भारत हा विविधतेने भरलेला सुंदर देश आहे. आपल्या देशात असे अनेक गोष्टी आहेत ज्या पाहण्यासाठी देश-विदेशातून लोक भारतात येत असतात. यात काही सुंदर ठिकाणे देखील आहे. यामुळेच भारत जगभरात प्रसिद्ध आहे आणि सर्वांचे आवडते पर्यटन स्थळ देखील आहे. प्रत्येक राज्यातील प्रत्येक शहराची स्वतःची अशी काही खासियत असते. परंतु अशी काही ठिकाणे अशी आहेत जिथे काही कारणांमुळे जास्तीत जास्त पर्यटक भेट देतात. अशा परिस्थितीत, आज आम्ही तुम्हाला या लेखात भारतातील सर्वाधिक भेट दिलेल्या काही खास पर्यटन स्थळांबद्दल सांगणार आहोत. तुम्हीही पर्यटन प्रेमी असाल तर नवनवीन ठिकाणांना भेट द्यायला तुम्हाला आवडत असेल तर या ठिकाणांना तुम्ही आवर्जून भेट द्यायला हवी.
ताजमहाल
आग्रा येथील यमुना नदीच्या काठावर हस्तिदंती पांढऱ्या संगमरवरी बनलेला ताजमहाल त्याच्या सौंदर्यासाठी ओळखला जातो. हा जगातील सात आश्चर्यांपैकी एक आहे. ताजमहालच्या निमित्ताने अनेक पर्यटक दरवर्षी भारताच्या भेटीला येत असतात. लोक हा अलैकिक अजूबा पाहून आश्चर्यचकीत होतात आणि येथील सुंदर दृश्यांचा मनभरून आनंद लुटतात. मुघल सम्राट शाहजहानने त्याची पत्नी मुमताजच्या स्मरणार्थ हे ताजमहाल बांधला होता.
ट्रॅव्हल संबंधित बातम्या वाचण्यासाठी इथे क्लिक करा
बनारस
बनारस हे उत्तर प्रदेशातील एक धार्मिक स्थळ आहे ज्याला काशी असेही म्हणतात. लोक जिवंत असताना या स्थानाचा आनंद घेतात, परंतु हिंदू धर्मावर विश्वास ठेवणारे बहुतेक लोक मोक्ष मिळविण्यासाठी काशीमध्ये आपल्या प्राणांची आहुती देऊ इच्छितात. बनारसमध्ये अनेक सुंदर मंदिरे आणि धार्मिक स्थळे आहेत ज्यांना तुम्ही भेट देऊ शकतात. हे देशातील एक सुप्रसिद्ध धार्मिक स्थळ आहे.
राजस्थान
हे क्षेत्रफळानुसार भारतातील सर्वात मोठे राज्य आहे आणि जयपूर, उदयपूर, जैसलमेर, जोधपूर, अजमेर, बिकानेर, माउंट अबू आणि पुष्कर यांसारखी अनेक पर्यटन स्थळे या राज्याला लाभली आहेत. या सर्व ठिकाणांची स्वतःची खासियत आहे. इथे तुम्ही मोठमोठे भव्य राजवाडे आणि त्यांचा इतिहास जाणून घेऊ शकता.
ट्रॅव्हल संबंधित बातम्या वाचण्यासाठी इथे क्लिक करा
शिमला
हिमाचल प्रदेशात वसलेले शिमला हे कोणत्याही वीकेंडची योजना करण्यासाठी अतिशय सुंदर आणि प्रेक्षणीय स्थळ आहे. शिमला येथे भेट देण्याची ठिकाणे आणि आकर्षणे आहेत – चॅडविक फॉल्स, द ग्लेन, काली बारी मंदिर, हिमालयन बर्ड पार्क, तट्टापानी हॉट स्प्रिंग्स, स्कँडल पॉइंट, माशोब्रा, नालदेहरा गोल्फ पार्क, द रिज, कुफरी, ग्रीन व्हॅली, चैल, कियाला , क्राइस्ट चर्च, कुठार किल्ला, जॉनी वॅक्स म्युझियम, समर हिल. बहुतेक कपल्सचे शिमला हे आवडते हनिमून डेस्टिनेशन आहे.
