सावधान! फ्री मोबाईल रिचार्जच्या नावावर तुमचे बँक अकाउंट होऊ शकते रिकामे, TRAI ने दिली वॉर्निंग

TRAI Warning: बनावट मोबाइल रिचार्ज ऑफरच्या नावाखाली सुरू असलेल्या घोटाळ्याबाबत ट्रायने इशारा दिला आहे. घोटाळेबाज फ्री मोबाईल रिचार्जच्या नावावर तुम्हाला लुटू पाहत आहेत. हा घोटाळा कसा टाळावा ते जाणून घ्या.

सावधान! फ्री मोबाईल रिचार्जच्या नावावर तुमचे बँक अकाउंट होऊ शकते रिकामे, TRAI ने दिली वॉर्निंग

Follow Us:

Follow Us:

सध्याचे युग हे विज्ञानाचे युग आहे. आजकाल प्रत्येक लहान सहन गोष्टीसाठी आपण तंत्रज्ञानावर अवलंबून आहोत. यात स्मार्टफोनचा मोठा वाटा आहे. आपल्या रोजच्या जीवनात अनेकजण स्मार्टफोनचा अधिकाधिक वापर करतात. यामुळेच सायबर गुन्ह्यांचे प्रमाण झपाट्याने वाढत आहे. घोटाळेबाज लोकांची फसवणूक करण्यासाठी रोज काही ना काही नवीन युक्त्या शोधून काढत असतात. अशाच एक नवीन फ्रॉड समोर आला आहे, ज्याबाबत ट्रायने (TRAI) युजर्सना सतर्क केले आहे.

फ्री रिचार्ज ऑफरच्या नावाखाली होणारी फसवणूक टाळण्यासाठी ट्रायने (TRAI) देशातील करोडो मोबाईल युजर्सना एक वॉर्निंग जारी केली आहे. आजकाल, घोटाळेबाज लोकांना ट्रायच्या नावाने एसएमएस पाठवत आहेत आणि मोफत रिचार्जच्या नावाखाली त्यांची फसवणूक करत आहेत. दूरसंचार नियामकाने अशा कोणत्याही मेसेजपासून सावध राहण्यास सांगितले आहे. याशिवाय ट्रायकडून अशी कोणतीही ऑफर जारी केली नसल्याच्या सूचनाही देण्यात आल्या आहेत. केवळ टेलिकॉम कंपन्या त्यांच्या युजर्ससाठी मोबाइल रिचार्जशी संबंधित ऑफर आणतात. यासाठी युजर्सने टेलिकॉम ऑपरेटरच्या अधिकृत वेबसाइटला भेट द्यावी किंवा कस्टमर केअरशी संपर्क साधावा.

फोनमधून सर्व Contacts झाले गायब ? Gmail ची एक सेटिंग करेल तुमची मदत

ट्रायचा यूजर्सला इशारा

ट्रायने बनावट मोबाइल रिचार्ज प्लॅनच्या नावाखाली होणाऱ्या फसवणुकीबाबत आपल्या व्हॉट्सॲप कम्युनिटी पोस्टद्वारे हा इशारा दिला आहे. ट्रायने आपल्या पोस्टमध्ये म्हटले आहे की, स्कॅमर युजर्सच्या डिव्हाइसवर प्रवेश मिळवण्यासाठी असे फेक मेसेज पाठवतात जेणेकरून त्यांच्या फोनमधून बँकिंगसह पर्सनल माहिती चोरली जाऊ शकते.

यानंतर, ट्रायने युजर्सना सूचना जारी केल्या आहेत की ट्राय कोणतीही ऑफर देत नाही किंवा त्याचा प्रचार करत नाही. कोणत्याही टॅरिफ ऑफरसाठी, वापरकर्ते ऍक्सेस सर्व्हिस प्रोव्हायडर म्हणजेच टेलिकॉम ऑपरेटरशी संपर्क साधू शकतात. ट्रायने अशा मेसेजमध्ये येणाऱ्या कोणत्याही URL किंवा लिंकवर क्लिक करू नये, असा इशारा युजर्सना दिला आहे. अशा लिंकवर क्लिक केल्याने फोनमध्ये व्हायरस येऊ शकतो, जो युजर्सची पर्सनल माहिती चोरीला जाऊ शकते.

तुमचा Aadhaar Card Number विसरलात? काळजी करू नका, या सोप्या पद्धतीने काही मिनिटांतच ऑनलाईन करता येईल चेक

असे मेसेज आल्यावर काय करावे?

ट्रायने युजर्सना सावध राहण्याचा सल्ला दिला आहे आणि अशा बनावट मेसेज किंवा कॉलची तक्रारही केली आहे. ट्रायने युजर्सना सायबर क्राइम वेबसाइट https://Cybercrime.gov.in आणि संचार साथी पोर्टल https://sancharsaathi.gov.in वर तक्रार करण्यास सांगितले आहे जेणेकरून त्यांच्यावर कारवाई करता येईल. ट्रायने अलीकडेच अशा 1 लाखांहून अधिक बनावट मेसेज टेम्पलेट ब्लॉक केले आहेत.

Web Title: Trai warns users for fake mobile recharge offers know how to avoid scam

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com