WhatsApp Update: आता व्हॉट्सॲपवरूनच भरा पाणी आणि क्रेडिट कार्डच बिल... भारतीय यूजर्ससाठी आलं नवं फीचर, असा करा वापर
यूजर्सना 30 हून अधिक कॅटेगरीमध्ये 22,722 बिलर्सचा सपोर्ट मिळणार आहे, ज्यामध्ये वीज, गॅस, पाणी, फास्टॅग, विमा, क्रेडिट कार्ड्स आणि कर्जाचे हफ्ते देखील समाविष्ट असणार आहेत. हे फीचर टप्प्याटप्प्याने रोलआऊट केले जात आहेत. येत्या काही आठवड्यांत हे फीचर संपूर्ण भारतात अँड्रॉईड आणि आयओएस यूजर्ससाठी रोलआऊट केलं जाणार आहे. (फोटो सौजन्य – AI Created)
व्हॉट्सॲपने दिलेल्या माहितीनुसार, बिल पेमेंट्स सर्विस रोलआऊट केल्यानंतर ॲपमधील पेमेंटची व्याप्ती मोबाईल रिचार्ज आणि इतर व्यवहारांपर्यंत मर्यादित राहिलेली नाही तर त्यापलीकडे जाऊन लक्षणीयरीत्या विस्तारली आहे. यूजर्स व्हॉट्सॲप ओपन करून होम स्क्रीनवर वरच्या बाजूला दिसणाऱ्या ₹ (रुपये) आयकॉनवर टॅप करून बिल पेमेंट्स सेवा सुरु करू शकतात. यानंतर यूजर्सना बिल कॅटेगरी आणि बिलरची निवड करावी लागणार आहे. आता अकाऊंट डिटेल्स भरा आणि कंफर्म करा. आता पेमेंट करू शकतात. पण पेमेंट करण्यापूर्वी बिलाची रक्कम पुन्हा एकदा तपासून पाहा. व्हॉट्सॲपवर बिलाचे पेमेंट करण्यासाठी तुम्हाला यूपीआय, डेबिट कार्ड आणि क्रेडिट कार्ड असे तीन पेमेंट ऑप्शन्स मिळणार आहेत.
व्हॉट्सॲपवर रोलआऊट करण्यात आलेल्या या फीचरची आणखी एक विशेषत: म्हणजेच हाउसहोल्ड बिल्स समरी. यामध्ये जुनी बिले आपोआप दर्शविली जातील, तसेच ज्या बिलर्सना तुम्ही यापूर्वी व्हॉट्सॲपद्वारे पैसे दिले आहेत, ते होम स्क्रीनवर ‘वन-टॅप ॲक्सेस’सह पाहू शकता. कंपनीचं असं म्हणणं आहे की, यूजर्स एकाच बिलरअंतर्गत विविध अकाऊंट्स देखील मॅनेज करू शकणार आहेत. ज्यामुळे घर, ऑफीस किंवा कुटूंबातील सदस्यांची बिले एकाच ठिकाणाहून भरणे सोपे होते. या फीचरअंतर्गत यूजर्सना प्रसिद्ध बिल कॅटेगरीज आपोआप वरच्या बाजूला दिसणार आहेत. तसेच संपूर्ण यादी पाहण्यासाठी यूजर्सना सी ऑल पर्यायाची निवड करावी लागणार आहे. यामध्ये 20 हून अधिक कॅटेगरी असणार आहेत.
.png "Videos"){kind=small}
