YouTube ने बदलले पार्टनर प्रोग्रामचे नियम! नव्या युट्यूबर्ससाठी मोनेटाइजेशन होणार आणखी कठीण, जाणून घ्या सविस्तर

युट्यूबने आपल्या पार्टनर प्रोग्रामच्या नियमांमध्ये मोठा बदल करण्याची घोषणा केली आहे. 2018 नंतरचा हा पहिला मोठा अपडेट असून, नव्या नियमांमुळे युट्यूबवर कमाई करू इच्छिणाऱ्या क्रिएटर्सच्या पात्रतेवर परिणाम होणार आहे.

• 1 फेब्रुवारी 2027 पासून YPP साठी क्रिएटर्सना 8,000 पात्र वॉच अवर्स किंवा 90 दिवसांत 2 कोटी पात्र शॉर्ट्स व्ह्यूजची अट पूर्ण करावी लागेल.
• शॉर्ट्समधून जाहिरात आणि सब्सक्रिप्शन महसुलाचा वाटा मिळवण्यासाठी 90 दिवसांत 1 कोटी पात्र शॉर्ट्स व्ह्यूज आवश्यक असतील.
• युट्यूब प्रिमियम लाईट प्लॅनचा विस्तार करण्यात येणार असून, जाहिरातमुक्त कंटेंटसोबत डाउनलोड आणि बॅकग्राउंड प्लेबॅकची सुविधा मिळणार आहे.

लोकप्रिय व्हिडीओ स्ट्रिमिंग प्लॅटफॉर्म युट्यूबने 2006 मध्ये युट्यूब पार्टनर प्रोग्राम लाँच केला होता. आता 2026 मध्ये या प्रोग्रामला 20 वर्षे पूर्ण झाली आहे. या 20 वर्षांच्या कालावधीत युट्यूबने त्यांच्या पार्टनर प्रोग्रामच्या पॉलिसी अपडेट केल्या आहेत आणि प्लॅटफॉर्मवर क्रिएटरसोबत रेवेन्यू शेअर करण्याची पद्धत देखील बदलली आहे.

Redmi चा डबल धमाका! चीनमध्ये दोन नवे स्मार्टफोन लाँच, मोठी बॅटरी आणि 200MP कॅमेऱ्यासह मिळणार दमदार स्पेसिफिकेशन्स

आता कंपनीने त्यांच्या युट्यूब पार्टनर प्रोग्रामचे नियम अपडेट करण्याचा निर्णय घेतला आहे. हे अपडेट 2018 नंतरचा पहिला मोठा बदल असल्याचे कंपनीचे म्हणणं आहे. या नव्या अपडेटअंतर्गत, कंपनीने अशा नवीन क्रिएटर्ससाठी जाहिराती आणि प्रीमियम पात्रतेची मर्यादा वाढवली आहे, ज्यांना पार्टनर प्रोग्राममध्ये अप्लाय करण्याची इच्छा आहे. याशिवाय, कंपनीने त्यांचा प्रिमियम लाईट प्लॅन आणखी जास्त प्रदेशांमध्ये विस्तारण्याची देखील घोषणा केली आहे.

काय आहेत युट्यूब पार्टनर प्रोग्रामचे नवीन नियम?

व्हिडीओ स्ट्रिमिंग प्लॅटफॉर्मने घोषणा केली आहे की, कंपनी त्यांच्या युट्यूब पार्टनर प्रोग्रामचे नियम अपडेट करत आहे. YPP क्रिएटर इकॉनॉमीमध्ये आपले नेतृत्व कायम ठेवेल हे सुनिश्चित करण्यासाठी, हा 2018 नंतरचा पहिला मोठा बदल असल्याचे सांगितलं जात आहे. कंपनीने म्हटलं आहे की, 2027 मध्ये युट्यूब 2026 च्या तुलनेत क्रिएटर्सना आणखी जास्त पेमेंट देण्याची आशा व्यक्त केली जात आहे. जारी करण्यात आलेल्या नव्या अपडेट्सअंतर्गत, कंपनीने पार्टनर प्रोग्रामअंतर्गत अप्लाय करणाऱ्या नवीन क्रिएटर्ससाठीच्या आवश्यकतांमध्ये सुधारणा केली आहे. (फोटो सौजन्य: Pinterest) 

