Aadhaar-Ration Link: घरबसल्या रेशनकार्डशी आधार करा लिंक, जाणून घ्या संपूर्ण प्रोसेस

रेशन कार्ड आधार कार्डशी लिंक केल्याने तुम्हाला रेशन सहज मिळू शकेल. तुम्ही ऑनलाईन आणि ऑफलाईन दोन्ही पद्धतीने तुमचं आधार कार्ड रेशन कार्डसोबत लिंक करू शकता. यासाठी एक सोपी प्रोसेस आता आम्ही तुम्हाला सांगणार आहोत.

तुमच्याकडे रेशन कार्ड असेल आणि तुम्ही अजून आधार कार्ड लिंक केलं नसेल तर तुमच्यासाठी एक महत्त्वाची बातमी आहे. शासनाने दिलेल्या आदेशानुसार, तुम्हाला आधार कार्ड रेशन कार्डशी लिंक करणं गरेजचं आहे. कारण तुम्ही रेशन कार्डसोबत आधार कार्ड लिंक केल नाही तर तुम्हाला रेशन कार्डवर धान्य मिळणार नाही. जर तुम्ही देखील अद्याप आधार कार्ड रेशन कार्डशी लिंक केले नसेल तर ही बातमी तुमच्यासाठी उपयुक्त आहे. आपण घरी बसल्या बसल्या रेशन कार्डशी आधार लिंक करू शकता. यासाठी तुम्हाला काही सोप्या स्टेप्स फॉलो कराव्या लागणार आहेत.

चीनच्या DeepSeek ने ChatGPT ला टाकलं मागे, अमेरिकेच्या अ‍ॅप स्टोअरवर मारली बाजी

रेशन कार्ड आधारशी लिंक करणे आवश्यक

शासनाकडून रेशन दिले जाते मात्र काही भामटे बनावट शिधापत्रिकेद्वारे मोफत रेशनच्या सुविधेचा फायदा घेतात. यामुळे सामान्य लोकांना त्यांच्या हक्काचे रेशन मिळत नाही. त्यामुळे आता याच सर्व घटना लक्षात घेऊन सरकारने एक आदेश जारी केला आहे. ज्यामध्ये सांगितलं आहे की, प्रत्येक रेशन धारकांनी त्यांच्या आधार कार्डसोबत रेशन कार्ड लिंक करणं गरजेचं आहे. जर आधार रेशन कार्डशी लिंक नसेल तर तुम्हाला रेशन मिळण्यात अडचणी येऊ शकतात. रेशन कार्ड आधारशी लिंक करण्यासाठी, तुम्हाला राज्य सरकारच्या अधिकृत PDS वेबसाइटवर जावे लागेल. (फोटो सौजन्य – Pinterest) 

रेशन सहज मिळेल, योजनेचा लाभ मिळेल

रेशन कार्ड आधार कार्डशी लिंक केल्याने तुम्हाला रेशन सहज मिळू शकेल. तसेच, रेशन कार्ड आधार कार्डशी लिंक केल्याने बनावट रेशन रोखण्यात मदत होईल. याशिवाय, स्वस्त रेशनसाठी खरोखर पात्र असलेले लोकच या सुविधेचा लाभ घेऊ शकतील. तुम्हाला घरबसल्या आधार कार्ड रेशन कार्डसोबत कसं लिंक करता येईल, यासाठी एक सोपी प्रोसेस आता आम्ही तुम्हाला सांगणार आहोत. तुम्ही ऑनलाईन आणि ऑफलाईन दोन्ही पद्धतीने तुमचं आधार कार्ड रेशन कार्डसोबत लिंक करू शकता.

आधार आणि रेशन कार्ड ऑनलाइन कसे लिंक करावे?

• सर्वात आधी तुमच्या स्मार्टफोन किंवा लॅपटॉपवर राज्य सरकारची अधिकृत PDS वेबसाइट ओपन करा.
• लॉगिन क्रेडेन्शियल्स एंटर करा.
• आधार लिंकिंग विभागात जा आणि आधार-रेशन कार्ड लिंक पर्याय निवडा.
• यानंतर रेशनकार्ड क्रमांक, आधार क्रमांक आणि इतर तपशील फील करा.
• तपशील प्रविष्ट केल्यानंतर, व्हेरिफिकेशनसाठी तुमच्या नोंदणीकृत मोबाइल नंबरवर OTP (वन टाइम पासवर्ड) पाठवला जाईल.
• आता तुमच्या समोर दिसणाऱ्या स्क्रिनवर OTP टाका.
• यानंतर तुमच्या मोबाईलवर एक कन्फर्मेशन मेसेज येईल, ज्यामध्ये सांगितलं असेल की तुमचं रेशन कार्ड आधार कार्डशी लिंक केले जात आहे.

Samsung नवीन Tri-Fold स्मार्टफोन लाँच करण्याच्या तयारीत, जाणून घ्या स्पेसिफिकेशन्स

आधार आणि रेशन कार्ड ऑफलाइन कसे लिंक करावे?

• आधार आणि रेशन कार्ड ऑफलाइन लिंक करण्यासाठी तुम्हाला सर्व आवश्यक डॉक्यूमेंटसोबत तुमच्या जवळील सायबर केंद्रात किंवा PDS केंद्र जाव लागणार आहे.
• आधार आणि रेशन कार्ड ऑफलाइन लिंक करण्यासाठी तुमच्याकडे तुमच्या रेशन कार्डची मूळ आणि एक फोटोकॉपी, तुमचं आधार कार्डची मूळ आणि एक फोटोकॉपी, एक पासपोर्ट साईझ फोटो या डॉक्युमेंट्सची आवश्यकता असणार आहे.
• आधार सीडिंगसाठी अर्ज भरा, त्याची फोटोकॉपी अटॅच करा आणि सायबर केंद्रात किंवा PDS अधिकाऱ्याकडे सबमिट करा.
• येथे अधिकारी तुमच्या आधार तपशीलांची पुष्टी करण्यासाठी बायोमेट्रिक प्रमाणीकरण (फिंगरप्रिंट स्कॅन) विचारू शकतात.
• प्रक्रिया यशस्वीरित्या पूर्ण झाल्यावर, तुम्हाला तुमच्या नोंदणीकृत मोबाईल नंबरवर एक संदेश प्राप्त होईल. ज्यामुळे तुम्हाला समजेल तुमचं आधार कार्ड रेशन कार्डसोबत लिंक झालं की नाही.