉप वर्जनचा आनंद घेतला जाऊ शकतो. DeX मोडमध्ये हा फोन चार वेगवेगळ्या वर्कस्पेसप्रमाणे काम करणार आहे आणि प्रत्येक वर्कस्पेससह 5 अ‍ॅप्स चालवले जाऊ शकतात. (फोटो सौजन्य – X)

See more

Samsung has officially unveiled the Galaxy Z Trifold. Specifications, Price, Availability:
⚙️ Snapdragon 8 Elite for Galaxy
📱 10-inch Dynamic AMOLED 2X unfolded display, 120Hz (2160×1584), up to 1600 nits
🪟 6.5-inch Dynamic AMOLED 2X cover display, 120Hz (2520×1080), up to… pic.twitter.com/kWwkuLUb5c — Abhishek Yadav (@yabhishekhd) December 2, 2025

कॅमेरा आणि बॅटरी

या स्मार्टफोनच्या रिअरमध्ये 200MP चा मुख्य कॅमेरा, 12MP ची अल्ट्रावाइड लेंस आणि 10MP चा 3X टेलीफोटो सेंसर देण्यात आला आहे. हा स्मार्टफोन 5,600 च्या बॅटरी सपोर्टसह लाँच केला जाणार आहे. ही आतापर्यंतच्या फोल्डेबल स्मार्टफोनमधील सर्वात मोठी बॅटरी असणार आहे.

मजबूतीवर देखील दिले लक्ष

सॅमसंगमने सांगितलं आहे की, कंपनीने फोनच्या टाइटॅनियम हिंज, एल्युमिनियम फ्रेम आणि डिस्प्ले टेक्नोलॉजीला रिफाइन केले आहे, ज्यामुळे हा ट्राय फोल्ड स्मार्टफोन यूजर्सना लॉन्ग-टर्म ड्यूरॅबिलिटी ऑफर करू शकणार आहे. गरज असेल तेव्हा कंपनी पहिल्यांदा डिस्प्ले दुरुस्त करण्यावर 50 टक्के डिस्काऊंट देखील ऑफर करणार आहे. याशिवाय, जर एखादा यूजर हा ट्राय फोल्ड स्मार्टफोन चुकीच्या पद्धतीने बंद करण्याचा प्रयत्न करत असेल तर त्याला नोटिफिकेशन आणि स्क्रीन वाइब्रेशनद्वारे अलर्ट पाठवले जाणार आहे.

Free Fire Max: रिडीम कोड्सशिवाय गेम अपूर्णच! प्लेअर्सना का असते कोड्सची गरज, कारण वाचाल तर थक्क व्हाल!

इतकी असू शकते स्मार्टफोनची किंमत

दक्षिण कोरियामध्ये हा स्मार्टफोन 2,450 अमेरिकी डॉलर म्हणजेच सुमारे 2.20 लाख रुपयांच्या किंमतीत लाँच केला जाणार असल्याची माहिती समोर आली आहे. इतर देशांमध्या या स्मार्टफोनची किंमत किती असेल, याबाबत अद्याप माहिती देण्यात आली नाही. 12 डिसेंबर रोजी लाँच झाल्यानंतर या स्मार्टफोनची किंमत आणि इतर माहिती समोर येईल.