Vivo चे दोन 5G फोन आता नवीन रॅम व्हेरिअंटमध्ये दाखल! 9020mAh बॅटरी आणि स्नॅपड्रॅगन प्रोसेसरने सुसज्ज… वाचा सविस्तर

Vivo T5 Lite 5G And vivo T5 Pro 5G: विवोचे दोन स्मार्टफोन्स नवीन रॅम आणि स्टोरेज व्हेरिअंट्समध्ये लाँच करण्यात आले आहेत. विवो टी5 लाइट 5G मध्ये 44W वायर्ड फास्ट चार्जिंग सपोर्टसह 6,500mAh बॅटरी मिळणार आहे. तर विवो टी5 प्रो 5G मध्ये 90W वायर्ड फास्ट चार्जिंग सपोर्टसह 9,020mAh बॅटरी मिळणार आहे.

• दोन्ही डिव्हाईसचे नवीन रॅम आणि स्टोरेज व्हेरिअंट्स लाँच
• विवो टी5 लाइट 5G मध्ये 6.74-इंच एचडी+ एलसीडी डिस्प्ले
• विवो टी5 प्रो 5G च्या समोरील बाजूला फोनमध्ये 32-मेगापिक्सेलचा सेल्फी कॅमेरा

Vivo Smartphone Launched: टेक कंपनी विवोने अलीकडेच भारतात त्यांच्या T सीरीजअंतर्गत Vivo T5 Lite 5G आणि T5 Pro 5G हे दोन स्मार्टफोन्स लाँच केले होते. आता कंपनीने या दोन्ही डिव्हाईसचे नवीन रॅम आणि स्टोरेज व्हेरिअंट्स लाँच केले आहेत. हे व्हेरिअंट्स स्मार्टफोन्सच्या अधिकृत लाँचिंगच्या काही महिन्यांनी सादर करण्यात आले आहेत.

डिझाईन लयभारी अन् फीचर्स कमाल! Huawei चा नवा स्मार्टफोन मार्केट गाजवण्यासाठी सज्ज, यूजर्सची उत्सुकता शिगेला

विवो टी5 लाइट 5G ची किंमत

विवो टी5 लाइट 5G च्या नव्या व्हेरिअंटमध्ये 4GB रॅम+ 64GB स्टोरेज मिळणार आहे. याची किंमत फ्लिपकार्टवर 30,999 रुपये आहे. हा स्मार्टफोन ‘कमिंग सून’ टॅगसह दिसत आहे. हा स्मार्टफोन जुलै महिन्यात 4GB + 128GB, 6GB + 128GB आणि 6GB + 256GB या रॅम आणि स्टोरेज व्हेरिअंट्समध्ये लाँच करण्यात आला होता.  (फोटो सौजन्य: Vivo) 

विवो टी5 प्रो 5G ची किंमत

विवो टी5 प्रो 5G चे नवीन व्हेरिअंट आता 6GB रॅम + 128GB स्टोरेज व्हेरिअंटमध्ये लाँच करण्यात आले आहे. फ्लिपकार्टवर हा स्मार्टफोन 49,999 रुपयांत उपलब्ध आहे. हा स्मार्टफोन देखील ‘कमिंग सून’ टॅगसह दिसत आहे. एप्रिल महिन्यात हा स्मार्टफोन 8GB + 128GB, 8GB + 256GB आणि 12GB + 256GB या रॅम आणि स्टोरेज व्हेरिअंट्समध्ये लाँच करण्यात आला होता. दोन्ही विवो फोन्सच्या नवीन आवृत्त्या फ्लिपकार्टच्या ‘बिग बिलियन डेज’ सेलदरम्यान खरेदीसाठी उपलब्ध असतील; हा सेल 8 ऑक्टोबरपासून सुरू होत आहे.

विवो टी5 लाइट 5G आणि विवो टी5 प्रो 5G चे स्पेसिफिकेशन्स

स्मार्टफोनच्या फीचर्स आणि स्पेसिफिकेशन्सबद्दल बोलायचं झालं तर यामध्ये विवो टी5 लाइट 5G मध्ये 6.74-इंच एचडी+ एलसीडी डिस्प्ले आहे, ज्याचा रिफ्रेश रेट 120Hz पर्यंत आहे. या फोनमध्ये मीडियाटेक डाइमेंसिटी 6300 चिपसेट मिळणार आहे. यासोबतच, यामध्ये डुअल रियर कॅमेरा आहे, ज्यामध्ये 50-मेगापिक्सेलचा प्रायमरी आणि 5-मेगापिक्सेलचा फ्रंट कॅमेरा आहे. डिव्हाईसमध्ये 44W वायर्ड फास्ट चार्जिंग सपोर्टसह 6,500mAh बॅटरी मिळणार आहे. धूळ आणि पाण्यापासून सुरक्षेसाठी या स्मार्टफोनमध्ये IP65 रेटिंग मिळणार आहे.

विवो टी5 प्रो 5G मध्ये 6.83-इंच अमोलेड डिस्प्ले दिला आहे. यासोबतच या स्मार्टफोनमध्ये 144Hz पर्यंत रिफ्रेश रेट सपोर्ट आणि स्नॅपड्रॅगन 7s जेन 4 चिपसेट मिळणार आहे. या फोनमध्ये देखील डुअल रियर कॅमेरा आहे. ज्यामध्ये 50-मेगापिक्सेलचा प्रायमरी कॅमेरा आणि 2-मेगापिक्सेलचा बोकेह कॅमेरा मिळणार आहे.

खरेदीदारांची वाढली चिंता! Xiaomi चा ‘हा’ स्मार्टफोन तब्बल 10 हजार रुपयांनी झाला महाग, आता मोजावे लागणार इतके पैसे

स्मार्टफोनच्या समोरील बाजूला फोनमध्ये 32-मेगापिक्सेलचा सेल्फी कॅमेरा मिळणार आहे. या डिव्हाईसमध्ये 90W वायर्ड फास्ट चार्जिंग सपोर्टसह 9,020mAh बॅटरी मिळणार आहे. धूळ आणि पाण्यापासून सुरक्षेसाठी डिव्हाईसमध्ये IP68 + IP69 रेटिंग मिळणार आहे.