Vivo चा अचानक नवा फोन बाजारात दाखल! 6500mAh बॅटरीपासून 100x झूमपर्यंत मिळणार खास फीचर्स, जाणून घ्या किंमत

Vivo S50t Vitality Edition: विवोने पुन्हा एकदा धमाका करत एक नवीन स्मार्टफोन लाँच केला आहे. कंपनीने त्यांचा हा नवीन स्मार्टफोन प्रिमियम रेंजमध्ये लाँच केला आहे. या डिव्हाईसमध्ये अनेक दमदार फीचर्स देण्यात आले आहेत. या स्मार्टफोनची किंमत जाणून घेऊया.

• विवो एस 50 टी वाइटॅलिटी एडिशन दोन व्हेरिएंटमध्ये लाँच झाला असून त्याची सुरुवातीची किंमत सुमारे ₹47 हजार आहे.
• फोनमध्ये 6.59-इंच अमोलेड डिस्प्ले, स्नॅपड्रॅगन 8s जेन 3 चिपसेट आणि 6,500mAh बॅटरी देण्यात आली आहे.
• फोटोग्राफीसाठी 50MP फ्रंट कॅमेरासह 50MP प्रायमरी आणि 50MP पेरिस्कोप टेलिफोटो कॅमेरा मिळतो.

Vivo Smartphone Launched: टेक कंपनी विवोने मे महिन्यात S60 आणि S60 वाइटॅलिटी एडिशन लाँच केले होते. मात्र आता कंपनीने गेल्यावर्षी लाँच करण्यात आलेल्या S50 सीरीजमधील एक नवीन डिव्हाईस लाँच करत सर्वांना आश्चर्याचा धक्का दिला आहे. कंपनीने Vivo S50t Vitality Edition या नावाने त्यांचा नवीन स्मार्टफोन लाँच केला आहे. लाँच करण्यात आलेले हे नवीन डिव्हाईस आधीपासूनच उपलब्ध असलेल्या S50 लाइनअपमध्ये समाविष्ट केला जाणार आहे. विवोच्या S50 लाइनअपमध्ये आधीपासूनच Vivo S50, S50t आणि S50 Pro Mini हे मॉडेल्स समाविष्ट आहेत. कंपनीने लाँच केलेल्या या नवीन डिव्हाईसची किंमत किती आहे आणि यामध्ये कोणते फीचर्स देण्यात आले आहेत, याबाबत आता सविस्तर जाणून घेऊया.

Bumble ने बदलला डेटिंगचा मोठा नियम! आता मॅचनंतर महिला नाही तर पुरुषही करू शकणार पहिला मेसेज, जाणून घ्या सविस्तर

विवो एस 50 टी वाइटॅलिटी एडिशनची किंमत आणि उपलब्धता

कंपनीने त्यांचा नवीन स्मार्टफोन 12GB+256GB आणि 12GB+512GB या दोन रॅम आणि स्टोरेज व्हेरिअंटमध्ये लाँच केला आहे. डिव्हाईसच्या 12GB+256GB व्हेरिअंटची किंमत 3,299 युआन म्हणजेच सुमारे 47 हजार रुपये आणि 12GB+512GB व्हेरिअंटची किंमत 3,599 युआन म्हणजेच सुमारे 51 हजार रुपये आहे. ग्राहक हा स्मार्टफोन स्पेस ब्लॅक, इंस्पिरेशन पर्पल, कन्फेशन व्हाइट आणि सेरीन ब्लू रंगांच्या पर्यायांत खरेदी करू शकतात.  (फोटो सौजन्य: Pinterest) 

विवो एस 50 टी वाइटॅलिटी एडिशनचे स्पेसिफिकेशन्स आणि फीचर्स

विवोने त्यांच्या या नवीन डिव्हाईसमध्ये 6.59-इंच अमोलेड डिस्प्ले दिला आहे. यासोबतच या फोनमध्ये 120Hz पर्यंत रिफ्रेश रेट आणि 2000Hz पर्यंत इंस्टँटेनियस टच सँपलिंग रेट मिळणार आहे. फोनला पावर देण्यासाठी या डिव्हाईसमध्ये स्नॅपड्रॅगन 8s जेन 3 चिपसेट देण्यात आला आहे. यासोबतच कंपनीने लाँच केलेल्या या नवीन स्मार्टफोनमध्ये स्नॅपड्रॅगन 8s जेन 3 चिपसेट देण्यात आला आहे. या नव्या फोनमध्ये 12GB रॅम आणि 512GB पर्यंत स्टोरेज देण्यात आले आहे.

कंपनीच्या या नव्या डिव्हाईसमध्ये 90W वायर्ड चार्जिंग सपोर्टसह 6,500mAh बॅटरी देण्यात आली आहे. तथापी, कंपनीचे हे डिव्हाईस वायरलेस चार्जिंगला सपोर्ट करत नाही. मात्र यूएसबी टाईप-सीद्वारे रिवर्स चार्जिंग सपोर्ट मिळणार आहे. फोनमध्ये अँड्रॉईड 16 वर आधारित ओरिजीनओएस 6 मिळणार आहे. फोनमध्ये अल्ट्रासोनिक फिंगरप्रिंट रिकग्निशन आणि फेस अनलॉकची सुविधा देखील मिळणार आहे.

Fraud Alert: 15 ऑगस्टच्या शुभेच्छांचा मेसेज अन् क्षणातच रिकामं होईल बँक अकाऊंट! स्कॅमर्सपासून राहा सावध, लक्षात ठेवा या टिप्स

फोटोग्राफी लवर्ससाठी या फोनमध्ये ऑटोफोकससह 50-मेगापिक्सेलचा फ्रंट कॅमेरा देण्यात आला आहे. तर डिव्हाईसच्या रिअर कॅमेरा सेटअपमध्ये ओआयएससह 50-मेगापिक्सेलचा प्रायमरी कॅमेरा दिला आहे. फोनमध्ये 8-मेगापिक्सेलचा अल्ट्रा-वाइड लेंस आणि ओआयएससह 50-मेगापिक्सेलचा पेरिस्कोप टेलीफोटो कॅमेरा देखील मिळणार आहे. डिव्हाईसमध्ये टेलिफोटो कॅमेराद्वारे 100x पर्यंत डिजिटल झूम सपोर्ट देखील मिळणार आहे.