WhatsApp Update: मेसेजिंग प्लॅटफॉर्मवर नव्या फीचर्सचा पाऊस! चॅट ट्रान्सफरपासून फोटो एडिटिंगपर्यंत… असा बदलणार यूजर्सचा अनुभव

व्हाट्सअ‍ॅपने त्यांच्या ब्लॉक पोस्टमध्ये नवीन फीचर्सची घोषणा केली आहे. हे फीचर्स सर्व युजर्ससाठी टप्प्याटप्प्याने रोल आउट केले जात आहे. कंपनीने त्यांच्या युजरसाठी रोल आउट केलेल्या नव्या फीचर्सबद्दल जाणून घेऊया.

• तब्बल सात नवीन फीचर्स एकाच वेळी रोल आउट
• युजर्स व्हाट्सअ‍ॅप चॅट्स क्रॉस फ्लॅटफॉर्मवर ट्रान्सफर करू शकणार
• व्हाट्सअ‍ॅपमध्ये अकाउंट मायग्रेशन नावाचे एक नवीन फिचर

व्हाट्सअ‍ॅप हे जगातील सर्वाधिक वापरले जाणारे मेटाच्या मालकीचे मेसेजिंग प्लॅटफॉर्म आहे. या सोशल मीडिया प्लॅटफॉर्मचे करोडो युजर्स आहेत. याच करोडो युजर्ससाठी कंपनी वारंवार नवीन फीचर्स आणि अपडेट घेऊन येत असते. आता देखील कंपनीने एक दोन नाही तर तब्बल सात नवीन फीचर्स एकाच वेळी रोल आउट केले आहे. आता व्हाट्सअ‍ॅपचा वापर करणारे युजर्सना स्टोरेजची कोणतीही चिंता राहणार नाही. तसेच युजर्सना एकच ॲपमध्ये दोन व्हाट्सअ‍ॅप अकाउंट लॉगिन करण्याची सुविधा देखील मिळणार आहे. तसेच मेटाने या इन्स्टंट मेसेजिंग प्लॅटफॉर्ममध्ये काही एआय फिचर्सचा देखील समावेश केला आहे.

भारतात सॅमसंगने मारली बाजी! टॅब्लेट विक्रीत Apple आणि Acer ला सोडले मागे, जाणून घ्या सविस्तर

चॅट्स ट्रान्सफर करणे झाली अधिक सोपे

व्हाट्सअ‍ॅपने त्यांच्या ब्लॉक पोस्टमध्ये सांगितले आहे की, आता युजर्स त्यांचे व्हाट्सअ‍ॅप चॅट्स क्रॉस फ्लॅटफॉर्मवर ट्रान्सफर करू शकणार आहे. याचा अर्थ असा आहे की आता युजर त्यांचे चॅट्स अँड्रॉइड फोनहून आयफोनवर किंवा आयफोन फोनवरून अँड्रॉइड फोनवर ट्रान्सफर करू शकतात. ही प्रोसेस देखील अतिशय सोपी आहे. (फोटो सौजन्य – Pinterest)

अकाउंट माइग्रेशन

व्हाट्सअ‍ॅपमध्ये अकाउंट मायग्रेशन नावाचे एक नवीन फिचर जोडण्यात आले आहे. युजर्स त्यांचे अकाउंट डिटेल्स ग्रुप आणि इंडिविज्युअल चॅट्स, व्हाट्सअ‍ॅप चॅनेल अपडेट्स आणि चॅट हिस्ट्री आता मायग्रेट करू शकणार आहेत. या प्रोसेसमुळे युजर्स नवीन फोनमध्ये देखील त्यांची संपूर्ण माहिती अगदी सहजपणे मायग्रेट करू शकतात.

स्टोरेज रिकामे करणे झाले आणखी सोपे

ब्लॉक पोस्टमध्ये दिलेल्या माहितीनुसार, व्हाट्सअ‍ॅप युजर त्यांच्या अकाउंटचे स्टोरेज आता अगदी सहजपणे मॅनेज करू शकणार आहे. युजर्सना आता जुने चॅट्स एक एक करून डिलीट करण्याची गरज नाही. कारण नवीन फीचर्सअंतपर्गत आता युजर एकाच वेळी संपूर्ण चॅट डिलीट करू शकणार आहेत. तसेच युजरकडे डिलीट केलेल्या चॅट्समधून मीडिया फाईल स्टोअर करण्याचा ऑप्शन असणार आहे.

एकाच आयफोनमध्ये दोन व्हाट्सअप अकाउंट

व्हाट्सअपने त्यांच्या ब्लॉक पोस्टमध्ये सांगितले आहे की, आता आयफोन युजर एका व्हाट्सअपमध्ये दोन अकाउंट वापरू शकणार आहेत. हे फीचर इंस्टाग्राम प्रमाणेच आहे. यामध्ये देखील युजर्सना दोन वेगवेगळे अकाउंट वापरण्याची परवानगी मिळते. तसेच व्हाट्सअ‍ॅप युजर्सकडे या फीचरअंतर्गत प्रोफाइल निवडण्याचे देखील पर्याय असणार आहे.

AI फोटो एडिटिंग

व्हाट्सअ‍ॅपने मेटा एआयवर आधारित एक नवीन AI फोटो एडिटिंग फीचर देखील रोल आउट केले आहे. युजर्स व्हॉट्सॲपवर शेअर केले जाणारे फोटो ॲपमध्ये एआयच्या मदतीने एडिट करू शकणार आहेत. यासोबतच ऑब्जेक्ट रिमूव करण्यापासून बॅकग्राऊंड बदलण्यापर्यंत अनेक सुविधा मिळणार आहेत.

OnePlus ने लाँच केला जगातील सर्वात पातळ स्मार्टफोन कूलर, यूजर्सना असा होणार फायदा! किंमत सर्वसामान्यांच्या बजेटमध्ये

AI राइटिंग हेल्प

व्हाट्सअ‍ॅपमध्ये एआय रायटिंग हेल्प टूल देखील जोडण्यात आले आहे. हे टूल चॅट्स करताना तुम्हाला सजेशन देणार आहे. कंपनीने दावा केला आहे की या टूलमुळे युजरच्या प्रायव्हसीवर कोणताही परिणाम होणार नाही.

कंटेट मॅनेजमेंट झाले सोपे

व्हाट्सअ‍ॅपमधील नवीन फीचर्समुळे कंटेट मॅनेज करणे अधिक सोपे झाले आहे. युजर्स त्यांचे चॅट्स वेगवेगळ्या डिव्हाईसमध्ये अगदी सहज मॅनेज करू शकणार आहेत.