इराणमध्ये का होत आहे रक्ताचा पाऊस, समुद्रकिनारा झाला लालबुंद… दृष्य इतके भयानक की पाहून कुणाचाही थरकाप उठेल; Video Viral

Iran Hormuz Island : इराणच्या होर्मुझ बेटाचे दृष्य आता रक्तासारखे लाल झाले आहे, जे पाहून कुणालाही क्षणात आश्चर्य वाटेल. हे दृश्य पाहण्यासाठी पर्यटक आणि शस्त्रद्यांनी आता मोठ्या प्रमाणात गर्दी केली आहे.

• इराणच्या होर्मुझ बेटावर मुसळधार पाऊस पडला
• पावसामुळे इथले दृष्य रक्तासारखे लाल झाले आहे
• हा रंग रक्तामुळे नसून पूर्णपणे नैसर्गिक भूगर्भीय प्रक्रिया आहे.

सोशल मिडियावर अलिकडे एक भयानक दृष्य शेअर करण्यात आले आहे, जे पाहून कुणाचाही आपल्या डोळ्यांवर विश्वास बसणार नाही. हे दृष्य इराणच्या होर्मुझ बेटावरील असून इथल्या आश्चर्यकारक आणि रहस्यमय सौंदर्याने जगाचे लक्ष वेधून घेतले आहे. इथे झालेल्या मुसळधार पावसामुळे बेटाचे समुद्रकिनारे लाल रक्तरंजित झाले. पहिल्यांदा पाहताच आपल्याला काही कळेनासे होईल पण घाबरुन जाण्याची गरज नाही कारण हे रक्त नसून पूर्णपणे निसर्गाचा एक अद्भूत चमत्कार आहे. चला इराणचा हा समुद्रकिनारा लालबुंद झाल्याचे नक्की कारण काय ते सविस्तर जाणून घेऊया.

त्याला शेवटचं भेटायचं आहे…! लग्नाच्या विधींआधी नवरीची बॉयफ्रेंडसोबत भावनिक भेट, डोळ्यात दाटले अश्रू अन्… Video Viral

काय घडलं व्हिडिओत?

इराणमधील होर्मुझ हे एक लहान बेट असून त्याच्या अद्भूत भूगर्भीय रचनेमुळे ही घटना घडून आली. पर्शियन आखात आणि होर्मुझच्या सामुद्रधुनीजवळ स्थित, होर्मुझ बेट त्याच्या रंगीबेरंगी भूगोलासाठी आणि अद्वितीय खडकांच्या रचनेसाठी ओळखले जाते. येथील माती आणि पर्वत लोह ऑक्साईडने समृद्ध आहेत, विशेषतः हेमॅटाइट नावाचे खनिज. हेमॅटाइट (Fe2O3) हा एक नैसर्गिक लोह ऑक्साईड आहे जो पृथ्वीवर लाल रंग निर्माण करतो आणि या खनिजाची उपस्थिती मंगळाच्या पृष्ठभागावर दिसणाऱ्या लाल रंगात देखील योगदान देते. जेव्हा पाऊस पडतो तेव्हा या लोहयुक्त पर्वत आणि मातीतून पाणी वाहते आणि हेमॅटाइटचे कण समुद्रकिनाऱ्यावर घेऊन जाते. यामुळे समुद्राचे पाणी आणि वाळू लाल होते. हा नैसर्गिक रंग बदल केवळ एक हंगामी घटना आहे आणि किनारपट्टीच्या पर्यावरणासाठी हानिकारक नाही. तथापि, सातत्यपूर्ण आणि पुरेसे नियंत्रण न करता, पृष्ठभागावरील मातीची धूप हळूहळू बेटाच्या भू-रचनेत बदल करू शकते, म्हणून पर्यावरण तज्ञ या घटनेचे निरीक्षण करत आहेत.

See more

The scene in Hormuz Island, off Iran’s coast, following heavy rainfall earlier today. pic.twitter.com/Wu6zxDUIkm — Joe Truzman (@JoeTruzman) December 16, 2025

“बाबा माझा 11 वर्षांपासून बॉयफ्रेंड आहे”! मुलीच्या प्रेमसंबंधावर वडिलांची गोड प्रतिक्रिया म्हणाले, बेटा… ; Video Viral

होर्मुझ बेटाचे लाल किनारे

होर्मुझ बेटाची माती मीठाचे डोम्स, ज्वालामुखींचे अवशेष आणि विविध खनिजांनी बनलेले आहेत. याच्या मातीमध्ये ओचर, जिप्सम आणि लोहखनिज आढळले जाते. येथील स्थानिक लोक या खनिजांचा वापर पारंपारिक रंग तयार करण्यासाठी करतात, जे बेटाचे सांस्कृतिक आणि आर्थिक प्रतीक आहे. पावसानंतर हा लाल रंग सर्वत्र पसरतो आणि एक अनोखे दृष्य समोर येते जे पाहून असे वाटते जणू निसर्गाने एक विशाल रंगीत कॅनव्हास तयार केला आहे. हे नैसर्गिक आशचर्य टिपण्यासाठी पर्यटक आणि शास्त्रज्ञ मोठ्या संख्येने इथे गर्दी करतात. ही घटना भूगर्भशास्त्र, हवामान आणि रसायनशास्त्र यांच्यातील एक अद्वितीय संगम दर्शवते. इथे फार सुंदर फोटोज आणि व्हिडिओज काढले जाऊ शकतात जे कुणालाही पहिल्या क्षणी पाहताच आश्चर्यचकित करेल.

टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.