iPhone Fold Leaks: अपकमिंग iPhone चे डिटेल्स लीक! कॅमेरा आणि किंमतीसह या फीचर्सचा खुलासा, डिझाईन पाहून विश्वास बसणार नाही

iPhone Leaks: बऱ्याच काळापासून चर्चा सुरु आहे की, लवकरच पहिला फोल्डेबल आयफोन लाँच केला जाणार आहे. आता फोल्डेबल आयफोनबाबत एक मोठा खुलासा झाला आहे. आगामी फोल्डेबल आयफोनचे काही लिक्स समोर आले आहेत.

• पहिला फोल्डेबल iPhone 2026 लाँच केला जाऊ शकतो
• हा आतापर्यंतचा सर्वात मजबूत फोन असण्याची शक्यता
• आतील डिस्प्लेवर 24MP अंडर-डिस्प्ले कॅमेरा दिला जाऊ शकतो

Upcoming iPhone Fold: Apple च्या पहिल्या फोल्डेबल iPhone ची गेल्या अनेक वर्षांपासून चर्चा सुरु आहे. हा आयफोन कधी लाँच होणार, त्यामध्ये कोणते फीचर्स असणार आणि त्याची किंमत किती असणार, याबाबत बरीच चर्चा सुरु आहे. मात्र अखेर हे चित्र स्पष्ट झालं आहे. समोर आलेल्या रिपोर्ट्सनुसार, iPhone Fold हा पहिला फोल्डेबल 2026 मध्ये iPhone 18 Pro सीरीजसह लाँच केला जाऊ शकतो. अनेक अँड्रॉईड कंपन्या दरवर्षी त्यांचे फोल्डेबल फोन लाँच करत असतात. मात्र Apple ने अद्याप त्यांचा एकही फोल्डेबल फोन लाँच केला नाही. मात्र आता कंपनी त्यांचा पहिला फोल्डेबल फोन लाँच करण्याची तयारी करत आहे. “मॅच्योर आणि परफेक्ट” फोल्डेबल फोन Apple लाँच करणार आहे. हा आतापर्यंतचा सर्वात मजबूत फोन असल्याचं मानलं जात आहे.

Realme C85 5G vs Nothing Phone 3a Lite: कसा आहे परफॉर्मन्स आणि कॅमेरा? तुमच्यासाठी बेस्ट कोण? जाणून घ्या

24MP अंडर-डिस्प्ले कॅमेरा

JP Morgan ने शेअर केलेल्या रिसर्च रिपोर्टनुसार, iPhone Fold च्या आतील डिस्प्लेवर 24MP अंडर-डिस्प्ले कॅमेरा दिला जाऊ शकतो. हा उपलब्ध असलेल्या Android फोल्डेबल्सच्या तुलनेत एक मोठा अपग्रेड असणार आहे. कारण अनेक कंपन्या त्यांच्या डिव्हाईसमध्ये 4MP किंवा 8MP कॅमेरा देतात. जर समोर आलेले हे लिक्स खरे असतील तर हे एक मोठे अपग्रेड असणार आहे. Apple ने कमी प्रकाश ट्रान्समिशन आणि कमी प्रतिमा स्पष्टता यासारख्या अंडर-डिस्प्ले कॅमेऱ्यांमधील तांत्रिक समस्या सोडवल्या आहेत. यामुळे हा फोल्डेबल फोन खरोखर हाई-क्वालिटी अंडर-डिस्प्ले कॅमेरा असलेला पहिला फोन बनू शकतो. (फोटो सौजन्य – Pinterest)

आतापर्यंत सर्वात मोठी आयफोन बॅटरी

विश्लेषक Ming-Chi Kuo ने असं सांगितलं आहे की, Apple हाय-डेंसिटी बॅटरी सेलचा वापर करणार आहे. कोरियाई लीकमध्ये या आगामी आयफोनची बॅटरी 5,400mAh ते 5,800mAh दरम्यान असल्याचे सांगितलं जात आहे. चीनी लीकर्सने दावा केला आहे की, या आगामी आयफोनमध्ये 5000mAh हून अधिकची बॅटरी दिली जाणार आहे. जर खरंच असं झालं तर ही आतापर्यंतची आयफोनमधील सर्वात मोठी बॅटरी असणार आहे.

स्क्रीन साइज आणि Touch ID परत येणार का?

रिपोर्ट्समध्ये सांगण्यात आंल आहे की, iPhone Fold मध्ये 7.8-इंचाचा मोठा फोल्डेबल मेन डिस्प्ले आणि 5.5-इंचाचा कवर डिस्प्ले दिला जाऊ शकतो. सर्वात महत्त्वाची गोष्ट म्हणजे Apple Touch ID पुन्हा एकदा दिला जाऊ शकतो. पातळ कव्हर डिस्प्ले डिझाइनला सपोर्ट करण्यासाठी टच आयडीचे पुन्हा एकदा आगमन होऊ शकतं.

कॅमेरा सेटअप

लीकनुसार iPhone Fold मध्ये एकूण चार कॅमेरे दिले जाऊ शकतात. ज्यामध्ये बाहेरील स्क्रीनवर होल-पंच सेल्फी कॅमेरा, आतमध्ये 24MP अंडर-डिस्प्ले कॅमेरा आणि मागील बाजूला डुअल 48MP कॅमेरा सिस्टम असणार आहे.

अँड्रॉईड यूजर्स सावधान! WhatsApp, Signal आणि Telegram चे एन्क्रिप्शनही होईल फेल, असं रिकामं होऊ शकतं तुमचं अकाऊंट

किंमत वाचून व्हाल हैराण

MacRumors नुसार पहिल्या फोल्डेबल आयफोनची किंमत अमेरिकेत $2,000 ते $2,500 म्हणजेच सुमारे 1,70,000 ते 2,10,000 रुपयांदरम्यान असू शकते. त्यामुळे जगातील सर्वात महाग आयफोन असू शकतो.

2026 मध्ये लाँच होण्याची शक्यता

Apple चा हा पहिला फोल्डेबल आयफोन 2026 च्या सप्टेंबर महिन्यात लाँच होण्याची शक्यता. मात्र अद्याप याबाबत कोणतीही अधिकृत घोषणा करण्यात आली नाही.