Tech Tips: सावधान! ही एक चूक अन् स्मार्टफोनचा चार्जिंग पोर्ट होऊ शकतो खराब, दुर्लक्ष केल्यास होईल मोठं नुकसान

Smartphone Tips: प्रत्येकासाठी त्याचा स्मार्टफोन अत्यंत महत्त्वाचा असतो. पण स्मार्टफोनची योग्य काळजी कशी घ्यावी, हे अनेकांना माहिती नसतं. काही कारणांमुळे स्मार्टफोनचा चार्जिंग पोर्ट काही कारणांमुळे खराब होऊ शकतो. ही कारणं जाणून घेऊया.

• चार्जिंग पोर्टमध्ये धूळ आणि लिंट साचल्याने केबल व्यवस्थित कनेक्ट न होण्याची समस्या निर्माण होऊ शकते.
• वारंवार प्लग इन-आउट करणे किंवा खराब केबल वापरण्यामुळे चार्जिंग पोर्टचे कनेक्शन खराब होऊ शकते.
• पोर्ट साफ करण्यासाठी सुई किंवा पिन वापरणे टाळा, कारण त्यामुळे पोर्टचे नुकसान होण्याचा धोका असतो.

सध्याच्या काळात कॉलिंग, मेसेजिंग, फोटोग्राफी, गेमिंग आणि इतर अनेक गोष्टी केवळ एका स्मार्टफोनच्या मदतीने केल्या जाऊ शकतात. स्मार्टफोन आपल्यासाठी ऑल ईन वन गॅझेट आहे. आपण दिवसभर वेगवेगळ्या कामांसाठी स्मार्टफोनचा वापर करत असतो. स्मार्टफोनचा जितका जास्त वापर केला जातो, तितक्या जास्त वेळा डिव्हाईस चार्ज करण्याची गरज भासते. तुम्ही अनुभवलं असेल की वारंवार फोन चार्ज केल्यामुळे चार्जिंग पोर्ट ढिला होऊ शकतो. जर तुमच्या फोनचा चार्जिंग पोर्ट देखील ढिला झाला असेल किंवा चार्जिंग पोर्टमधून केबल वारंवार निघत असेल तर या गोष्टींकडे दुर्लक्ष करू नका. कारण तुमची एक छोटी चूक देखील महागात पडू शकते आणि तुमचं मोठ्या प्रमाणात नुकसान होऊ शकतं.

काउंटडाऊन सुरू! टेकविश्वाचे Appleकडे लक्ष, मेगा इव्हेंटमध्ये iPhoneसह नव्या डिव्हाईसवरून उठणार पडदा

पोर्टमध्ये घाण किंवा धूळ जमा होणं

चार्जिंग पोर्ट ढिला होण्याचे सर्वात मोठे कारण म्हणजेच पोर्टमध्ये घाण किंवा धूळ जमा होणं. पोर्टमध्ये सहसा माती किंवा खिशाच्या कापडाचे छोटे धागे अडकतात. यामुळे चार्जिंग केबल पोर्टमध्ये पूर्णपणे आत जाऊ शकत नाही आणि कनेक्शन कमजोर होऊ लागते. अशा परिस्थितीत स्मार्टफोनमध्ये केबल लावताना बदल जाणवू लागतो आणि चार्जिंगमध्ये देखील समस्या येऊ शकतात. चार्जिंग केबल पोर्टमध्ये पूर्वीसारखी घट्ट बसत नाही, त्यामुळं अनेकांना वाटत की चार्जिंग पोर्ट ढिला झाला आहे. मात्र या ठिकाणी खरी समस्या पोर्टमध्ये असते.  (फोटो सौजन्य: Pinterest) 

खराब दर्जाची चार्जिंग केबल

प्रत्येकवेळी समस्या स्मार्टफोनच्या पोर्टमध्ये असेलच असे नाही. खरं तर अनेकदा खराब, घासलेली किंवा वाईट क्वालिटीची चार्जिंग केबल देखील या समस्याचे कारण असू शकते. अशा पोर्टमध्ये केबल योग्य प्रकारे बसत नाहीत आणि यामुळे चार्जिंग वारंवार डिस्कनेक्ट होते. यामुळे तुमच्या स्मार्टफोनचा चार्जिंग पोर्ट खराब झाला आहे असे मानण्यापूर्वी एकदा चांगल्या क्वालिटीच्या चार्जिंग केबलाचा वापर करून पहा. जर चांगल्या क्वालिटीच्या चार्जिंग केबलचा वापर केल्याने तुम्हाला कोणत्याही समस्या येत नसतील तर याचा अर्थ चार्जिंग पोर्टमध्ये कोणतीही समस्या नव्हती.

सततच्या वापराने पोर्टवर परिणाम होण्याची शक्यता

चार्जिंग पोर्टच्या रोजच्या वापराने त्यावर काही प्रमाणात परिणाम होण्याची शक्यता असते. वारंवार केबल पोर्टमध्ये जोडल्याने काही प्रमाणात तोडफोड होऊ शकते. वारंवार केबल कनेक्ट करणे आणि काढणे यामुळे पोर्टमध्ये असलेला कनेक्टर हळू हळू घासू लागतो. तसेच केबल जोरात कनेक्ट करणे किंवा वाकड्या पद्धतीने काढणे यासारख्या प्रकारामुळे पोर्ट पूर्णपणे खराब होण्याची शक्यता असते. सहसा जुन्या स्मार्टफोनमध्ये ही समस्या मोठ्या प्रमाणात असते. विशेषतः जेव्हा तुम्ही अनेक वर्षांपासून स्मार्टफोन वापरत असाल अशा वेळी ही समस्या आढळते.

Harry Potter चाहत्यांसाठी Realme ची मोठी भेट; Hogwartsच्या जादुई दुनियेत घेऊन जाणार खास स्मार्टफोन एडीशन, असे आहेत फीचर्स

पोर्टची स्वच्छता करताना काळजी घ्या

पोर्टमध्ये जर धूळ किंवा माती साचली असेल अशावेळी स्वच्छता करताना योग्य काळजी घेणे आवश्यक असते. स्मार्टफोनचा चार्जिंग पोर्ट साफ करताना सुई, पिन किंवा दुसऱ्या टोकदार वस्तूंचा वापर करू नका, असे केल्यास नुकसान होऊ शकते. पिन, सुई किंवा टोकदार वस्तूंचा वापर केल्यास शॉर्ट-सर्किट होण्याची देखील शक्यता असते.