Tech Tips: कधीकाळचं कूल Username आता वाटतंय बोरिंग? आता Instagram वर असं बदला तुमचं नाव, फॉलो करा या स्टेप्स

Instagram Username Tips: इंस्टाग्रामचे जुने आणि बोरिंग युजरनेम बदलायचे आहे? पण कसे? स्टेप्स माहिती नाहीत? काही सोप्या स्टेप्स फॉलो करून इंस्टाग्राम यूजरनेम बदलले जाऊ शकते. यानंतर युनिक आणि क्रिएटिव्ह यूजरनेम सेव्ह करू शकता.

• अनेक इंफ्लुएंर्स, क्रिएटर्स आणि सेलिब्रिटींचे यूजरनेम क्रिएटिव्ह आणि आकर्षक असतात
• सोप्या स्टेप्स फॉलो करून इंस्टाग्राम अकाऊंटचे यूजरनेम बदलू शकता.
• युजरनेम प्रोफाईलवर दिसणाऱ्या डिस्प्ले नेमपेक्षा वेगळे ठेवले जाते

सध्याच्या डिजीटल काळात सोशल मीडिया अकाऊंटचे यूजरनेम अनेकांची ओळख बनते. कारण अनेक इंफ्लुएंर्स, क्रिएटर्स आणि सेलिब्रिटींना त्यांच्या सोशल मीडिया अकाऊंटच्या यूजरनेमने ओळखले जातात. अनेक इंफ्लुएंर्स, क्रिएटर्स आणि सेलिब्रिटींचे यूजरनेम क्रिएटिव्ह आणि आकर्षक असतात. असे यूजरनेम पाहून आपल्याला देखील वाटते की, आपल्या अकाऊंटचे यूजरनेम देखील असेच क्रिएटिव्ह आणि आकर्षक असावे.

तगडे फीचर्स आणि किंमत 20 हजारांहून कमी… नवा Tecno Spark स्मार्टफोन भारतात लाँच, या दिवशी सुरु होणार विक्री

विशेषत: इंस्टाग्राम वापरणाऱ्या यूजर्सना अनेकदा त्यांचे यूजरनेम बदलावे असे वाटते. पण इंस्टाग्राम यूजरनेम कसे बदलावे, हे अनेकांना माहिती नसते. काही लोकांना वाटते की, नवीन इंस्टाग्राम यूजरनेमसाठी आपल्याला दुसरे अकाऊंट तयार करावे लागते. पण असं नाही. कारण तुम्ही काही सोप्या स्टेप्स फॉलो करून तुमच्या इंस्टाग्राम अकाऊंटचे यूजरनेम बदलू शकता.  (फोटो सौजन्य: istock) 

इंस्टाग्राम युजरनेम युनिक असणं गरजेचं

इंस्टाग्रामवर तुमचे युजरनेम हे तुमच्या प्रोफाईलवर दिसणाऱ्या डिस्प्ले नेमपेक्षा वेगळे ठेवले जाते. यूजरनेम तुमच्या प्रोफाईल पेजवर सर्वात वरच्या बाजूला दिसते. हे तुमच्या इंस्टाग्राम प्रोफाईल यूआरएलचा भाग असते. यासाठी यूजरनेम युनिक असणं गरजेचं असतं. यामध्ये लेटर्स, नंबर्स, पीरियड्स आणि अंडरस्कोर समाविष्ट असू शकतं. डिस्प्ले नेम यूनिक असण्याची गरज नसते आणि त्यावर अशा प्रकारचे निर्बंध लागू होत नाहीत. यूजरनेम बदलण्यासाठी तुम्हाला काही सोप्या स्टेप्स फॉलो कराव्या लागणार आहेत.

इंस्टाग्राम यूजरनेम बदलण्यासाठी फॉलो करा या स्टेप्स

• तुमच्या आयफोन किंवा अँड्रॉईड फोनमध्ये इंस्टाग्राम ओपन करा. ज्या अकाऊंटचे यूजरनेम बदलायचे आहे, त्या अकाऊंटमध्ये लॉगिन करा.
• तुमचे प्रोफाईल ओपन केल्यानंतर खालील उजव्या कोपऱ्यात असलेल्या तुमच्या प्रोफाईल फोटोवर टॅप करा.
• तुमच्या बायोच्या खाली दिसणाऱ्या एडीट प्रोफाईल पर्यायावर टॅप करा.
• आता यूजरनेम फील्डवर टॅप करा.
• जुने यूजरनेम डिलीट करा आणि आता नवीन यूजरनेम एंटर करा, ज्याचा तुम्हाला वापर करायचा आहे.
• तुम्ही एंटर केलेले यूजरनेम उपलब्ध आहे की नाही, याबाबत इंस्टाग्राम तुम्हाला माहिती देईल. त्यानुसार तुम्ही दुसऱ्या यूजरनेमची निवड करू शकता.
• आता बदल सेव्ह करा आणि वरच्या उजव्या कोपऱ्याच दिसणाऱ्या चेकमार्कवर टॅप करा.

इंस्टाग्राम यूजरनेम निवडताना लक्षात ठेवा या गोष्टी

इंस्टाग्राम यूजरनेम पूर्णपणे युनिक असतात, याचा अर्थ असा आहे की, तुमचे आवडते यूजरनेम जर यापूर्वीच एखाद्या यूजरने सेव्ह केले असेल तर इंस्टाग्राम तुम्हाला त्या यूजरनेमचा वापर करण्याची परवानगी देणार नाही. अशावेळी तुम्ही यूजरनेममध्ये एखादा नंबर, डॉट किंवा अंडरस्कोर जोडू शकता किंवा नावाचे एखादे छोटे वर्जन वापरू शकता.

नव्या धमाक्यासाठी सज्ज व्हा! Vivo चा नवा स्मार्टफोन लवकरच करणार एंट्री… BIS वर झाला स्पॉट

यूजरनेम अपडेट केल्यानंतर इंस्टाग्राम तुम्हाला 14 दिवसांचा लॉक-इन पीरियड देतो. म्हणजेच यूजरनेम सेव्ह केल्यानंतर 14 दिवसांत तुमचा विचार बदलला, तर तुम्ही पुन्हा तुमच्या जुन्या यूजरनेमवर स्विच करू शकता. 14 दिवसांचा कालावधी पूर्ण झाल्यानंतर तुमचे जुने यूजरनेम पब्लिक होते. म्हणजेच कोणताही दुसरा यूजर तुमचे जुने यूजरनेम क्लेम करू शकतो. यूजरनेम अपडेट झाल्यानंतर तुमचे प्रोफाईल यूआरएल त्वरित बदलणार आहे.