आईच्या निधनानंतर अवघ्या ५ तासांच्या पेरोलवर जेलमधून बाहेर आले चिन्मय दास, डोळ्यात दाटले अश्रू अन् भावूक क्षणांचा Video Viral

आईच्या निधनानंतर बांग्लादेशातील हिंदू भिक्षू चिन्मय दास यांना अवघ्या पाच तासांच्या पॅरोलवर जेलबाहेर सोडण्यात आले. आईला शेवटच्या क्षणी भेटता न आल्याने ते भावूक झाले.

• आईच्या निधनानंतर चिन्मय दास यांना अंतिम संस्कारासाठी ५ तासांची पॅरोल मिळाली.
• जेलबाहेर येताच पुंडरिक मंदिरात ते ढसाढसा रडताना दिसले.
• आईला भेटण्यासाठी केलेली पॅरोलची विनंती प्रशासनाने यापूर्वी फेटाळली होती.

बांग्लादेशचे हिंदू भिक्षु चिन्मय दास हे मागील दोन वर्षांपासून पोलिस कोठडीत असून, अलिकडेच आईच्या निधानानंतर त्यांना पाच तासांच्या पॅरोलवर जेलबाहेर सोडण्यात आले. गुरुवारी १० सप्टेंबर रोजी त्यांची आई संध्या राणी यांचे निधन झाले. त्या बऱ्याच काळापासून आजाराला झुंज देत होत्या. मुख्य म्हणजे निधनाआधी चिन्मय दास यांनी आईची भेट घेण्यासाठी पॅरोल मिळण्याची परवानगी मागितली होती पण या विनंतीला पूर्णपणे फेटाळण्यात आले. त्यांना जेलबाहेर जाऊ दिले नाही ज्यानंतर आता आईच्या निधनानंतर त्यांना पॅरोल देण्यात आली आहे. जिवंत असताना शेवटच्या क्षणी आईला भेटता आले नाही याचे दु:ख चिन्मय दास यांच्या चेहऱ्यावर स्पष्टपणे झळकत होते. अशात लमधून बाहेर पडताच त्यांना धीर सुटला आणि ते ढसाढसा रडू लागले. या घटनेचे फुटेज सोशल मिडियावर शेअर करण्यात आले असून भिक्षुकाच्या दु:खावर आता अनेकांनी भावूक प्रतिक्रिया व्यक्त केल्या आहेत.

बांग्लदेशी मिडिया रिपोर्ट्सनुसार, चिन्मय कृष्ण दास यांना आईच्या निधनानंतर अंतिम संस्कारात सामील होण्यासाठी अवघ्या ५ तासांच्या परोलवर जेलबाहेर सोडण्यात आले. अंतिम संस्कार झाले आणि त्यांना पुन्हा पोलिस कोठडीत नेण्यात आलं. चिन्मय जेव्हा जेलबाहेर आले तेव्हा आपले आराध्यदैवत राधा-कृष्णाच्या मंदिरात जाऊन ते ढसढसा रडू लागले. ते पुंडरीक मंदिरात देवापुढे नतमस्तक झाले आणि आपले दु:ख देवासमोर मांडू लागले. कुटुंबाने दिलेल्या माहितीनुसार, आई संध्या राणी यांचे अंत्यसंस्कार पुंडरिक धाम येथे करण्यात आले.

मोबाईलने केला घात! लक्ष भरकटलं अन् थेट छतावरून खाली कोसळला तरुण; अंगाचा थरकाप उडवणारा Video Viral

भावाने केलेला पॅरोलचा अर्ज फेटाळला

चिन्मयचा मोठा भाऊ रंजन कुमार यांच्याकडून ९ सप्टेंबर रोजी चिन्मय यांना पॅरोलवर सोडण्यात यावे यासाठी अर्ज करण्यात आला होता. तथापि, चटगांव जिल्हा प्रशासनाने हा अर्ज फेटाळला आणि दुसऱ्याच दिवशी त्याच्या आईचे निधन झाले. उपायुक्त झाहिदुल इस्लाम मिया यांनी तिच्या मृत्यूनंतर चिन्मॉयला पाच तासांसाठी बाहेर जाण्याची परवानगी दिली.

या कारणामुळे पोलिस कोठडीची शिक्षा

चिन्मय दास यांना २५ नोव्हेंबर २०२४ मध्ये अटक करण्यात आली होती. राष्ट्रध्वजाचा अनादर केल्याचा आरोप त्याच्यांवर आहे ज्याप्रकरणी देशद्रोहाच्या गुन्ह्याखाली त्यांना पोलिस कोठडीची शिक्षा ठोठावण्यात आली. अटकेनंतर त्यांच्यावर इतरही अनेक गंभीर खटले दाखल करण्यात आले ज्यामुळे तुरुंगातून त्यांची लवकर सुटका झालेली नाही.

#Bangladesh Sri Chinmay Krishna Das Prabhu touched the feet of Radha-Krishna in Pundarik Dham temple of #Chattragram before taken to jail. Sri Chinmay Krishna Das Prabhu was given only a few hours of parole to see his dead mother for the last time. pic.twitter.com/JcLKT8OF3F — Hindu Voice (@HinduVoice_in) September 10, 2026

अजब-गजब! व्यक्तीने नाकात घातल्या ८ बिड्या अन् नाकातून काढला धूर, दृष्य पाहून यूजर्स चक्रावले; Video Viral

आईची शेवटची इच्छा

चिन्मय दास यांच्या कुटुंबियांनी सांगितले की, त्यांच्या आईचे गुरुवारी हथजारीमधील एका रुग्णालयात निधन झाले आणि जेलमध्ये बंद असलेल्या मुलाला तिची अंतिम इच्छी पूर्ण करता आले नाही. त्यांच्या भावाने बांग्लादेशी प्रकाशनला सांगितले की, “माझी आई आता या जगात नाही. ती जिवंत असताना माझ्या भावाला तिला पाहण्याची संधीसुद्धा मिळाली नाही”. बुधवारी कुटुंबियांनी चिन्मय यांची आईशी भेट घडवून आणण्यासाठी पॅरोलची मागणी केली होती परंतु आजारी नातेवाईकाला भेटण्यासाठी कैद्याला पॅरोल देण्याची कोणतीही तरतूद नाही असे उत्तर प्रशासनाकडून देण्यात आले.