सॅमसंगच्या फोल्डेबल फोनला शाओमीचं आव्हान! वाइड डिस्प्लेसह लाँच केला नवा Xiaomi 18 Fold, पाहा काय आहे खास

Xiaomi 18 Fold Launched: शाओमीने त्यांचा पहिला वाइड डिस्प्लेवाला फोल्डेबल स्मार्टफोन लाँच केला आहे. या स्मार्टफोनमध्ये 5.38 इंचाचा कवर डिस्प्ले आणि कंपनीचा इन-हाउस Xring O3 चिपसेट देण्यात आला आहे.

सॅमसंगच्या फोल्डेबल फोनला शाओमीचं आव्हान! वाइड डिस्प्लेसह लाँच केला नवा Xiaomi 18 Fold, पाहा काय आहे खास

Follow Us:

Follow Us:

• शाओमी 18 फोल्ड ची सुरुवातीची किंमत CNY 10,999 म्हणजेच सुमारे 1.55 लाख रुपये असून, टॉप व्हेरिअंटची किंमत सुमारे 2.25 लाख रुपये आहे.
• या फोल्डेबल फोनमध्ये 7.58 इंचाचा मुख्य डिस्प्ले, 5.38 इंचाचा कवर डिस्प्ले आणि कंपनीचा इन-हाउस Xring O3 चिपसेट देण्यात आला आहे.
• फोनच्या मागील बाजूस 200MP मुख्य OIS कॅमेऱ्यासह 50MP पेरीस्कोप आणि 50MP अल्ट्रा-वाइड कॅमेरा असलेला ट्रिपल कॅमेरा सेटअप मिळतो.

iQOO ने पुन्हा जिंकले ग्राहकांचे लक्ष! दमदार फीचर्ससह Z11xa 5G स्मार्टफोनची भारतात एंट्री, किंमत पाहून चक्क व्हाल

शाओमी 18 फोल्ड ची किंमत

नवा शाओमी 18 फोल्ड 5 रॅम आणि स्टोरेज व्हेरिअंट्समध्ये लाँच करण्यात आला आहे. ज्यामध्ये 12GB + 256GB, 12GB + 512GB, 16GB + 512GB, 16GB + 1TB आणि 16GB + 1TB (सिरॅमिक स्पेशल) व्हेरिअंट्सचा समावेश आहे. स्मार्टफोनच्या 12GB + 256GB व्हेरिअंटची किंमत CNY 10,999 म्हणजेच सुमारे 1,54,800 रुपये, 12GB + 512GB व्हेरिअंटची किंमत CNY 11,999 म्हणजेच सुमारे 1,68,800 रुपये, 16GB + 512GB व्हेरिअंटची किंमत CNY 12,999 म्हणजेच सुमारे 1,82,900 रुपये, 16GB + 1TB व्हेरिअंटची किंमत CNY 14,999 म्हणजेच सुमारे 2,11,000 रुपये आणि 16GB + 1TB (सिरॅमिक स्पेशल) व्हेरिअंटची किंमत CNY 15,999 म्हणजेच सुमारे 2,25,100 रुपये ठेवण्यात आली आहे. हा स्मार्टफोन लाल, काळा आणि वॉर्न गोल्ड व्हाईट रंगांच्या पर्यायांत सादर करण्यात आला आहे. या स्मार्टफोनचे स्पेशल एडिशन सिरॅमिक कलर रंगात उपलब्ध आहे.  (फोटो सौजन्य: Xiaomi) 

शाओमी 18 फोल्ड चे फीचर्स आणि स्पेसिफिकेशन्स

डिस्प्ले

शाओमीने लाँच केलेल्या नव्या स्मार्टफोनमध्ये 7.58 इंच फोल्डेबल डिस्प्ले देण्यात आला आहे. या फोनमध्ये एलटीपीओ ओएलईडी पॅनलचा वापर करण्यात आला आहे, जो 120Hz रिफ्रेश रेट आणि 4000 निट्सपर्यंत पीक ब्राइटनेसचा सपोर्ट देण्यात आला आहे. तसेच, या लेटेस्ट लाँच स्मार्टफोनमध्ये 5.38 इंच कवर डिस्प्ले देखील दिला आहे. या लेटेस्ट लाँच स्मार्टफोनमध्ये ओएलईडी पॅनलचा वापर करण्यात आला आहे, जो 120Hz रिफ्रेश रेट आणि 4,000 निट्सपर्यंत पीक ब्राइटनेसला सपोर्ट करतो.

प्रोसेसर

चीनी कंपनीचा हा फोन इन-हाउस Xring O3 चिपसेट आणि 16GB पर्यंत एलपीडीडीआर 6 रॅम आणि 1TB पर्यंत स्टोरेजसह लाँच करण्यात आला आहे. कंपनीने या स्मार्टफोनमध्ये 67W वायर्ड आणि 50W वायरलेस चार्जिंग फीचर सपोर्टसह 6000mAh बॅचरी दिली आहे. फोन अँड्रॉईड 17 वर आधारित हाइपरओएस 4 वर काम करतो.

Noise चा नवा ऑडिओ अवतार! IFA 2026 मध्ये सादर केले नवे ओपन-ईयर ईयरफोन्स; गाणी ऐकण्याचा अनुभव होणार आणखी खास

कॅमेरा सेटअप

या स्मार्टफोनच्या मागील बाजूला ट्रिपल कॅमेरा सेटअप देण्यात आला आहे. फोनमध्ये गूगल पिक्सेल सारखा कॅमेरा मॉड्यूल पाहायला मिळत आहे. या डिव्हाईसमध्ये 200MP चा मुख्य OIS कॅमेरा मिळणार आहे. याशिवाय, या डिव्हाईसमध्ये 50MP चा पेरीस्कोप आणि 50MP चा अल्ट्रा वाइड कॅमेरा देण्यात आला आहे. सेल्फी आणि व्हिडीओ कॉलिंगसाठी या डिव्हाईसमध्ये 16MP चा कॅमेरा दिला आहे.

Web Title: Xiaomi 18 fold launched first wide display foldable smartphone to compete with samsung galaxy z fold 8

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com