पाय मोडला म्हणून उपचारासाठी चक्क पुठ्ठ्याचा आधार! डॉक्टरांचा कारनामा पाहून यूजर्स संतापले; Video Viral

बिहारमधील बेगूसराय येथील मंझौल हॉस्पिटलचा एक धक्कादायक व्हिडिओ सोशल मीडियावर व्हायरल झाला आहे. जखमी रुग्णाच्या पायावर प्लास्टरऐवजी पुठ्ठा लावल्याने रुग्णालयातील सुविधांवर प्रश्नचिन्ह उपस्थित होत आहेत. या घटनेवर यूजर्सकडून संताप व्यक्त केला जात आहे.

• बेगूसरायच्या मंझौल हॉस्पिटलमधील व्हिडिओ सोशल मीडियावर व्हायरल.
• जखमी रुग्णाच्या पायाला प्लास्टरऐवजी कार्डबोर्डचा वापर केल्याचा दावा.
• घटनेनंतर सरकारी रुग्णालयातील मूलभूत सुविधांवर यूजर्सकडून प्रश्न उपस्थित.

बिहारमधून एक हैराण करणारा व्हिडिओ समोर येत आहे. यात एका रुग्ण बेडवर पडल्याचे दिसले. रुग्णाचा पाय मोडलेला असतो आणि त्याच्या पायाला प्लास्टर कास्टऐवजी एक कार्डबोर्ड बॉक्स बसवल्याचे दिसते. ही धक्कादायक घटना बेगूसरायमधील मंझौल हॉस्पिटलमध्ये घडून आली. रुग्णालयातील हा सर्व प्रकार पाहून आता यूजर्स चांगलेच भडकले असून रुग्णालयावर तातडीने कारवाई मागणी केली जात आहे. चला व्हिडिओतील दृष्यांविषयी जाणून घेऊया.

यमराज घ्यायला आलेच होते तितक्यात… मृत्यूपासून एक इंच दूर होता तरुण, साडीचा आधाराने वाचला जीव; थरारक Video Viral

काय आहे प्रकरण?

व्हिडिओमध्ये स्पष्ट दिसून येत आहे की, एक व्यक्ती रुग्णालायातील बेडवर लेटला आहे. त्याच्या आजूबाजूला काही लोक जमली असून तरुणाच्या पायांना दुखापत झाल्याचे सांगण्यात येत आहे. रुग्ण वेदनेने बेडवर पडलेला असतो आणि त्याच्या पायावर एक कार्डबोर्ड बाॅक्स बसवण्यात आलेला असतो. व्हिडिओतील दृष्य पाहता रुग्णाला त्यावेळी किती वेदना होत असतील याची कल्पना आपण करु शकतो.

व्हिडिओच्या कॅप्शनमध्ये करण्यात आलेल्या दाव्यानुसार, एका रस्ते अपघातात तरुणाचा पाय गंभीररित्या जखमी झाला. मोडलेला पाय ठिक करण्यासाठी रुग्णालयात प्लास्टर उपलब्ध नव्हते ज्यामुळे नाईलाजाने डाॅक्टरांना पाय बांधण्यासाठी पुठ्ठ्याचा वापर केला. पुढील चांगल्या उपचारासाठी इथून दुसऱ्या रुग्णालयात हलवण्यात येणार आहे. परंतु या घटनेने सरकारी रुग्णालयांमधील वाईट दृष्य पुन्हा नजरेसमोर आणून ठेवले आहे. गरजू लोकांच्या मदतीला जर सरकारी रुग्णालय कामी येत नसेल किंवा मूलभूत सुविधाही जर तिथे उपलब्ध होत नसतील तर हे सरकारचे मोठे अपयश मानायला हरकत नाही. वेळेत योग्य ते उपचार न मिळाल्यास किंवा सुविधांच्या अभावामुळे रुग्णाचा जीव जाण्याचा धोका असतो.

This picture from Manjhaul Hospital in #Begusarai raises serious questions about #Bihar‘s health system. In a road accident, even plaster was not available to set the broken leg of the injured youth. Out of necessity, the doctors used cardboard as a support to bind the leg and… pic.twitter.com/seKWYD8TXK — Siraj Noorani (@sirajnoorani) August 6, 2026

७७ वर्षांची प्रतीक्षा संपली! गावात पहिल्यांदाच पोहोचली सरकारी बस, गावकऱ्यांचा आनंद गगनात मावेना; Video Viral

या घटनेमुळे सरकारी रुग्णालयातील सुविधांचा तुटवडा पुन्हा एकदा अधोरेखित होतो. यापूर्वीही अशा प्रकारच्या अनेक घटना समोर आल्या आहेत, ज्यात रुग्णांना वेळेवर आणि योग्य उपचार मिळाल्याने त्यांची प्रकृती आणखी बिघडल्याचे समोर आले. गावातील अधिकतर लोक हे सरकारी रुग्णालयांवर अवलंबून असतात. अशात सरकारी रुग्णालयात जर मूलभूत सुविधाच मिळत नसतील तर सर्वसामान्याने कुठे जावे असा प्रश्न निर्माण होतो.

टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.