या दिवशी लागू होणार नवीन नियम

1 फेब्रुवारी 2027 पासून लागू केल्या जाणाऱ्या या नियमांनुसार, पार्टनर प्रोग्रमध्ये सहभागी होण्यासाठी अप्लाय करणाऱ्या क्रिएटर्सकडे गेल्या एका वर्षात 8,000 पात्र वॉच अवर्स किंवा गेल्या 90 दिवसांत 20 मिलियन (2 करोड) लक्ष पात्र शॉर्ट्स व्ह्यूज असणं आवश्यक आहे. टेक कंपनीने स्पष्टपणे सांगितलं आहे की, त्याच्या फॅन फंडिंग आणि शॉपिंग प्रोडक्ट्ससाठीच्या एंट्री लिमिट्समध्ये कोणताही बदल करण्यात आला नाही.

सध्या युट्यूब पार्टनर प्रोग्राममध्ये सहभागी होण्यासाठीची पात्रता अशी आहे की, गेल्या 365 दिवसांत सब्सक्राइबर्स आणि 4,000 क्वालिफाइड वॉच आवर्स किंवा 1,000 सब्सक्राइबर्स आणि गेल्या 90 दिवसांत 10 मिलियन (1 करोड) शॉर्ट्स व्ह्यूज असणं गरजेचं आहे. युट्यूबचं म्हणणं आहे की, हा बदल युट्यूबच्या वाढीसह जुळवून घेण्यासाठी केला जात आहे, जिथे आता रोज 200 बिलियन (20,000 करोड) हून अधिक शॉर्ट्स व्ह्यूज आणि टिव्हीवर दररोज 1 अब्ज तासांहून अधिकच्या वॉच टाईमची नोंद केली जाते.

शॉर्ट्स रेवेन्यू शेअर करण्याची पद्धत झाली अपडेट

याव्यतिरिक्त, युट्यूबने क्रिएटर्ससोबत शॉर्ट्स रेवेन्यू शेअर करण्याची पद्धत देखील अपडेट केली आहे. यूट्यूब आता क्रिएटर्ससाठी जाहिरात आणि सबस्क्रिप्शनद्वारे मिळणाऱ्या महसुलातील वाटा मिळवण्यास पात्र राहण्यासाठी, गेल्या 90 दिवसांत ‘शॉर्ट्स’चे 1 कोटी (10 मिलियन) पात्र व्ह्यूज असणे अनिवार्य करणार आहे. या लिमिटपर्यंत पोहोचू न शकणारे क्रिएटर्स देखील युट्यूब पार्टनर प्रोग्रामचा भाग असणार आहेत आणि लाँग फॉर्म कंटेटसाठी महसूल मिळवण्यास पात्र असतील. हा नवीन नियम देखील 1 फेब्रुवारी 2027 पासून लागू केला जाणार आहे.

Vi Recharge Plan: काय सांगता! आता यूजर्सच्या हिशोबाने सेट होणार इंटरनेट डेटा लिमिट; कंपनीने लाँच केले दोन नवे प्लॅन्स

युट्यूब प्रिमियम लाईट प्लॅन

कंपनीने घोषणा केली आहे की, युट्यूब प्रिमियम लाईट प्लॅन आता सर्व देशांसाठी उपलब्ध आहे. यामध्ये अधिक कंटेट जाहिरातींशिवाय पाहण्यासोबतच ऑफलाईन पाहण्यासाठी व्हिडीओ डाऊनलोड करण्याची आणि बॅकग्राऊंड प्लेबॅक करण्याची सुविधा देखील मिळणार आहे.