देव तारी त्याला कोण मारी! अख्खा डोंगर कोसळून बाईकसह थेट नदीत कोसळला, पण तरुणाला साधी खरचटही नाही, पहा थरारक VIDEO

Arunachal biker survives landslide : सोशल मीडियावर एक अत्यंत थरारक प्रसंगाचा व्हिडिओ तुफान व्हायरल होत आहे. अरुणाचल प्रदेशातील झालेल्या भूस्खलनातून एक तरुण सुखरुप बचावला आहे. यामुळे चमत्कारिक घटना म्हणून याकडे पाहिले जात आहे.

• अख्खा डोंगर कोसळून बाईकसह थेट नदीत कोसळला,
• पण तरुणाला साधी खरचटही नाही
• पहा थरारक VIDEO

निसर्गाचा प्रकोप किती भयानक असू शकतो आणि नशिबाची साथ असले माणूस मृत्यूच्या दारातून कसा परत येऊ शकतो याचा अंगावर काटा आणणारा प्रसंग समोर आला आहे.  अरुणाचल प्रदेशात ही घटना घडली आहे. एक तरुण डोंगराळ रस्त्यावरुन जात असताना अचानक संपूर्ण दरड कोसळू लागते. यामुळे तरुण दुचाकीसोबत त्या कोसळत्या डोंगरासोबत शेकडो फूट खाली वाहत जातो. पण तरीही त्याला काही होत नाही. हा अद्भुत पण तितकाच थरारक प्रसंग सोशल मीडियावर पाहायला मिळत आहे. हा व्हिडिओ पाहून अनेकांचा थरकाप उडाला आहे.

लाज कशी वाटत नाही? ट्रेनमध्ये सीटखाली फेकला कचरा फेकून तिथेच धुतला हात; महिलेचा संतापजनक प्रताप पाहून नेटकरी संतप्त, VIDEO VIRAL

नेमकं काय घडलं?

मिळालेल्या माहितीनुसार, अरुणाचल प्रदेशच्या लोअर सियांग जिल्ह्यातील सिजी भागात ही घटना घडली. भारतामध्ये मान्सूनच्या मुसधळधार पावसामुळे  ईशान्य भारतात हाहाकार माजला आहे. सततच्या पावसामुळे डोंगराळ भागातील रस्ते आणि माती अत्यंत ठिसूळ झाली आहे. यामुळे दरड कोसळण्याच्या घटना समोर येत आहे. व्हायरल होत असलेल्या व्हिडिओत तुम्ही पाहू शकता की, एक दुचाकीस्वार चिखलाने माखलेल्या अरुंद डोंगराळ भागातून आपली गाडी अत्यंत सावधगिरीने पुढे घेऊन जात आहे.

पण याच वेळी अचानक रस्ता एका बाजूवे पूर्णपणे कोसळू लागतो. यामुळे तरुणही त्यासोबत वाहत जातो.अवघ्या ५ ते ६ सेंकदात झाडे, दगड, आणि मातीच्या ढिगाऱ्यासोबत तरुणी नदीच्या पात्रात पडतो. हा अपघात एवढा भयंकर होता की, तरुणाचा जीव वाचणेही कठीण होते. पण आश्चर्याची बाब म्हणेज, एवढ्या उंचावरुन कोसळल्या नंतरही तरुणला काही होत नाही. या भयानक दुर्घटनेतून तरुण सुखरुप वाचतो.

व्हायरल व्हिडिओ

Hair raising video from Arunachal Pradesh shows a biker riding a landslide (28.06.2026) Amidst incessant rains across NE India, a video from Siji, Lower Siang shows a landslide carrying a biker down with it & blocking the Siji River. Luckily, the biker escaped unharmed. He… pic.twitter.com/ypRiZRQjQJ — Kyang Thang རྐྱང་ཐང་ (@Kyangs_Thang) June 28, 2026

नेटकऱ्यांच्या प्रतिक्रिया

सध्या या थरारक प्रसंगाचा व्हिडिओ सोशल मीडियावर व्हायरल होत आहे. हा व्हिडिओ सोशल मीडिया प्लॅटफॉर्म एक्सवर @Kyangs_Thang या अकाउंटवर शेअर करण्यात आला आहे. या व्हिडिओला हजारो व्ह्यूज मिळाले असून हे दृश्य पाहून अनेकांच्या काळजाचा ठोका चुकला आहे. एका नेटकऱ्याने जगातील सर्वात नशिबवान व्यक्ती म्हणून कमेंट केली आहे. तर दुसऱ्या एकाने काळ आला होता, पण वेळ आली नव्हती अशा प्रतिक्रिया दिली आहे. सध्या हा व्हिडिओ सोशल मीडियावर तुफान वेगाने व्हायरल होत आहे.

क्षणात होत्याचं नव्हतं झालं! मित्रांच्या डोळ्यादेखत तरुणाचा अंत; स्विमिंग पूलमध्ये उडी मारली अन्…, VIDEO पाहून अंगावर काटा येईल

टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.