Starlink India: अरे देवा! लाँचपूर्वीच सुरु झाला कंपनीचा ड्रामा, एका चुकीमुळे टेस्ट डेटा झाला पल्बिक; यूजर्स म्हणाले…

भारतात स्टारलिंक इंटरनेट सर्विसबाबत मोठा गोंधळ निर्माण झाला आहे. कारण सोशल मीडियावर आणि अनेक वेबसाईटवर स्टारलिंकच्या भारतातील प्लॅनच्या किंमती जाहीर झाल्याचा दावा केला जात आहे. पण सत्य काही वेगळंच आहे.

• Lauren Dreyer यांनी एक्सवर दिले स्पष्टकरीण
• सोशल मीडिया आणि अनेक वेबसाईटद्वारे केले जाणारे दावे चुकीचे
• भारतातील ग्राहकांसाठी कोणत्याही प्लॅनची घोषणा नाही

एलन मस्कची सॅटेलाईट इंटरनेट सर्विस Starlink भारतात लवकरच सुरु होणार आहे. स्टारलिंकबाबत सतत नवीन अपडेट्स येत आहेत. अशीच एक अपडेट म्हणजे भारतात सर्विस सुरु होण्यापूर्वीच कंपनीने त्यांची वेबसाईट लाईव्ह केली आहे आणि कंपनीने भारतातील प्लॅनच्या किंमती देखील जाहीर केल्या आहेत. मात्र हे अपडेट चुकीचे असल्याचे स्टारलिंक बिजनेस ऑपरेशंसची वाइस प्रेसिडेंट Lauren Dreyer यांनी सांगितलं आहे. त्यांनी यासंबंधित एक्स अकाऊंटवर एक पोस्ट शेअर केली आहे. पोस्टमध्ये सांगितलं आहे की, वेबसाईटमधील एका त्रुटीमुळे टेस्ट डेटा पल्बिक झाला आणि वेबसाईट लाईव्ह झाली.

Jolla Phone: प्रायव्हसीचा खरा बादशाह! Android OS नाही, पण अँड्रॉईड अ‍ॅप्स चालणार, आणखी काय असणार खास? जाणून घ्या

सोशल मीडियावर केले जाणारे दावे चुकीचे

सोशल मीडिया आणि अनेक वेबसाईटद्वारे केले जाणारे दावे चुकीचे आहेत. कंपनीने अद्याप भारतातील ग्राहकांसाठी कोणत्याही प्लॅनची घोषणा केली नाही, असं देखील पोस्टमध्ये स्पष्टपणे सांगण्यात आलं आहे. त्यामुळे भारतातील ग्राहकांना स्टारलिंकच्या सर्विसचा लाभ घेण्यासाठी बरीच वाट पाहावी लागणार आहे. नक्की काय गडबड झाली आणि कंपनीची वेबसाईट अचानक लाईव्ह कशी झाली, याबाबत आता सविस्तर जाणून घेऊया.  (फोटो सौजन्य – Pinterest)

See more

The Starlink India website is not live, service pricing for customers in India has not yet been announced, and we are not taking orders from customers in India. There was a config glitch that briefly made dummy test data visible, but those numbers do not reflect what the cost… https://t.co/TU8cUjcYGL — Lauren Dreyer (@LaurenDreyer) December 8, 2025

कंपनीने काय सांगितलं?

सोमवारी काही रिपोर्ट समोर आले होते. या रिपोर्ट्समध्ये असा दावा करण्यात आला होता की, एलन मस्कच्या मालकीच्या स्टारलिंक कंपनीने भारतात त्यांच्या रेसिडेंशियल प्लॅनची घोषणा केली आहे. मात्र आता हे रिपोर्ट्स आणि सोशल मीडियावरील यूजर्सच्या प्रतिक्रिया लक्षात घेऊन स्टारलिंक बिजनेस ऑपरेशंसची वाइस प्रेसिडेंट Lauren Dreyer यांनी एक्सवर एक पोस्ट शेअर केली. पोस्टमध्ये सांगण्यात आलं आहे की, भारतात स्टारलिंक इंडियाची वेबसाईट अद्याप लाईव्ह झाली नाही आणि आतापर्यंत किंमती देखील जाहीर करण्यात आल्या नाहीत. तसेच कंपनी भारतातील कंपनीकडून कोणतीही ऑर्डर स्विकारत नाही. हे सर्व एका कॉन्फिगरेशन ग्लिचमुळे झाले आहे. एका त्रुटीमुळे वेबसाईटवर डमी टेस्ट डेटा लीक झाला, त्यामुळे सोशल मीडियावर गोंधळ उडाला. पण या अधिकृत किंमती नाहीत. स्टारलिंकने अद्याप भारतात त्यांची कोणतीही सर्विस सुरु केली नाही. वेबसाईटवर दिसणारी माहिती ‘Placeholder डेटा’ होता आणि भारतातील किंमती अद्याप जाहिर करण्यात आल्या नाहीत.

Vivo X300 vs OnePlus 15: तुम्ही कोणाची निवड करणार? एकीकडे ढासू कॅमेरा, दुसरीकडे दमदार बॅटरी! तुमच्यासाठी योग्य कोण?

यूजर्स काय म्हणाले?

Lauren Dreyer यांनी शेअर केलेल्या पोस्टवर अनेक यूजर्सनी कमेंट्स केल्या आहेत. एक यूजर म्हणाला आहे की, हे सर्व खूप गोंधळात टाकणारे होते आणि भारतीय बाजारपेठेसाठी किंमत देखील थोड्या जास्त दिसत होत्या. तर दुसरा यूजरा म्हणाला आहे की, अधिकृत मंजुरीपूर्वी सॉफ्टवेअर बग म्हणून फक्त भारतातच सॅटेलाईट इंटरनेट सरु होऊ शकते शकते.