Harry Potter चाहत्यांसाठी Realme ची मोठी भेट; Hogwartsच्या जादुई दुनियेत घेऊन जाणार खास स्मार्टफोन एडीशन, असे आहेत फीचर्स

Realme 16 Pro 5G Harry Potter Edition: रिअलमीने हॅरी पॉटर चाहत्यांसाठी एक खास सरप्राईज आणलं आहे. कंपनीने रिअलमी 16 प्रो हॅरी पॉटर एडिशनची घोषणा केली आहे. या स्मार्टफोनची किंमत अद्याप जाहिर करण्यात आली नसली तरी देखील डिव्हाईसचे फीचर्स समोर आले आहेत.

Harry Potter चाहत्यांसाठी Realme ची मोठी भेट; Hogwartsच्या जादुई दुनियेत घेऊन जाणार खास स्मार्टफोन एडीशन, असे आहेत फीचर्स

Follow Us:

Follow Us:

• रिअलमी 16 प्रो हॅरी पॉटर एडिशन मध्ये हॉगवर्ट्स-प्रेरित डिझाईन, हॅरी पॉटर थीम आणि खास सॉफ्टवेअर कस्टमायझेशन देण्यात आले आहे.
• या स्पेशल एडिशनमध्ये 6.78-इंच अमोलेड डिस्प्ले, मीडियाटेक डायमेन्सिटी 7300 मॅक्स प्रोसेसर आणि 200MP प्रायमरी कॅमेरा मिळतो.
• फोनमध्ये 7,000mAh बॅटरी आणि 80W फास्ट चार्जिंग सपोर्ट असून भारतातील किंमत व उपलब्धतेची माहिती अद्याप जाहीर झालेली नाही.

Samsung ग्राहकांना मोठा धक्का! दोन मिड-बजेट स्मार्टफोन पुन्हा महागले, किंमतीत थेट 6 हजारांपर्यंत वाढ

रिअलमी 16 प्रो हॅरी पॉटर एडिशनची डिझाईन आणि उपलब्धता

रिअलमीचे हे नवीनतम हॅरी पॉटर एडिशन संग्राहकांना (कलेक्टर्सना) डोळ्यांसमोर ठेवून तयार करण्यात आलेले एक व्हेरिअंट म्हणून सादर करण्यात आले आहे, ज्यामध्ये ‘हॉगवर्ट्स’पासून प्रेरित स्टायलिंह पाहायला मिळत आहे. कंपनीने अद्याप या स्पेशल एडीशन स्मार्टफोनची भारतातील किंमत आणि उपलब्धता जाहिर केली नाही. मात्र ई कॉमर्स प्लॅटफॉर्म फ्लिपकार्टवर या स्मार्टफोनची मायक्रोसाईट लाईव्ह झाली आहे. यामुळे असे संकेत मिळत आहेत की, आगामी स्पेशल एडीशन स्मार्टफोनची विक्री फ्लिपकार्टसह रिअलमी इंडिया वेबसाईटवर देखील सुरु होणार आहे.  (फोटो सौजन्य: Realme) 

स्टँडर्ड मॉडेलच्या तुलनेत रिअलमी 16 प्रो हॅरी पॉटर एडिशनच्या डिझाईनमध्ये खूप मोठा बदल करण्यात आला आहे. कंपनीने या स्मार्टफोनला हॉगवॉर्ट्स क्रेस्ट आणि फ्रँचाइजीसंबंधित डिटेलिंगसह हॅरी पॉटर-थीम वाला लुक दिला आहे. कंपनीचं असं म्हणणं आहे की, सॉफ्टवेअर अनुभवात देखील हॅरी पॉटर-थीम वाल्या एलिमेंट्सचा वापर करण्यात आला आहे.

कंपनीने सादर केलेले हे हॅरी पॉटर एडिशन वॉर्नर ब्रदर्स डिस्कव्हरीसोबत रियलमीचे दुसरे कोलॅबोरेशन आहे. यापूर्वी कंपनीने ऑक्टोबर 2025 मध्ये भारतात रिअलमी 15 प्रो 5जी गेम ऑफ थ्रोन्स लिमिटेड एडिशन लाँच केले होते. या हँडसेटमध्ये गेम ऑफ थ्रोन्सने इंस्पायर्ड स्टाइलिंग, 3D ड्रॅगन क्लॉ कॅमेरा डिझाईन, हाउस टारगॅरियनचे सिगिल आणि कस्टम आइस अँड ड्रॅगनफायर UI थीम्स देण्यात आली होती.

रिअलमी 16 प्रो हॅरी पॉटर एडिशनचे फीचर्स आणि स्पेसिफिकेशन्स

डिस्प्ले

रिअलमी 16 प्रो हॅरी पॉटर एडिशनमध्ये 6.78-इंच अमोलेड डिस्प्ले देण्यात आला आहे, जो 1,272×2,772-पिक्सेल रेजोल्यूशन आणि 144Hz रिफ्रेश रेटला सपोर्ट करतो. या पॅनलमध्ये 1,400 निट्सपर्यंत ब्राइटनेस, 450ppi पिक्सेल डेंसिटी आण 100 टक्के DCI-P3 कलर गॅमट मिळणार आहे. हे डिव्हाईस 240Hz पर्यंत टच सॅपलिंगला देखील सपोर्ट करतो.

प्रोसेसर

हार्डवेअरबद्दल बोलायचं झालं तर या फोनमध्ये 4nm मीडियाटेक डायमेन्सिटी 7300 मॅक्स चिपसेटचा वापर करण्यात आला आहे, ज्याला आर्म माली-जी615 जीपीयूसोबत जोडण्यात आले आहे. याचे स्टँडर्ड मॉडेल 8GB आणि 12GB रॅम ऑप्शन्स आणि 256GB पर्यंत स्टोरेजसह उपलब्ध आहे. हा स्मार्टफोन अँड्रॉईड 16 वर आधारित रियलमी यूआई 7.0 वर काम करते.

कॅमेरा

कॅमेरा हार्डवेअर देखील रेग्युलर रिअलमी 16 प्रो सारखाच आहे. या फोनमध्ये f/1.8 अपर्चरवाला 200-मेगापिक्सेलचा प्रायमरी रियर कॅमेरा देण्यात आला आहे, ज्याला f/2.2 अपर्चरवाल्या 8-मेगापिक्सेलच्या अल्ट्रावाइड कॅमेऱ्यासह जोडण्यात आले आहे. सेल्फी आणि व्हिडीओ कॉलिंगसाठी या स्मार्टफोनमध्ये 50-मेगापिक्सेलचा फ्रंट कॅमेरा देण्यात आला आहे.

पगारावर भार नकोय? फक्त 2,666 रुपयांच्या ईएमआयवर घरी आणा नवा Tecno स्मार्टफोन! ऑफर्स पाहून तुम्हीही व्हाल खुश

बॅटरी

स्पेशल एडीशन स्मार्टफोनमध्ये 80W वायर्ड फास्ट चार्जिंग सपोर्टसह 7,000mAh ची टाइटन बॅटरी देण्यात आली आहे.

Web Title: Realme 16 pro 5g harry potter edition announced with hogwarts inspired design

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com